Əŋɗa 6:20 - Bible en Guidar

²⁰ Məsdələv dərbetgin sən Yawe də əzoketi; zəga na matuya məs nawsan ka na məsdəlvi yi, sap aza makran məs adawzokon naka gəm mettile məs adawgəma. Səɓɓa asna, məwele na Daya van waɓap əsa mbazla kana.

Əŋɗa 6:20 ပူးပေါင်းရင်းမြစ်များ

Məsmaɗula 9:7

Doko, azəm way nok də ənneken zuko, asa mbazla nok də mokrok taka, vi Maŋgəlva atafək wəza nok səkay.

Isaya 25:6

Aka mossorgo metiŋgin vanəska, Yawe Məzuɓappak wapsit waynabaya slu məs səlhã də mbazla ammbani slu nenek məs səlhã, mbazla məɗɗoto moggon fõtfõt ammbani.

Isaya 35:10

Ɗiy en Yawe akõhgit wamilyoŋ adaka. Wagapaŋ a Siyon də əŋzla vaŋvəl sən ənneke. Wassoŋ pay pak addəv ənneke. Ənnek waknihe, əhəm gəm əya net waggrakə.

Məsdəlveŋge 10:15

Mettile nawgəma gəm makran nawzokon səddəv way na səlhã nahhəta, wakinən kawzokon aba Yawe; sədərɓagan na wakkpaŋgan ka zəga məpsuk faɗə gəm sit kirtuko va Yawe aɗi wən nani.»

Məsdəlveŋge 23:11

vit mazayən, pay naffet Yawe aɗi na, məsdələv dəzokongən maŋgav də hay akan van aba Yawe vi dətafkumgəni.

Məsdəlveŋge 7:30

dəkigən peŋ məhhətən sən Yawe dəvani, va wənəh na slu məs səlhã azani; gəm makrani məs ada əvəl də wəzokon aba Yawe;

Məsdəlveŋge 7:31

As na məsdələv dəzlagən slu məs səlhã aka təki nawzaɓ-Maŋgəlva, makran tamə kana Aron gəm sit kirtin adawsani

Məsdəlveŋge 7:32

gəm mettile an dəzəŋ kəpsənəngən məsdəlva, haran an kəgəmaŋ səra əzaɓ-Maŋgəlva nawsler nokumi yi.

Məsdəlveŋge 7:34

Arbək na makran nawzokoni gəm mettile nawgəma, nəgimik sivet mə Israyelɗe, səka əzaɓ-Maŋgəlva nawsler neti, yas nipsin sən məsdələv Aron dəndit kirtini, va a gəla zəga an avayaŋ pay pakə, səra an net Israyelɗe.

Məsdəlveŋge 9:21

Aron akiyək mekreti gəm metetile dəzəŋ aɗɗak matuya aba Yawe də wəzokon va Moyis aɗi wən nani.

Zakarya 10:7

Ɗiy na Efrayim wassoŋ va gambereɗi, mekret wannek va asaŋ mbazla. Kirtit wannekeŋ də uleti, makret wagəɗ haɗak vi Yawe.

Zakarya 9:15

Yawe Məzuɓappak wazeŋ areti, wazimin gəm wammusin gərmeŋge na mabəŋbəŋga, wasaŋgə gəm wagəbəɗaŋ va mbazla, waknəhaŋ va huloŋguk nawpesle, va mohõ gəlamatuya.

Zakarya 9:17

Haya, va adannekeŋgi! Haya va adassoŋ lelewɗe! Haykəmari wapsit gbogboŋ sit gewleɗi, mbazla na meketepe wasɓet gorɗeŋge.

Əŋɗa 18:18

Sluw net dəsangən noko, gəm makran məzokoni də metetilen dəzəŋ.

Əŋɗa 5:25

Məsdələv dətafgən əvəl nammba kotorok nak səvat guluk vatə, dərban səngən Yawe, asna dəɗigən aka təki nawzəməɗ matuya.

Əŋɗa 6:21

Aski mahenziŋ dəwəl sən ɗəf məwele na Daya məs dədaswaya; aski əvəl an adaɗɗa sən Yawe ammba ənziya nani, mbəksa an adawɓap əɗɗa na kiyən. Dədawgən aka an asway də əzban mahenziŋ na məwele məs atoŋ wən nanəŋka.

Matiye 26:29

In tat ənah sukum, sessel nəsə na ɗah mbazla na uwa net megezlembirkeɗ ɓa, hã gap pay an nədawsa an meleketen də mənokum addəv məlĩ na Afuwa.

Markus 14:25

Gesiŋ, in tat ənah sukum, sessel nəsə na ɗah mbazla na uwa net megezlembirkeɗ ɓa, hã gap pay an nədawsa an meleketen addəv məlĩ na Maŋgəlva.

Yohanna 19:30

Adan asə mbazla ɓaɓlak na, Yesu amna: Pak agraka. Ndən kiyən ɓe'gən amtə.