Daniyel 8:15 - Bible en Guidar

¹⁵ Aka in Daniyel nəsaw addəv ula vani, nədattokon gabbani, nəwələk zəga va ɗəf ade aziw abawa.

Daniyel 8:15 ပူးပေါင်းရင်းမြစ်များ

Isaya 9:6

Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Daniyel 10:16

Ndəni an dəgil va wətən ɗəf nak ade arəŋgən mawa. Nəkol maw nətəŋ əpele. Nənah sən ɗəf dəziw abaw nəwəl nak na: Daya nawa geslne arməwək sən ula vani hã zu yuwar yuwarə, gbogboŋ tay azaw ɓa.

Daniyel 10:18

Yas an dəgil va wətən ɗəf addəv ula nak arəŋgu əmpa gəm asɓawa.

Daniyel 10:5

Nəslan haraw na, nulak ɗəf də lukut na ngərayã gəm maslapa na meleŋge na Ufaz addakən.

Daniyel 12:8

Naw nəprəməka ya nəsən gabban ɓa, yaŋ nəmna: «Daya nawa, mbar wəgrak net adassan di?»

Daniyel 7:13

In tat əzban ula, addəv əssine naw dəfɗa, nuwələk va wətən ɗəf aka slaybuwən əpirken sə disiŋ; alək hã aza mazza naka, yas məkan abani.

Daniyel 7:28

Vaski əssine naw abaymani. In Daniyel, əɗɗum naw atapawka vi nəgeslne'ək sawɓa, nəpokuk barə, nəzaɓanək wən nan a makrawa.

Daniyel 8:1

Addəv wəzva mohoko'ən na Beltasar aka məlyã, in Daniyel nəssinik əmpa, mbəksa əssine maddaabəŋ.

Daniyel 8:19

Yaŋ amna: «In tat yaŋ ərban suk an dədawtoŋ səɓɓa ədagədəva, vi məziwgəni pay na wəgrak dəlva.

Zakarya 1:9

Yaŋ nəmna: «Məŋgə en di Daya nawa?» Maslən məzupel də in nak aɓsu na: «Naw wanərban suk na məŋgə di.»

Matiye 13:36

Adan Yesu appet ɗiyi, atoŋguk eŋgili. Gewleɗ nan azzoŋguk azani aɓsənən na: Arban səm wənməkkpaŋga net bergezleŋɗe a gulyo.

Matiye 24:15

Pay kədawlanən daryaw məraygən təkiya, an məskəleŋ Daniyel apel akan ziwwe a təki an salala, ɗəf an dəŋɗani, dəprəm lewlewi!

Matiye 24:30

Zəga narba na Wətən Ɗəf wawəl a disiŋ, gebbet ɗiy naka dələv pak waɓuhnən meti, wawlanən Wətən Ɗəf ɗewwe aka va dəzəŋ na Məzuɓappak, gəm əmpa pay adazzan aka slaybuwən a disiŋ.

Markus 13:14

An kulanənək daryaw məraygən təkiya, aziwik a təki məs dəslə dəziwgən ɓa. (Məzənɗani dəprəm gabbani.) Asna ɗiy en dədassoŋ a Yude dənzoŋ aket mossorgoɗe gugriɗe.

Markus 4:12

Vi vaski, Wawlaŋ də hereti, ya asənən na ɓa. Waprəmaŋ də sləmeti, ya aprəmnən na ɓa. Vi adawmilyoŋ əɗi marava ka mambray net dəvvugən ɓa.

Yosuwa 5:14

Ɗəf nak amna: «Awwo, naw daya na dula nalpa na Yawe nani, gəgaŋ nəde.» Yosuwa aban də takpran gbuduk ɓe' əppu' abani, aɓsən na: «Miy daya naw adawnah sən gawla nan di?»

Hənhən 1:13

A waleŋgit zəgeɗ nawɗi lalam veti, ɗəf tay adak də lukut azan məsilipi, diynan dadakən də kətu məɗɗan də meleŋge.

Hənhən 13:18

Pay nawsən uɗakan wəni. Ɗəf an də əsəna dəboton əŋɗa na zəga mamayãŋka, vi əŋɗa van iya na ɗəfi, əŋɗa van tay səkat sləre də kaklaw sləre kiyən sləre (666).