Daniyel 11:35 - Bible en Guidar

³⁵ Kawbayə səret məsmaɗɗuleti, əmta net wasan ka zəga nappay heslepe səzeti, nabburti, nakkpaŋget salala hã gap pay na wəggraka, vi pay məɗiyən van abe yi.

Daniyel 11:35 ပူးပေါင်းရင်းမြစ်များ

2Alabaraɗe Də Mabərkiziti 32:31

ya pay əzza net ɗiy gugriɗ na Babilon məslinit əssohõn wən na sekene məs dəgəɗ aka dələv van na, Maŋgəlva mbagəni, kawla nazani, vi kawsən an dəsan a makran pakə.

Wənməkkpaŋga 17:3

Vov tay vi nawhə̃s təbəz babara, movoro vi nawhə̃s meleŋge; Yawe tam dədawsəŋgləkan mekret ɗiyi.

Isaya 27:9

Vi vaski mambray na Yakob arah əvvuyo, pay məvvuyon sən mambray nani: kawpuhti gərmeŋɗe na matuya pak va gərmeŋɗe na ɗama, kakrapni Astera gəm təki nawzla tursan.

Daniyel 11:27

Milyeŋge sula waziwginin a mekret kaɗɗa mbərayən, wawaŋ hiyaw aza ziti də adawzəmaŋ akki taka zlaŋgə. Ya wambat abe ɓa vi pay məs məɗiyən dəgap ɓa.

Daniyel 11:29

An pay məɗiyən agapka, wawaksən dələv na dohoŋ əmpa, ya əbayman asan na va an maddaabəŋ ɓa.

Daniyel 11:33

Məs maɗɗula aket neret ɗiy waprəman sitin ɗiy diyɗa. Ya kawbayi səmmbet də masalam gəm də offo, mbirti kawketi aka balamə, mbirit tamə kawmõhẽti pay pakə.

Daniyel 11:40

An pay nagrak agapka, məlĩ na dohoŋ wargisl dəndəni, məlĩ na kəla disiŋ waderze akan dit mawteɗ nawgaya, məŋkoroŋ pilseŋge gəm bəlayɗe diyɗa. Watoŋ addivit dəlveŋge diyɗa, wagule, va məlpa adawgul təkiya, watoŋgu.

Daniyel 12:3

Məs əsən aket wawiɗeŋ va təki kerŋgeŋge na disiŋ, en dəbbah sitin ɗiy diyɗa dəssoŋgən təstəsə, wakasakaŋ va gərzleɗ hã faɗə.

Daniyel 12:4

Isi Daniyel, arma əpelis haɗamə, atip ma ɗereweləska hã gap pay na əgrak adazzani. Ɗiy diyɗa wakayanən wekweki ya əsən wanzlərə.

Daniyel 8:10

Təɓayək gap azet məzəlpaŋ na disiŋ; təslaŋgək mbirit səmmbet məzəlpaŋ vani gəm mbirit səmmbet ŋgirzleɗ afuŋgu yas təndepeti.

Daniyel 8:17

Yas ade a maŋgavawa. Səza ade, geslne arməwək diyɗa, nəskotək ngomu. Yas anah su na: «Is wət ɗəf kəŋkə, aprəma, an kəwəl na, awəl sənək pay naggrak dəlva.»

Daniyel 8:19

Yaŋ amna: «In tat yaŋ ərban suk an dədawtoŋ səɓɓa ədagədəva, vi məziwgəni pay na wəgrak dəlva.

Daniyel 9:27

Waska wəlet ɗiy də wənmiyna addəv wəzva buhul, səza pəɗak na pay van atoŋgu, watak wən na əzaɓ-Maŋgəlva gəm əvəla. Məzan zəga van waɗɗa zəga daryaw nani, hã gap pay nawzan va an məɗiyən pay mbes əmbesni.

Habakuk 2:3

Ula maɓɓan əmpa aka pay an məziwgini. Siɗikke dəpəl dəgəɗgəni, wawə wən ɓa an aliyka, aga, vi sessel wade, aliy na ɓa.

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Matiye 16:17

Yesu apeli aɓsən na: Əzaɓ akoko, Simoŋ wətən Yonas; vi gəɓa zə ɗəf dit mbel dərban sukun ɓa, afu na disiŋgi yi.

Matiye 26:56

Ya as pak agəɗ na, vi an məverin addəv Ɗerewel net məskəleŋɗe dəgəɗgəni yi. Yaŋ gewleɗ pak appanəni, anzoŋgu.

Yohanna 15:2

Kivan məs dəsap azaw pak, an awa ɓa, wabəla. Ya kivan məzuwa, wazaɓani vi dəwəgən diyɗa dayki lahəŋka.

Yohanna 20:25

Gewleɗ meɓɓet aɓsənən kan na: Mulak Daya. Yaŋ Tomas azlan sit na: An nula gəlet penteɗe naza vanəŋ ɓa, an nəɗi pərəŋ vaw a gəlet penteɗe vet ɓa, an nəgul vaw ara huwa naka təkzləmən ɓa, nətaf na wən nan kpak ɓa.

Wəza net Masləŋɗe 13:13

Pol dit ɗiy dəndən, atoŋgoŋguk addəv bəlay sə Pafos, ambataŋ a Perges dələv na Pamfili. Ya Yohanna Markus appetike, amilik a Yerusalem.

Əmsak aka Mahenziŋ 8:16

ndəni dəzəmguk manhu a kapta-muyã, məs efiŋgiɗuk dəsənən ɓa, vi kawtoŋguk addəv sahã gəm kawla an nazoko, vi kawgəɗ suk moggon abe.

Yakob 1:2

Milmiŋgiɗwa, mənneken zukum diyɗa an wən tatwãh temtem arəhkumuko.

Hənhən 14:15

Siske na, maslay maɓɓan agilik səddəv gəla-na-Maŋgəlva aŋgəsl vaŋvəl dayadaya sən ɗəf məs ɗewwe aka slaybuwən naka: Agəm slogoy nok abələ, pay agapək nawbəla, vi dəlvafuŋ asəɓək nawbəla.

Hənhən 17:17

Vi Maŋgəlvayi dəpsit əɗɗum nan a mekreti vi dəɗɗanəngən əŋgla nani, dəɗɗanəngən də maɗɗulet taka: əɗi əzəm məlĩ net ammba əgəɗ sən wəza sən zəga mamayã nak hã gap əpel na Maŋgəlva dəknahgəni.

Hənhən 2:10

Kədawgeslne' vi wakəzəmsãhã ɓa. Yaŋ na, Satan wazgə ɗiy nokum a fərsəna, vi kawla an nazokum, kawsərni mokum əvoŋ kəlawə. Aziw ɓəlɓəl hã is zamə, asna wanəpsuk mətərkiya na zeŋgile.

Hənhən 7:14

Nəzlan sənək na: Daya nawa kəsənka! Aɓsu na, ndəɗaŋgəŋ ɗiy məs dəgilyoŋ səddəv əzəmsãhã metiŋgini. Askoɓunik lukutɗe neti, azzoretinik lukutɗe net addivit mbel nat ndargayãk kpaŋgaŋ babarɗe.