Əŋɗa 5:22 - Bible en Guidar

²² Iŋkile məs mefɗeke eretiŋ watoŋgoŋ aka zlem zuk kaska gədəvko, kakkpoŋgok ndarzlaykə. Guluk vat təzlangən na: Dəsan vaska, dəsan vaska.

Əŋɗa 5:22 ပူးပေါင်းရင်းမြစ်များ

Gəlyaɗe 109:18

Aguluk əray azan va lukutu, yaŋ atoŋ addəv zlemzən va iŋkile, addəv sleŋsleŋgin va mẽlẽ.

Gəlyaɗe 41:13

Vi təstəs naw gəraki kədawziwguwa, kəɗiwək abok hã ka faɗə.

Gəlyaɗe 72:19

Soko sən iya nan gagdak hã faɗə! Dələv pak dəknah də gagdak nani! Dəsan vaska. Dəsan vaska!

Gəlyaɗe 89:52

Məzuzelɗe nok aranənka Yawe! Tay əranən mesiya nok də təki al pakə.

Wənməkkpaŋga 1:31

Wazəmən zəga nawrəh na ədaw neti, keketɗe net mbəreyit tusso waki meti.

Ezekiyel 3:3

Yaŋ aɓsu na: «Wətən ɗəfa, azəm addəvko, aknəh godomblokuk də ɗerewel məktəmən nədapsukəŋka,» in nam əzəmən, asanək amaw gəŋɗət va amama.

Əŋɗa 5:23

Siske na, məsdələv dəvergin mefɗeke vet dəveri, dəskoɓigin eret iŋkile net mefɗeke.

Əŋɗa 5:27

An apsətək iŋkile vet təseke, an dədarba yaŋka: an tat də haramba gesiŋ təsat vi zələt kaka' ɓa, iŋkile məs mefɗeke eretiŋ wakkpaŋgaŋ tatrãhɗe dawtoŋgoŋ aka zlem zəta; gədəvət waskə, gəlet kirin warayə. Guluk nat watəkkpaŋ ka zəga narban əray net mefɗeke aweleŋgit ɗiy nata.

Yohanna 3:11

Gesiŋ gesiŋ nədawnah suko, nam mənam tat əpel an məsənə, mənam tat əpel aka an məwələ, ya də as pak kətafən əpel nam ɓa.

Yohanna 3:3

Yesu azlanəka, aɓsən na: Gesiŋ gesiŋ nədawnah suko: Ɗəf aɓap na ula məlĩ na Maŋgəlva an muwani masula'ən ɓa ɓa.

Yohanna 6:53

Yesu azlani, aɓsit na: Gesiŋ gesiŋ nədawnah sukum: An kəzəmən gəɓa zə Wətən Ɗəf ɓa, an kəsaŋ mbel nan ɓa, mənokum tat də zeŋgile addəvkum ɓa.