Əŋɗa 32:1 - Bible en Guidar

¹ Kirtin Ruben dit kirtin Gad tahəŋ dit gazlaŋɗe ɗəkɗəkə. Aza ula dələv na Yazer gəm dələv na Galad, arəhənək na, kivadələv nan aslək aza təki nawtaɗa.

Əŋɗa 32:1 ပူးပေါင်းရင်းမြစ်များ

Va'Atəŋ 13:2

Abram məsarya yi diyɗa, tay dit gazlaŋɗe, təbəz babar gəm meleŋge.

Va'Atəŋ 13:5

Lot, məs dədazban Abram, nan pak tay dit gilewi, wasliɗe, gəm gizlirkeɗe nawray vana'e.

Va'Atəŋ 29:32

Le'a təgəmək daway, bok wiyna, təlvan na Ruben: «Vi təmna Yawe awlak əzəmsahã nawa vi kakaŋ na, zəluw waŋgluwu kana.»

Va'Atəŋ 47:4

Aɓsənən Farawən na: «Mide na, kawsam aka dələv aŋki, vi təki nawtaɗ net timeŋgiɗ net belemɗe nok tay ɓa, vi may adayək aka dələv na Kana'anə'e, kamə kakaŋ na, belemɗe nok dəssoŋ də gəla aka dələv na Gosen.»

2Samiyel 24:5

Ndəɗaŋ dəgar ki Yurden, sek dibirgidik net a Arower, dəka dəzəŋ na walaŋgəla-metiŋ na waleŋgit məlpeŋge na Gad, gəm kəla Yazer.

2Samiyel 24:6

Ndəɗaŋ pay a Galad gəm Bagərəm naka dələv net mə Hitɗe a Kades, agapaŋ a Dan-Ya'an, gəm tərwəsl ki Sidon.

1Alabaraɗe Də Mabərkiziti 4:41

Ɗiy en məŋɗetiski, aka pay na Hizkiya məlĩ na Yuda azzoŋgu, andoletinik gizlirkeɗe net də təki nawɗam net nadaka, azetinik ɗiy sədak kakãh hã gap pay dəpaŋka. Ndəɗaŋ gurom də gəla a gəleti, vi muyã nawtaɗ net gilew net tay adaka.

Əgilye 12:38

Mahəlfaɗə mbirit diyɗa aslahaŋgək dənɗaŋ ambataŋgək dit gilewi, timeŋgiɗi gəm wasliɗe kaɗkaɗə.

Yeremiya 22:6

Vi an Yawe anah aka gəla na məlĩ na Yuda yaŋka: Law kənan azaw va Galad va ki Liban, wanəkkpaŋgok kapta-muyã walaŋgəla-metiŋ məs ɗiy nan tahəŋ akan ɓa.

Yeremiya 48:32

Ammba guli net megezlembirkeɗ na Sibma nədawhəm day ki ammba Yazer. Kivok anzanək balsən pehe hã gap a pehe na Yazer. Ya məraygən təki askotuk aka uwwa noko, aket mokkoyɗe noko.

Yeremiya 50:19

Wanəmndagan Israyel a təki nawtaɗ nani. Wataɗ aka Karmel gəm aka Basan; aka mossorgo metiŋ na Efrayim gəm a Galad, wabə.

Yeremiya 8:22

Miha' nawɗan gəla əssa tay a Galad ɓa sa? Awaniɓa zloktor tay adak ɓa sa? Vimi huwwa net ɗiy naw anzaɗ ŋgbəlay ɓa di?

Mika 7:14

Adawgit ɗiy nok də zleŋge nawtaɗ noko, gazlaŋ net gilew na vawrayko, məs dəssoŋ derder a muyã a weleŋgit wəleŋɗe nawzəma. Dətaɗaŋ a Basan gəm aka dələv na Galad, va aka pay lahəŋka.

Əŋɗa 21:32

Moyis aslən ula walaŋgəla na Yazer; Amõhnən təki məs dədawzlan aman temtemi, yaŋ Moyis arɓehet mə Amorɗe məs dəssoŋ də gəla adaka.

Əŋɗa 32:2

Yaŋ Kirtin Gad dit kirtin Ruben azzoŋgu, anah sitin may Moyis, məsdələv Ele'azar gəm ɗiy gugriɗ na mahəlfa aɓɗaŋ na:

Əŋɗa 32:26

Gil nam dit kirtəmə, gazlaŋɗe gəm zəgeɗ memeyẽɗ nam beymet wassoŋ aŋ a walaŋgəleɗe gugriɗ na Galad.

Əŋɗa 32:3

«Atarot, Dibon, Yazer, Nimra, Hesbon, Eleyale, Sebam, Nebo gəm Be'õn,

Əŋɗa 32:35

Atrot-Sofan, Yazer, Yogboha,

Əmsak aka Mahenziŋ 33:21

Awelik zlaŋgay dələv an na sləma, agəmək haran nani, an dəslə sən daya nalpa. Asapək azet deyeɗe net ɗiy, aɗɗak an na makra Yawe, də ətawwən net mə Israyelɗe təstəsə.»

Yosuwa 13:25

an dəsan sit na, ndəni: Yazer dit walaŋgəleɗe gugriɗ naka dələv na Galad beymeti, gəm pəɗak na dələv net mə Ammonɗe hã gap a Aro'er go'o də Rabba;

Yosuwa 22:13

Yaŋ mə Israyelɗe aslənən Pinhas, wət məsdələv Ele'azar aza mahəlfa na Ruben, aza mahəlfa na Gad gəm aza wəɗak na mahəlfa na Manase, aka dələv na Galad.

Yosuwa 22:9

Yas, Zev Ruben də zev Gad, gəm wəɗak na zev Manase məs dəssoŋ dəmmba pay nampum, net amndoŋ engili. Appetinik mə Israyelɗe a Silo, aka dələv na Kana'an, addoŋ aka dələv na Galad, hara dələv net an mipsit dəka əpel na Yawe də ma Moyisi.

1Yohanna 2:16

Vi an dəsan egge pak va əsim na gəɓa zə ɗəfa mãy əsim na hara ɗəfa gəm əkaɓ də arya, dəde səza Afən ɓa, səgge ade.

Mətawaŋwəna 5:16

Mə dəray kəssoŋ a weleŋgit gazlaŋɗe əprəm uffo na pozloro net məzuteɗeŋɗe di? Addəv məlma na Ruben na, əssõhɗeŋ vadaysa.