Əŋɗa 5:18 - Bible en Guidar

¹⁸ Məsdələv dəziwgətgən guluk vat aba Yawe, dəppasgən muhur kiyta; dəɗigən əvəl nammba əssak nak a dagrakay vata, va ənah na əvəl ammba kotoroku, dəka nan van tam tay dit iŋkile tatrãhɗe ammba van, məs mefɗeke ereti.

Əŋɗa 5:18 ပူးပေါင်းရင်းမြစ်များ

Wənməkkpaŋga 5:4

Ya sə dərɓagan na, tərãhtə va ndərzla, mat hoɓhoɓ va masalam məs man sula.

Məsmaɗula 7:26

Nərahək an tatrãh day ki əmta: ɗak məs təsat va zəva, makrat na bizwil, vat tamə ngiyamɗe. Ɗəf an Maŋgəlva aŋgəl wakõh səvata ya məs mambraya nan wappan zən watərma.

Isaya 38:17

Yaŋ na tatwãh naw akkpaŋgək əzaɓa, ya nok kəŋgluwəka kəzarguwək faraɗa səza vov nawza; vi mambray naw pak kəzganək dərɓogoko.

Yeremiya 2:19

Mambray nok dəzga suko, kəta əppan Maŋgəlva dəkisuk əzga'a! Vasna asəna kulagən na wəzgan Yawe Maŋgəlva nok gəm wəgeslne sən tay ɓa na, wən nan təraŋhi, mbərayni, Yawe Maŋgəlva Məzuɓappak aɗiymani.

Məsdəlveŋge 13:45

Məskokolo məsgbəgba' vaska lukutɗe nan dəssoŋgən məŋgereti, muhur kiyən məfaɗən, dətərgən mani, dəngəzlgən vaŋvəl na: heslepe, heslepe;

Əŋɗa 5:15

ɗəf van dəkətəgən ɗak nan vat aba məsdəlva. Dəkəgən əvəl məs məŋgla ammbat ɗak vatə: ndəni gəpa na palga kilo hoku. Adawmə' mẽl aka gəpa van ɓa, adawɗi tursan babar akan ɓa, vi əvəl ammba kotoroki yi, əvəl ammba əssaka, məs dədawgilgin mbərayən appaka.

Əŋɗa 5:17

Məsdələv dəzigin iŋkile na matuya addəv mesteɓe na dəlva, dəndəgən burɗuk səfuŋ sə təki nassa, dəzigən eret iŋkile veti.

Əŋɗa 5:19

Məsdələv dəswaygətəgən guluk vat də ənah sət na: An gesiŋ ɗəf tay dəvoŋguk ɓa, kəzlzlaɓan ənziya nok ɓa, kəgəɗ zəga net wil kəmakan zəluk ɓa na, kəta mefɗeke neret iŋkile nasaŋ adarmukun ɓa.

Əŋɗa 5:22

Iŋkile məs mefɗeke eretiŋ watoŋgoŋ aka zlem zuk kaska gədəvko, kakkpoŋgok ndarzlaykə. Guluk vat təzlangən na: Dəsan vaska, dəsan vaska.

1Korintus 11:15

Ya gagdaki azat gulku an muhur kiyət tay zeki, vi məpsət muhur zezek na a gəla məsərət kiyay.

1Korintus 11:6

An guluk tawsərət kiyit ɓa, asna təfiwwe, ya an ərba wili azat guluk nawfiw kiyta awaniɓa nawfaɗən na, asna təsərət kiyta.

Əmsak aka Mahenziŋ 29:18

An ɗəf aprəmək wəpel naswayəŋka, ndən ula zən na azaɓka, ənəh tam na: «Miy dəpəl su əmpa di, wanəmpa təlu aka wəɗɗum nawa, vi dələv məziy sən iŋkile na, meme armanən ɓa.»

Ibriɗe 13:4

Məɗi ki əɗigəla pakgukum, əkuh a gizbe adawsan ɓa, vi məɗɗaŋ ɗarɗar gəm məkuhwaŋ a gizbe, Maŋgəlva watawwən aketi.

1Samiyel 15:32

Samiyel anah sit na məki su Agag, məlĩ net mə Amalekɗe. Adeke, zən nek, azan na: «Sessel tatwãh namta tay əmpa ɓa!»