Əŋɗa 6:24 - Bible en Guidar

²⁴ “Kəta Yawe dəprikgin əzaɓ akokum, dəgukum!

Əŋɗa 6:24 ပူးပေါင်းရင်းမြစ်များ

Va'Atəŋ 28:15

Ya awle! In tat də isi, wanəguk də təki kədaddok pakə, wanəmilguk aka dələvəŋka, vi nəzgok na firik ɓa, hã gap in grak əgrak an nənah suko.»

2Samiyel 7:29

Yaŋ kakaŋ na, kətaf əɗɗa əzaɓ aka gəla na gawla nok dəsangən hã faɗ aboko, vi Yawe Maŋgəlva istə kəpel na, də wəzaɓ noki yi gəla na balam nok adawzaɓ faɗə!»

Gəlyaɗe 134:3

Yawe dəɗɗa disiŋ də dəlvafuŋ wazaɓok hã sə Siyon.

Gəlyaɗe 17:8

Agu va mawyãk horoko, aɗamaw a perslekoko,

Gəlyaɗe 28:9

Akõhgit ɗiy noko, azaɓet ɗiy nawray voko, ateɗe, aslet hã faɗə!

Gəlyaɗe 91:11

vi waɗi wən nan sit maslayɗe nan dəgukungən aket tiveɗ nok pakə.

Isaya 27:3

In Yawe tə, məga nani. In tat əzi sən iŋkile də pay nani, dəfəɗ də kapaya, in tat əgan vi kawtak ɗəf dawraygəni.

Isaya 42:6

Intə Yawe, nəyuk na addəv təstəs nawi yi. Nərmak voko, nəgukko, nəɗiykuk kəssokgən wənmiyna sit ɗiy nawa əkeɗeɗe net ɗiy naket dəlveŋge.

Daniyel 9:17

Kakaŋ aprəm əkkam də əppu' na gawla noko Maŋgəlva namə, ammba iya noko Daya, appar horok awla gəla nok məɓzlunəŋka.

Yohanna 17:11

Intat aka dələv əmpa ɓa, ya neti tahəŋ aka dəlva. Naw in tat əmbat azoko. Aw Afən salala, age addəv iya nok məs kəvayə, vi dəssoŋgən taka va məsam taka.

1Korintus 14:16

Ya an is tat əfet aka Maŋgəlva də əmpəsa, ɗəf an ɗar na waloŋkum dəpas mbar adawzlan Amin ammba əfet nok di? Adan dəsən an kədawpel ɓa di?

Efesus 6:24

Mbəlembəle dəsan aket ɗiy məs dəŋgluwən Daya nam Yesu Kristu də əŋgla məs awray ɓa.

Filipi 4:23

Mbəlembəle na Daya nam Yesu Kristu dəsan də munokum pakə.

Filipi 4:7

Zazay na Maŋgəlva dədayki zəga məs ɗəf adawɓap əsən pak waga mokrokum də əɗɗum nokum addəv Yesu Kristu.

1Tesaloniki 5:23

Maŋgəlva afən zazay sən kiyən dubburkum tu'tu'u, gəm dəgagən zukum gərak lewlewi, əmpəs nokum, magenegenekum gəm gəɓa zukum, vi kəssoŋgən məza heslepe ɓa pay nazza na Daya nam Yesu Kristu.

1Piyer 1:5

mənokum məs əɓap na Maŋgəlva adawga də ətaf vi əkõh məs dəsan go'o aza ərban zən də pay naggraka.

Zuda 1:24

Sən Maŋgəlva nawɓap əgukum məza ətaŋgbãy ɓa, gəm nawziwgukum aba gagdak nan məza də heslepe ɓa də ənneke,

Ɗerewel nat Rut 2:4

Ya mbara Bo'ez apohək sə Bet-Lehem. Aɓsit məzupeteŋ na: «Yawe dəsan dəndukum!» Aɓsənən na: «Yawe dəɗi əzaɓ nan akoko!»

1Samiyel 2:9

Tay əga tilit ɗiy məzəprəmən mani, məɓoŋgit akan hara na, wazaŋ ara guzliyo. Vi də gbogboŋgi ɗəf adaska wəla ɓa.