Əŋɗa 7:85 - Bible en Guidar

⁸⁵ Hĩlĩw na way na təbəz babar pak gagdak nan tay kilo taka də mani, ŋgefleŋ pak gagdak nan tay: day ki wəɗak na kilo. Gagdak net zəgeɗis pak asapək: ammba kilo sula də wəɗakə. Məslan də kilo naddəv gəla salala.

Əŋɗa 7:85 ပူးပေါင်းရင်းမြစ်များ

1Alabaraɗe Də Mabərkiziti 22:14

Nəgayək əkkelet zəgeɗ narka Gəla na Yawe, nəkkalək meleŋge day ki kilo gabal kaklaw hoku, təbəz babar day ki kilo gabal hã gap gabal kaklaw hoku, vaski təbəz pepreŋ də titir aŋɗaŋ ɓa. Nəkayək wəleŋɗe dit gərmeŋɗe. Kəkaygən azeti'e.

1Alabaraɗe Də Mabərkiziti 29:4

Nəpsənək meleŋge na Ofir, kilo gabal səkatə; təbəz babar saksak kilo gabal səkat sula də kaklaw poɗo, nakkəɗ zit Gəleɗe veti;

1Alabaraɗe Də Mabərkiziti 29:7

yaŋ aziynin ammba wəza na Gəla na Maŋgəlva: meleŋge kilo gabal səkat də kaklaw buhulu, koɓeɗ na meleŋge gabal kəlawə, təbəz babar adayək ki kilo gabal səkat hoku, na təbəz pepreŋ wagəɗ hara kilo gabal səkat sləre, təbəz titir adayək ki kilo gabal təl gabal hoku.

Əŋɗa 7:84

Aski əvəl net ɗiy gugriɗ na dələv na Israyel ammba əɗah təki nawzaɓ-Maŋgəlva aka pay məsləroɓ sən mẽl na mahenziŋ: hiliŋgiɗ na way na təbəz babar kəlaw kiyit sula, ŋgefleŋɗe na təbəz bəbar kəlaw kiyit sula, hĩlĩŋgiɗ net iŋkile na meleŋge kəlaw kiyit sula.

Əŋɗa 7:86

Hĩlĩŋgiɗ net iŋkile na meleŋge kəlaw kiyit sula məknihit də tursan, gagdak na taka pak tay: kilo taka muɗakan kəlawə, məslan də kilo naddəv gəla salala. Meleŋge net hĩlĩŋgiɗ net iŋkile pak agəɗək kilo taka gəm kilo taka muɗakan sle' zleɓ akani.

Matiye 14:8

Yaŋ mat təreɗta, təɗi mat na: Apsu ki Yohanna məgəɗ baptem addəv hĩlĩwe.