Əŋɗa 4:14 - Bible en Guidar

¹⁴ Dəɗiningin zəgeɗ naɗɗa matuya dənɗaŋ beymet akani, va: mazaŋzaŋɗe, zəga ma yorkok nampa slu sə koffo, ziginɗe, hĩlĩŋgiɗ nakso' zəga, zəgeɗ na təki nawzaɓ-Maŋgəlva gərakə. Dəpakəngən gəba na kilif metiŋgin məs adawyaŋ na dofeŋ akan bayman, dəgulingin zleŋɗe na təbəz nawslan təki nawzaɓ-Maŋgəlva vani.

Əŋɗa 4:14 ပူးပေါင်းရင်းမြစ်များ

2Alabaraɗe Də Mabərkiziti 4:19

Salomoŋ aɗɗek zəgeɗ naddəv Gəla na Maŋgəlva gərakə: matuya na meleŋge, tabəlɗe nawɗi peŋɗe an məpsən Maŋgəlva aketi,

Əgilye 27:1

Kəzaɓgən təki nawzaɓ-Maŋgəlva dit wəleŋɗe na duvurnohõ: zezek nan dəsangən metər sula də mani, slosloprok nan metər sula də mani. Təki nawzaɓ-Maŋgəlva van dəsangən təkzlumən poɗo dakadaka, əɓay na təki nawzaɓ-Maŋgəlva van metər taka də mani.

Əgilye 27:3

Kərkəgən kasliɗe na moŋglo na təki nawzaɓ-Maŋgəlva, ziginɗe, məɗawaɗe naksu' mbeli, zəgeɗ ma yorkok nampa sluwa, met kasliɗe; də təbəz pepreŋ kədaɗɗe zəgeɗis pakə.

Əŋɗa 4:13

Dəndanəngən moŋglo sə matuya, dəpakəngən gabaga pepreŋ witwit aka təki vani;

Əŋɗa 4:15

Aka ɗiy tahəŋ əsilyoŋ əmbat na, Aron dit kirtin dəgrakanəngən ətər təki nawzaɓ-Maŋgəlva dit zəgeɗ na wəza nan pakə; siske kan na, kirtin Kehat dəzzoŋgən əkanəni. Adawrəŋgənən gizlirke nalma də Maŋgəlva ɓa, vas ɓa wamtaŋgə. Aski an kirtin Kehat adawslaŋgə.

Əŋɗa 4:6

dəpakəngən gəba na kilif metiŋgin məs adawyaŋ na dofeŋ akani, siske na, dəsərətəngən bayman də gabaga mənɗerit va əffuyo na muŋgus. Dəgulningən zleŋɗe na təbəz nawslan tabəl van dənɗaŋ.