Daniyel 11:33 - Bible en Guidar

³³ Məs maɗɗula aket neret ɗiy waprəman sitin ɗiy diyɗa. Ya kawbayi səmmbet də masalam gəm də offo, mbirti kawketi aka balamə, mbirit tamə kawmõhẽti pay pakə.

Daniyel 11:33 ပူးပေါင်းရင်းမြစ်များ

Daniyel 12:10

Ɗiy diyɗa na kabburti, kakkpeŋgeti salala, gəm kappayni heslepe sezeti. Ɗiy mbəreyit wazbanən əɗɗa mbərayən, ɗəf mbərayən pak zəga tay adaprəm ɓa, ya məs əsən aket na, net waprəmən an dədawtoŋgo.

Malakiya 2:7

Gesiŋ nan na, əsən tay a ma məsdəlva, wəzga' an təstəs tay a barani vi ndəni maslən na Yawe Məzuɓappakə.

Matiye 10:21

Ɗəf wagəm məlmən əkan ama əmta, afən wəyin tam wətəni. Kirin wasilyoŋ aket migilti, kawbeyti.

Matiye 13:11

Yaŋ azlani, aɓsit na: Nokum məpsukumi əsən wən məɗama na məlĩ na Maŋgəlva, ya neti məpsiti ɓa.

Matiye 20:23

Yaŋ Yesu aɓsit na: Wakəɓapən wəsət huloŋguk na tatwãh nawa, Ya wən nasa aka dəzəŋ naw gəm aka zlaɓay naw na, intə naɗɗan ɓa. Tay viyit ɗiy en Afu azaɓani.

Matiye 24:9

Pay nani, kappokumi sən əzəmsahã, kabaykumi. Ɗiy-ɗar pak wazelkumən vi iya nawa.

Matiye 28:20

Məyagan sit dərmanəngən an məs nəɗi sukum wən nan pakə. Wanəsaw də munokum pay pak hã əgrak na dəlva.

Yohanna 16:2

Wagilgukumən səddəv gəla nakkal net Yudeɗi. Ya pay tay əzzani, ɗəf dəbaykum pak waɗɗum na Maŋgəlva adawgagdakani.

Wəza net Masləŋɗe 11:26

Səza arəha, akiyək a Antiyos. Aɗɗaŋgək əzva ŋgbuɓɓo aka əsap dit məzutafaŋ gəm əɗɗa əyak sit ɗiy diyɗa. A Antiyos yi mətəŋ əye məzutafaŋ na məkristuɗe.

Wəza net Masləŋɗe 14:21

Səza Pol də Barnabas arbanən alabara meleketen a Derbe gəm ɗiy diyɗa atafaŋgə, ndəɗaŋ buryok a Listira gəm a Ikoniya də a Antiyos.

1Korintus 4:9

In tat ulan na, Maŋgəlva aɗimək mənam maslənɗe a dərɓe, va ɗiy mətawwən namta aketi, mərbesəmi wil egge, a maheret maslayɗe də a maheret ɗiy pakə.

2Timote 1:12

Vini nədawzəm sahãŋka. Ya wil aduwən na viyən ɓa, vi nəsənək ɗəf an nəɗi ətaf naw akani, nəsənək gesiŋ na tay də əɓap nawga zəga an məvay hã gap pay nawtaw wəna.

2Timote 4:6

Naw na, vi mbel naw aggbo'oŋguk səkayə, pay nadda naw agapka.

Ibriɗe 11:34

Amtanənək offo gidigidi, akõhoŋguk səma masalam. Arəhaŋgək gbogboŋ sə dərɓaga əzga gbəgba'a, assoŋ guromɗe addəv əlpa, askanənək wəlet məzəlpaŋ net ɗiy-ɗarə.

Hənhən 1:9

Intə Yohanna, məlmukum gəm makkoyokum addəv əzəmsãhã, addəv əzəm məlyã gəm addəv əsok zə ɗəf addəv əsap də Yesu. Məɗiwi aka mətuwəra məs adawyaŋ na Patmos, vi nədarban wən na Maŋgəlva gəm gegesiŋ məs Yesu arbani.

Hənhən 17:6

Nulətək guluk nak titemik dit mbel net ɗiy na Maŋgəlva, gəm dit mbel net ɗiy məpelin wən na Yesu. Adan nula, nəggətək sawɓa.

Hənhən 2:13

Nəsənək a təki kəsoko, adaki mazaŋga na məlĩ na Satan asani. Ya kərmak iya nawa, aka pay məbay Antipas miziwe naw an gesiŋgesiŋ a nokumda zlaŋ, a təki Satan asani kəppan ətaf məs kətafu ɓa.

Hənhən 6:9

Aka ahok tampoŋ masle'eni, nulak zeŋgilet ɗiy məs məbeyit aka wən na əpel na Maŋgəlva, gəm vi adabbalanən əpel nani.

Hənhən 7:14

Nəzlan sənək na: Daya nawa kəsənka! Aɓsu na, ndəɗaŋgəŋ ɗiy məs dəgilyoŋ səddəv əzəmsãhã metiŋgini. Askoɓunik lukutɗe neti, azzoretinik lukutɗe net addivit mbel nat ndargayãk kpaŋgaŋ babarɗe.