Daniyel 9:27 - Bible en Guidar

²⁷ Waska wəlet ɗiy də wənmiyna addəv wəzva buhul, səza pəɗak na pay van atoŋgu, watak wən na əzaɓ-Maŋgəlva gəm əvəla. Məzan zəga van waɗɗa zəga daryaw nani, hã gap pay nawzan va an məɗiyən pay mbes əmbesni.

Daniyel 9:27 ပူးပေါင်းရင်းမြစ်များ

Isaya 28:15

Vi kənahaŋgək na miynək wənmiyna də əmta, gəm dəndə təki nassa net ɗiy mimtiti. An tatwãh tay ətoŋ na arəhəm na ɓa, vi məɗiyək uwawən ka zəga nawtərmə, tepelke dəɗamamə.

Isaya 28:22

Ya kakaŋ na, məppan gabba əmas nokum aka ɗəfa, vas ɓa na helege an diynokum waŋgərəɗə. Vi nəprəmək na, Daya, Yawe Məzuɓappak, aynanək wən nan nawzan dələv pakə.

Isaya 42:6

Intə Yawe, nəyuk na addəv təstəs nawi yi. Nərmak voko, nəgukko, nəɗiykuk kəssokgən wənmiyna sit ɗiy nawa əkeɗeɗe net ɗiy naket dəlveŋge.

Isaya 53:11

Səɓɓa tatwãh məs azəmə, wawla əkeɗeɗe'e, wabə. Gawla naw təstəs wakkpeŋget ɗiy diyɗa təstəs də əsən nani də əslan heslepe net akan dəvani.

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Yeremiya 7:30

Yawe aɗiyman na, ɗiy na Yuda aɗɗaŋgək mbərayən ama harawa, aɗiyənən tuya net zəga daryaw addəv gəla məs adayanən iya naw adaka yaŋ arga'anəni.

Daniyel 11:31

Ɗiy səmmbet məzəlpaŋ nan warnokonən Gəlamatuya na Maŋgəlva mərka kini. Waziwginin əzaɓ-Maŋgəlva nawda ɗayɗay sən Maŋgəlva ya waɗiyaŋ zəga daryaw məraygən təkiya.

Daniyel 11:36

Məlĩ wagəɗ va makran aŋgələ. Wagagdakan zəni gəm wawla zən va adayək ki zəga adawyaŋ maŋgəlva pakə. Wapel na əku aka Maŋgəlva net meŋgilveɗi, warah gagdak hã gap pay Maŋgəlva adarban ədagədəv nani, vi an aziwgin pak wagəɗə.

Daniyel 12:11

Təŋ səza adawtakən əzaɓ-Maŋgəlva an ɗayɗay gəm kawɗi zəga daryaw an dədawraygən təkiya, əvoŋ gabal də səkat sula də kaklaw vaytak watoŋgoŋgu.

Daniyel 7:25

Wapel mbərayən aka Məsəɗəɗə, wazəmgit sahã net ɗiy salala na Məsəɗəɗə, waynan a makran vi kaddəɗan əŋɗa na wəzva gəm mahenziŋ, kepsini ɗiy salala na Maŋgəlva ammba van addəv wəzva hoku də mani.

Daniyel 8:13

Nəprəmək maslay əpele, maslay mbərən attokonək ma an məzupel na: «Pay ŋgbəŋgbar zəgeɗ məs kəwəl addəv əssine aka wən nawzaɓ-Maŋgəlva ɗayɗayə, kiɓəɓəl məraygən təkiya, gəlamatuya məraygəni gəm məzəlpaŋ na disiŋ adassoŋ məndepet adaɗɗan di?»

Hose'a 3:4

Vi mə Israyelɗe wassoŋ əzva diyɗa məza məlĩ ɓa, məza ɗəf daya ɓa, məza əzaɓ-Maŋgəlva ɓa, məza serek ɓa, məza lukut na wəza na daya net məsdəlveŋge ɓa may terafim ɓa.

Əŋɗa 7:62

hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

Matiye 24:15

Pay kədawlanən daryaw məraygən təkiya, an məskəleŋ Daniyel apel akan ziwwe a təki an salala, ɗəf an dəŋɗani, dəprəm lewlewi!

Matiye 26:28

Vi eŋ mbel zuwəŋ, mbel na wənmiyna, məs dəggbo'oŋ viyit ɗiy diyɗa, vi kavvuyeɗ mambrayɗe.

Matiye 27:51

Yaŋ gabaga an mətawan gədəv Gəla na Maŋgəlva aŋgar sek sula təŋ sə disiŋ hã afuŋ, dələv aɓəlka, milɓeɗ apɗakaŋka,

Markus 13:14

An kulanənək daryaw məraygən təkiya, aziwik a təki məs dəslə dəziwgən ɓa. (Məzənɗani dəprəm gabbani.) Asna ɗiy en dədassoŋ a Yude dənzoŋ aket mossorgoɗe gugriɗe.

Luka 21:20

An kulanənək məzəlpaŋ asərŋgəslənək Yerusalem, məsən na pay nawza nan agapka.

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.

Roma 11:26

Asna Israyel pak wakõh va məverin na: Sə Siyon məpəl ɗiy adazzani. Wazargən əkəw aba Maŋgəlva səza Yakob.

Roma 5:15

Ya tay vas də əvəl na mbəlembəle va na mambray ɓa, vi ɗiy diyɗa arahaŋgək əmta dəka mambray na ɗəf taka, sasak mbəlembəle na Maŋgəlva gəm əvəl na mbəlembəle na ɗəf taka, Yesu Kristu, awan zən aket ɗiy diyɗa.

Roma 5:19

Vi, va də əɓoŋ na ɗəf taka ɗiy diyɗa akkpaŋgaŋ məɗɗaŋ mambraya, vaska'e də əɓe' na ɗəf taka ɗiy diyɗa wassoŋ təstəsə.

Ibriɗe 9:28

vaski yi'e Kristu apsən ki zən təl taka vi kaskoɓ mambray net ɗiy diyɗa, ya warban zən masula'ən, vi wən na mambrayi əmpa ɓa, vi kawkõhgit ɗiy məzuganəni yi.