Daniyel 11:36 - Bible en Guidar

³⁶ Məlĩ wagəɗ va makran aŋgələ. Wagagdakan zəni gəm wawla zən va adayək ki zəga adawyaŋ maŋgəlva pakə. Wapel na əku aka Maŋgəlva net meŋgilveɗi, warah gagdak hã gap pay Maŋgəlva adarban ədagədəv nani, vi an aziwgin pak wagəɗə.

Daniyel 11:36 ပူးပေါင်းရင်းမြစ်များ

Gəlyaɗe 136:2

Məɗi ki Maŋgəlva net meŋgilveɗi, vi moggon nan tay hã faɗə.

Gəlyaɗe 33:10

Yawe azanək əɗɗum net ɗiy ɗaɗarɗe, azlzlaɓanək an na mekret ɗiyi.

Wənməkkpaŋga 19:21

Əɗɗumɗe naɗɗa zəga diyɗaŋgə a makra ɗəfa! Ya an Yawe aŋgəl dədawziwe.

Isaya 10:23

Vi əray məzaɓan gərakəs na, Daya Maŋgəlva Məzuɓappak waprikgin aka dələv pakə.

Isaya 10:25

Vi abe aŋ siɗikke na, gagay naw wagrakə, ədagədəv naw wakkpaŋ əzeti.

Isaya 10:5

Əray aka Asiri, tandaŋ na ədagədəv nawi, zleŋge navanəŋ na herɗe nawəŋ.

Isaya 14:13

Nok kənahək a mokrok na: wanəpeŋ hã a disiŋ, aket ngərzleɗ na Maŋgəlva, wanəmpa mazaŋga na məlĩ nawa wanəsaw aka mossorgo metiŋ a təki nakkal net meŋgilveɗi, addəv kpukpum na disiŋ.

Isaya 14:14

Wanəpeŋ balsən slaybuwna, wanəsaw məstaka də Maŋgəlva Məsəɗəɗə.

Isaya 26:20

Ɗiy nawa, mətoŋ eŋgili, məmset maddambeɗe akokum. Məɗam vi pay siɗikke hã gap ədagədəv na Daya toŋgu.

Isaya 30:33

Məkkpuɓtiŋ motoffoɗe dafsən a təki net ammba məlĩ vani məzaɓani, kpumi, sloproki diyɗa offo dit wəleŋɗe tahəŋ diyɗa əmpəs na Yawe tay va lolohõ na busuk məzuzla addəvən. Ndəni əmpəs na Yawe adawɗi offo, va offo məzuziya.

Isaya 46:10

Də ətəŋ nan far lahəŋka, nərbanək an dədazzani, gəm zəgeɗ en dəɗɗaŋ tagay ɓa səza an dətoŋgu. Nəmna: Əɗɗum naw yaŋka, wagəɗə. Wanəɗɗa an nəŋgəl pakə.

Isaya 57:9

Kəppayək mẽl kadda aza məlyã kəgəɗək tursan diyɗa. Kəslinik maslənɗe nok faraɗa, kəpirkik hã gap a təki net ɗiy mimtiti.

Ezekiyel 28:2

«Wətən ɗəfa, anah sən daya na Tir na: Vaŋ Daya Yawe anahə: Adan əkaɓ ade a mokroko, yaŋ kəmna: maŋgəlva nani, a təki nassa net meŋgilveɗ nani, addekit peheɗi. Dəka ɗəf kənani maŋgəlva kənan ɓa, yaŋ kəɗi zuk va meŋgilveɗi!

Ezekiyel 35:13

Kəɓaygənək zuk akaw də wəpel na moko, kəpelik nawku akaw diyɗa: naw nəprəməka!

Daniyel 11:16

Məzuzel an dəde akan nak wagəɗ va aŋgələ, ya ɗəf tay nawziw aban ɓa. Waziw aka dələv an moggon də wəzan an aŋgəl pakə.

Daniyel 11:3

Ya məlĩ məs makran wasan aka məlyã; wazəm məlĩ nan də wəɗɗa va makran aŋgələ.

Daniyel 11:37

Məlĩ aɗi na kiyit meŋgilveɗ net efiŋgiɗin ɓa, may ki an gil aŋglaŋ day ɓa may maŋgəlva awandi pak ɓa, vi waɓaygən kizən aket pakə.

Daniyel 12:7

Nəprəmək ɗəf dəgul lukut na ngərayã məs ziwwe aket iŋkile na məlpa metiŋ naka, atələk van sulagən pak a disiŋ, aswayək də an dəsan madaran faɗə: «Wəzva hoku dəman watoŋgu, pay gbogboŋ net ɗiy naw salala adagrak tutu' na, zəgeɗis pak wabayən meti.»

Daniyel 2:47

Məlĩ azlan sən Daniyel də wənah na: «Gesiŋ, Maŋgəlva nokumi Maŋgəlva net meŋgilveɗi, daya aket milyeŋge gəm məzərban an dəsan məɗamən adan kəɓap əboton su wən məɗamnəŋka.»

Daniyel 5:19

Vi mẽmẽtiŋ məs apsəni, vandayɗe pakə, dəlveŋge gəm ma awandi pak tahəŋ əkker sən geslne' səni: tay əbay ɗəf va aŋgələ, tay əppan ɗəf madaran va aŋgələ; tay əɓaygən ɗəf an aŋgələ gəm əprikgin ɗəf sə təki məs asan va aŋgələ.

Daniyel 5:20

Səza aɓaygən kiynə, aɓɓəlan kiyən hã ndən əkaɓa, məzgani səka mazaŋga na məlĩ nani, məggbukni gagdak nani.

Daniyel 7:8

Gala nədasəŋgləkan mohõni, nəwələk mohuk mbərət muzliyak təgilik a weleŋgit en maddaabəŋ; mohõnɗe hoku səmmbet en maddaabəŋ nek apoŋgoŋguk səbata. Mohuk vatə harat tay va hara ɗəfa, ya mat tay əpel nawkaɓa.

Daniyel 8:19

Yaŋ amna: «In tat yaŋ ərban suk an dədawtoŋ səɓɓa ədagədəva, vi məziwgəni pay na wəgrak dəlva.

Daniyel 8:4

Nulak ndargayã van əbayan təki kəlammba pay na moskoyo, kəla disiŋ gəm kəla dohoŋ. Zəga mamayã tay dəɓap əziw aban ɓa, ya kaɓapi wəkõhgən ɗəf səddəv gagdak nan ɓa. Tay əɗɗa an aŋgələ ya gagdak nan tay əɓay abe abe.

Zakarya 11:16

Vi wanəsilgən məzutaɗa maɓɓan aka dəlvəŋka: wən nan tay də an dəhhi ɓa, akayan na an dəzə ɓa; aynan na təl an dəŋgəzl ɓa; an məs petpeti, azəmgən na ɓa. Wampər slu net en məkirti, wappoŋ eperkeperke tilti.»

Yohanna 5:30

Zəga tay nədawɓap əɗɗa sən kiyu ɓa. Va an nədaprəma, vas nədawtawən. Ətawwən naw təstəsi vi əŋgla naw nədawkayan ɓa əŋgla na ɗəf an dəslənwi yi.

Yohanna 6:38

Nəprik sə disiŋ ka kaɗɗa an məs nəŋgəl ɓa, vi kaɗɗa əŋgla na ɗəf məs dəslənwi.

Wəza net Masləŋɗe 4:28

Vi kaɗɗe zəgeɗ məs voko gəm əŋgla nok aziwgitin dafsən dəɗɗaŋgəni.

Əmsak aka Mahenziŋ 10:17

Vi Yawe Maŋgəlva nokum ndəni Maŋgəlva net meŋgilveɗi, Daya net deyeɗe, Maŋgəlva metiŋgini, Məzuɓappakə, nawgeslne' səni, awɗeket ɗiy ɓa, awmbəɗ də zəga na makaryam ɓa.

2Tesaloniki 2:3

Ɗəf adawmbəɗokum də tive awandi zlaŋ ɓa, an əppan əzban Maŋgəlva dəde tagay gəm ɗəf mambray wətən əza dərban zən ɓa ɓa,

2Tesaloniki 2:4

ana məzuzele gəm məzuɓaygən ki zən aka zəga məs adawyaŋ maŋgəlva pakə, məs adawgagdakanəni, hã ndən tek ɗew addəv Gəla na Maŋgəlva, əɗi zən na Maŋgəlva yi.

2Tesaloniki 2:8

As kan na, ɗəf mbərayən nak warban zəni, Daya Yesu wabay də əmpəs na mani, wazan də gagdak na əzza nani.

Yosuwa 22:22

«Daya, Maŋgəlva net meŋgilveɗi yi, Daya, Maŋgəlva net meŋgilveɗ asənək pakə, ya Israyel pak wasəna! An kiɓəɓəl məgəɗə, an əmzlah məmzlah səmmba Yawe na, adawkõhgəm dəppaŋ ɓa!

Hənhən 10:7

Ya pay an adaprəmnən maslay mabuhuleti, pay adawtəŋ əffon gozloro nani, asna Maŋgəlva waknahan wən məɗama nan dəpaska, va anah sit məɗɗaŋ wəza nan məskəleŋɗe.

Hənhən 12:14

Yaŋ məpsət persleke sula va na gazla metiŋgin sət guluk nakə, vi təveŋgən əmbat a kapta-muyã, a təki məzaɓan ammbat vi kawzəmgət adak faraɗa səza dohõ, zəga na əzva hoku də mani.

Hənhən 13:1

Yaŋ nula zəga mamayã dawgilyen sə pehe, kiyən buhul gəm mohon kəlaw, mohon kəlaw pak tahəŋ də mətərkiya aketi, iya tay mbərayən nawran Maŋgəlva məverin aka kiyən taka taka pakə.

Hənhən 17:17

Vi Maŋgəlvayi dəpsit əɗɗum nan a mekreti vi dəɗɗanəngən əŋgla nani, dəɗɗanəngən də maɗɗulet taka: əɗi əzəm məlĩ net ammba əgəɗ sən wəza sən zəga mamayã nak hã gap əpel na Maŋgəlva dəknahgəni.

Hənhən 17:3

Ndəni aku a kapta-muyã addəv əmpəsa. Yaŋ nəwəl guluk ɗewwe aka zəga mamayã pepreŋge, zən pak əpel na əran Maŋgəlva, kiyən buhul gəm mohon kəlawə.