26 Kəta Yawe dəsilgin haran akokum, dəpsukum zazaya!”
Yawe wapsit gbogboŋ sit ɗiy nani, Yawe waɗɗa əzaɓ nan aket ɗiy nani!
Awla ɗəf məza vurum ɓa, asəŋgləkan ɗəf məs sarra. Ɗəf na zazay na, mazlãlwãn wasani.
Məzaɓ-Maŋgəlva an təstəsə, məppan əɗɗum nokum aka Yawe.
An in tat əɗɗumon an dətoŋgu, pay nədawtoŋ dit ɗiy addəv gəla na Maŋgəlva adazbawən rimiɗrimiɗ də ənnek metiŋgin gəm wəfet na wəzləra.
Də vok kərɓehẽt ɗiy-ɗar kəzi ɗiy noko; kəsərək met ɗiy-ɗar kawzi ɗiy nok a gəleti.
Təstəs də gegesiŋ suwer mazaŋga na məlĩ nokəŋgə; moggon də gesiŋ tahəŋ ədawaŋ aboko.
Yawe, is tat əpsəm zazaya, vi wəza nam pakə, istə kəɗɗa vimə.
Daya də zuk soksok kədazga sləma aka zay na ɗəf məs makran barə, vi appanək kizən suko.
Wanəgul əpel nawgagdakaw a meti. Zazaya, zazaya, vi ɗəf an fusu vi ɗəf an go'o Yawe anahə. Wanənzaɗa.
Net wataɗən dələv na Asiri də masalam gəm dələv na Nimrod tam də slohõ. Nan wakõhgəm səva Asiri, an azzoŋguk aka dələv namə, atoŋgoŋguk kiyit meŋge.
Gagdak sən Maŋgəlva a disiŋ məsəɗəɗə, zazay aka dəlva a walaŋgit ɗiy en aŋgələ.
In tat əppan sukum zəzaya, in tat əpsukum zazay nawa, va dələv adapsukum nədapsukum ɓa. Mokrokum adazlzlaɓ ɓa, ageslne' ɓa.
Nənah sukum pak vasna vi kərahaŋgən zazay də əsler də iyna. Wakəssoŋ mokum ɓəɓiɓəɓi aka dəlva, ya məsok zukum, naw nəskak wəla dəlva.
Yesu aɓsit əmpa kan na: Zazay dəsan akokum. Va Afən aslənwa, naw pak in tat əslənkum.
Əvoŋ dodopoɗo sə dərɓagani, gewleɗ akkalaŋgək addəv gəla əmpa. Tomas tay dənɗaŋ. Maddambaɗe məmseti, yaŋ Yesu payə, aziw a waleŋti, amna: Zazay dəsan akokum.
Aslənək əpel sit məs Israyelɗe, də ərban sit alabara nenek na zazay də Yesu Kristu na: Ndəni Daya net ɗiy pakə.
Kərbə suwək tiveɗ na zeŋgile, əssa nok də in waknəhu də ənneke.
Kəta Maŋgəlva Afən əga dəknahkum də ənneke gəm də zazay addəv ətafa, vi əga nokum dəɓaygən də əɓap na Zeŋgile Salala.
Kəta Maŋgəlva afən zazay dəsan dəndəkum pakə. Amin.
Adan mərah əssa təstəs də ətaf kan na, gəgaŋ na, mənam tat zay də Maŋgəlva dəza Daya nam Yesu Kristu.
Kəta Maŋgəlva Afəni gəm Daya Yesu Kristu, dəpsit zazaya gəm əŋgla də ətaf sit milmiŋgiɗmə.
Zazay na Maŋgəlva dədayki zəga məs ɗəf adawɓap əsən pak waga mokrokum də əɗɗum nokum addəv Yesu Kristu.
Daya Afən zazay zək nan dəpsukum zazay pay pakə, də tive temtem pakə. Daya dəsan də munokum pakə.
