Daniyel 7:27 - Bible en Guidar

²⁷ Gagdak gəm mẽmẽtiŋ net milyeŋge naka dələv pak kapsiti sit ɗiy salala na Məsəɗəɗə. Gagdak na məlĩ nan gagdak nawsan faɗi yi; ɗiy gugriɗ naka dələv pak wagagdakanəni gəm waɓe'eŋ sənəni.

Daniyel 7:27 ပူးပေါင်းရင်းမြစ်များ

Gəlyaɗe 145:13

Əzəm məlĩ nok əzəm məlĩ an faɗi, əzəm məlĩ nok wasan aka sayit ɗiy va asan pakə. Daya aziwik ɓəlɓəl aka əpel nani, məwəlsãhã addəv wəza nan pakə.

Gəlyaɗe 22:27

Məvoŋgənən kiyit wazəmaŋ kpe'i; məzukayanən Yawe, waɗiynən kini. «Mokrokum, dənnek hã faɗə!»

Gəlyaɗe 72:11

Milyeŋge pak wappu'oŋ abani, ɗiy-ɗar beymet waɗɗaŋ sənən wəza.

Gəlyaɗe 86:9

Ɗiy en kəgəɗ pak wazzoŋ əppu' aboko Yawe, wagagdakanən iya noko.

Isaya 14:2

Israyel watef molhõyẽɗi, wamndeget aka dələv neti. Aka dələv na Daya na, Israyel wagim ɗiy veti, zel dit gil ka belemɗe nani. Warme ɗiy en dirmetin a fərsəna, waɗi a fərsəna, wasan daya aket ɗiy en dəsərnən mani.

Isaya 54:3

Vi kəlaka zlaɓay gəm dəka dəzəŋ kədazlzleten zuko; kirtuk wazəmən dələv net ɗiy-ɗarə, waknahin walaŋgəleɗe gugriɗ nok məs ɗiy tahəŋ addivit ɓa.

Isaya 9:7

Daya azkanək əpel nan aka Yakob, yaŋ abət aka Israyel.

Daniyel 2:44

Aka pay net milyeŋgeska, Maŋgəlva na disiŋ waɗi məlĩ mbərən məs azbərna ɓa, ɗiy mbirit agəmən na məlĩ sə van ɓa. Nani watekeɗ gəm wazet milyeŋges pakə, nan wasan faɗə,

Daniyel 4:34

Kakaŋ in, Nabukodonozor, nəɗiyək kini, nəkaɓgənəka, nəgagdakanək Məlĩ na disiŋ, vi wəza nan pak gesiŋgin, tive nan təstəsi, tay əɓe'git məɓaygənən kiziti.»

Daniyel 6:26

Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Daniyel 7:14

Məpsəni daya, gagdaka gəm məlyã: ɗiy pakə, dəlveŋge temtem gəm ma temtem pak aɗiyənək kini. Gagdak nan gagdak an faɗi, aggrak na ɓa, məlĩ tamə azəna ɓa.

Daniyel 7:18

Sədirɓegeti, ɗiy en salala na Məsəɗəɗə warəhən məlyã, neti, məlĩ wasan avet hã faɗ ka faɗə.»

Daniyel 7:22

hã gap mazza nak pay kawka wən ammbet ɗiy salala na Məsəɗəɗə. Səza pay nan agapə məpsiti gagdak na məlĩ ammba vet ɗiy na Maŋgəlva.

Obadya 1:21

Məmetiŋ ɗiyi, wapeŋgeŋ aka mossorgo metiŋ na Siyon, sədaki adarbanən məlĩ net aka Esaw. Yawe wasan məlyã!

Zakarya 14:9

Yawe yi nawsan məlĩ naka dəlvafuŋ gboŋgu. Das na, Yawe yi təttaka kpesli, iya nan pak taka kpesli.

Luka 1:33

Wazəm məlĩ aka gəla na Yakob hã faɗə, əzəm məlĩ nan agrak na ɓa.

Yohanna 12:34

Vanday net ɗiy azlan sənənək na: Məprəmək səddəv mahenziŋ na, Kristu wasan hã faɗə. Ya mbari nok kədawnəh na kawslani Wətən Ɗəf a disiŋ tagay di? Naway Wətən Ɗəf vanəs di?

1Korintus 15:24

Asna wəgrak na dələv wagəɗə an amndagan sənək əzəm məlĩ sən Maŋgəlva Afəni, an azanək dələv net milyeŋge, gagdaka, gəm əɓap pakə.

Hənhən 11:1

Yaŋ məpsu pəɗəma məs dəgil va zleŋge, kawsla zəga dəndən, yaŋ mənah su na: Asili, asla gəla-na-Maŋgəlva gəm gəlamatuya, aŋɗet ɗiy məzugagdakanən Maŋgəlva addəvən.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.

Hənhən 17:14

Walpaŋ dət Ndargayãkə, Ndargayãk watəska wəleti. Vi ndəttə Daya aket deyeɗe, gəm Məlĩ aket məlyeŋge, dəndəta, ɗiy nat məs məyeti, məwelti dəɗiyən kiyit akat waskaŋ wəla'e.

Hənhən 19:16

Aka lukut nani gəm aka metetileni iya tay məverin na: Məlĩ net məlyeŋge Daya net deyeɗe.

Hənhən 20:4

Yaŋ nula mezeŋgeɗ na məlyã, ɗiy məs dəssoŋ aket arəhaŋgək gbogboŋ nawtawwəna. Nulak zeŋgilet ɗiy məs məbeyit vi adawpelin wən na Yesu gəm əpel na Maŋgəlva gəm ɗiy məs dəgagdakanən zəga mamayã ɓa mãy zeŋgilen ɓa, dətafən voɗoko nan a mirbizit ɓa, awaniɓa aza vet ɓa. Assoŋguk mederet də Kristu, tahəŋ wəzəmaŋ məlĩ dəndən gap wəzva gabalə.

Hənhən 22:5

Dəfəɗ tay adak ɓa, wəray tay na lalam adak ɓa, awaniɓa na pay ɓa, vi Daya Maŋgəlva sən kiyən wasan əkeɗeɗe neti. Wazəmaŋ məlĩ hã dudan.