8 Dəgəmaŋgən medgeɗge taka, gəm əvəl an məŋgla na gəpa məllaɓən də mẽlẽ. Kəgəmgən medgeɗge masula'ən ammba matuya vi mambraya.
Zəga an kədaɗɗa viyit kawɗiyit dəɗɗaŋ sugən wəza na məsdələv yaŋka: Agəm medgeɗge taka, wət wasliya gəm ndergeyẽɗ sula məza heslepe azet ɓa,
Kəziygən a kəggəl, kəkiygən kəggəl van məstaka də medgeɗge gəm ndergeyẽɗ sula nek addəv gəla na Maŋgəlva.
Yawe dəŋgəl əŋgrofən də əzəmgən sahã. Səɓɓa appan kiyzən ka Maŋgəlva-məzaɓən nawvuyoŋ mambray na, wawəl uwa, payɗe nan wazzekeŋgi, əŋgla na Yawe waknahə.
An əvəl nan van əvəl nawzla kurmbuɗuk məgəmən səret wasliɗe yi na, dəsan mizilin məza heslepe azan ɓa; dəkiyəngən a maddamba na gizlirke nalma də Maŋgəlva, vi Yawe dətafgəni.
Zəga an Aron adawgəm vi kawtoŋ addəv gəla na Maŋgəlva yaŋka: Medgeɗge taka ka matuya vi mambraya gəm ndargayã taka ka matuya nawzla kurmbuɗuku;
An ɗəf tay əki əvəl na zəga na mabardaw sən Yawe, əvəl van dəsangən gəpa kukuɗ məman mẽl akan gəm telembe nawzla a matuya;
An məsənni mambray an aɗɗaŋ na, əsap net ɗiy dəkigən medgeɗge, naɗɗa matuya vi mambraya, dəkinəngən a ma gizlirke nalma də Maŋgəlva.
An məsdələv mesiya na Maŋgəlva yi dəgəɗ mambraya yaŋ an agəɗ van areygit ɗiyi, dəkigən medgeɗge məza heslepe azan ɓa sən Yawe vi mambray an agəɗə.
«Agəm Aron dit kirtini, lukut nawgulo gəm mẽl nawɗi ɗəf aka wəza, medgeɗge taka an nawzaɓ-Maŋgəlva navvuyon mambraya gəm ndergeyẽɗ sula, gəm hĩlĩw net peŋɗe məza wuɗo aran ɓa.
Vi, zəga an mahenziŋ aɓap na ɓa yi, vi gəɓa zə ɗəf tay əddakani, Maŋgəlva aslənək Wətən də gəɓa zən va gəɓa zə ɗəf na mambraya, dəwəl sən mambray na, atawwən aka mambray addəv gəɓa zə ɗəfa.
Ndən məs dəsən mambray ɓa, akkpaŋgan ka məs dəgəɗ mambray vimə, vi namə, məkkpaŋgən təstəs na Maŋgəlva addəvni.