Əŋɗa 3:13 - Bible en Guidar

¹³ Tizi pak nawiyi: vi aka pay nəbey tiziɗe naka dələv na Eziptə beymet na, nəwelik tiziɗe na Israyel pak ka nawa, na ɗəf titire dit en na zəga mamayã pakə: net nawəŋgə. Intə Yawe.»

Əŋɗa 3:13 ပူးပေါင်းရင်းမြစ်များ

Nehemi 10:36

Gəm əmpa kawki zəga na mabardaw məs dəsəɓ daabəŋ sə guli namə, gəm uwa na wəlaŋga awandi pak dəsəɓ daabəŋ aza wəzva addəv Gəla na Yawe.

Əgilye 13:12

uwa na məlviya nok pak kəpsəngən Yawe, də zəgeɗ memeyẽɗ nok mezeŋgleket maddaabəŋ pak sən Yawe!

Əgilye 13:15

Gala Farawən aɓɓəlan kiyən, atakəm dawmbata, Yawe abeyək uwa maddaabəŋ net ɗiy də an net zəgeɗ memeyẽɗ naka dələv na Eziptə pakə, vini nədawzaɓ-Maŋgəlva sən Yawe də uwa na məlviya mizilin pakə, ya uwa maddaabəŋ net kirtu pak nəbitgini.

Əgilye 13:2

«Aɗi su ta' uwa maddaabəŋ pakə, uwa mizilin na məlviya na Israyelɗe, net ɗiyi də an na zəga mamayã. Nan nawi.»

Əgilye 22:29

Vas kədaɗɗa dit wasliɗe noko, gəm gilew noko; dəsangən lumu taka də mani; aka pay madodopoɗon na, kəpsugəni.

Əgilye 34:19

Uwa maddaabəŋ pak nawi yi, səddəv gazlaŋ nok pak zəga naɗɗumon noki, uwa na bəlata də an na zagara gəm na ɓaɓlama pakə.

Ezekiyel 44:30

Dadabya an moggon na zəga pakə gəm zəga an məgəmən na zəga pak səret zəgeɗ pak səka an kəgəmaŋ ambaw na, wasan net məsdəlveŋge; gəpa kukuɗ moggon nokum maddaabəŋ pakə, kəpsitingən məsdəlveŋge, vi wəzaɓ dəprikgən aka gəla nokum.

Məsdəlveŋge 27:26

Adan uwa maddaabəŋ na Yawe yi na, arbək na ɗəf aɓap na əɗi wət zəga mamayã nan maddaabəŋ na wasliya, time awaniɓa na hãw sən Yawe ɓa.

Əŋɗa 18:15

Əbayman na, uwa maddaabəŋ məki sən Yawe pakə, na ɗəf titire dit en net zəgeɗ memeyẽɗi, nokuŋgə. Ya hara na, kəmangən tizi na ɗəf titire gəm kəmetigin uwa na məlviya net zəgeɗ memeyẽɗ en mahenziŋ atakə.

Əŋɗa 18:6

Is tat ulani, in sən kiyu nədawgəm milmiŋgiɗkum mə leviɗe səret mə Israyelɗe, nədawvəl sukum dənɗaŋ: mipsini sən Yawe vi kaɗɗa wəzeɗe na gizlirke nalma də Maŋgəlva.

Əŋɗa 3:41

Siske na, kəzeɓet sugən mə leviɗe zaɓ a gəlet tiziɗe net mə Israyelɗe dəssoŋgən ka naw in Yawe; vaska'e kədawzeɓet suw zəgeɗ memeyẽɗ net mə leviɗe a gəla uwa na məlviya net zəgeɗ memeyẽɗ net mə Israyelɗe beymeti.»

Əŋɗa 33:4

aka mə Eziptiɗ vet tahəŋ ədawndikinin magaziɗe net məs Yawe abay vi kawtaw wən aket meŋgilveɗ neti.

Luka 2:23

va məverin addəv mahenziŋ na Daya na: Uwa mizilin na məlviya pak na Daya yi.

Ibriɗe 12:23

Kəzzoŋguk addəv əkkal net kirtin Maŋgəlva en daabəŋ, en məver iya net a disiŋ gəm aza Maŋgəlva mətawwən aket ɗiy pakə gəm aza əmpəs net ɗiy en təstəs dəgapaŋ aza əkõho,