Əŋɗa 28:3 - Bible en Guidar

³ Kənahsitgən na: Way an kədapsənən Yawe yaŋka: pay pak kirtit timeŋgiɗ mezeŋgleket sula na wəzva takataka məza heslepe azet ɓa, ammba əvəl nawzla kurmbuɗuk məs gabban appa ɓa.

Əŋɗa 28:3 ပူးပေါင်းရင်းမြစ်များ

1Alabaraɗe Də Mabərkiziti 16:40

kawda əvəl nawzla kurmbuɗuk sən Yawe ɗayɗay aka matuya nawzla əvəl nawzla kurmbuɗuk də pummo gəm də moskoyo, gəm kaɗɗa an va məverin addəv mahenziŋ, an Yawe aɗi wən nan sit mə Israyel.

2Alabaraɗe Də Mabərkiziti 8:13

ədan də pay nani, əzban aza mahenziŋ Moyis aɗi aket payɗe naffete, aka əzləra na təlaper gəm aket əzləreɗ gugriɗ hoku naddəv əzva: əzləra na peŋ məza wuɗo ɓa, əzləra na lumu taka buhul gəm əzləra net guɗukɗe.

Ezra 3:5

Sissiŋgi matuya nahhət ɗayɗay atəŋgə, matuya nahhət na təlaper, də pay an na mahenziŋ na Yawe, gəm embet ɗiy məzuvəlaŋ mekret papar sən Yawe pakə.

Daniyel 11:31

Ɗiy səmmbet məzəlpaŋ nan warnokonən Gəlamatuya na Maŋgəlva mərka kini. Waziwginin əzaɓ-Maŋgəlva nawda ɗayɗay sən Maŋgəlva ya waɗiyaŋ zəga daryaw məraygən təkiya.

Daniyel 12:11

Təŋ səza adawtakən əzaɓ-Maŋgəlva an ɗayɗay gəm kawɗi zəga daryaw an dədawraygən təkiya, əvoŋ gabal də səkat sula də kaklaw vaytak watoŋgoŋgu.

Daniyel 8:11

Təɓayək gap aza Daya Məzuɓappak na disiŋ, tətakək əzaɓ-Maŋgəlva an nawdə sən ɗayɗayə gəm təɓzluwək gəlamatuya nani.

Daniyel 8:13

Nəprəmək maslay əpele, maslay mbərən attokonək ma an məzupel na: «Pay ŋgbəŋgbar zəgeɗ məs kəwəl addəv əssine aka wən nawzaɓ-Maŋgəlva ɗayɗayə, kiɓəɓəl məraygən təkiya, gəlamatuya məraygəni gəm məzəlpaŋ na disiŋ adassoŋ məndepet adaɗɗan di?»

Məsdəlveŋge 3:5

Asna kirtin Aron dəzlanəngən aka təki nawzaɓ Maŋgəlva sap aza əvəl nawzla kurmbuɗuk məs dəsan aket motoffoɗe nakoffo neki; aski peŋ məhhətən məs məzəffok nek aka Yawe.

Məsdəlveŋge 6:9

An dəpələ, Aron dit kirtin dəzəmnəngəni; dəzəməngən aka təki na mahenziŋ məza wuɗo aran ɓa; dəzəməngən a daŋgla na gizlirke nalma də Maŋgəlva;

Amos 4:4

«Məddoŋ a Betel məraygən matuya na Gilgal; məsok zukum aza əraygən matuya. Də mompumo pak, mənokum əke zəgeɗ nawzaɓ-Maŋgəlva nokum, makəlaw na ərəh nokum tam aza əvoŋ mahokon pakə.

Əŋɗa 28:10

Ndəni əvəl nawzla kurmbuɗuk məs aza pay naffet pak na, ndən əddan əsap də əvəl nawzla kurmbuɗuk an ɗayɗay də əpesl ambanəŋka.

Əŋɗa 28:15

Gəm əmpa kətawgən wəla porsok sən Yawe nawəzaɓ-Maŋgəlva ammba mambraya; kapsən dəsapgən aza əvəl nawzla kurmbuɗuk ɗayɗay də mbazla nawpesl ammbani.

Əŋɗa 28:23

Məs kədaɗɗaŋgəs pak dəsapgən aza əvəl nawzla kurmbuɗuk də mompumo, ndəni əvəl nawzla kurmbuɗuk ɗayɗay.

Əŋɗa 28:24

Vas kədaɗɗaŋ pay buhul aka əpsən way məzlan va peŋ məs əŋgənən adanneken zə Yawe; kəpsənəngən sap də əvəl nawzla kurmbuɗuk an ɗayɗay də mbazla nawpesl ammbani.

Əŋɗa 28:31

Sap aza əvəl nawzla kurmbuɗuk məs naɗɗa ɗayɗay də əvəl də zəga na mabardaw ammban naka. Kəzaɓəŋgən-Maŋgəlva dit zəgeɗ memeyẽɗ məza heslepe azet ɓa də mbazla nawpesl ammbani.»

Əŋɗa 28:4

Wət time mizilin taka kəfotgən də pummo, wət time mizilin an masulani kəfotgən də pay piriŋpiriŋgi,

Əŋɗa 29:11

Kəzaɓəŋgən-Maŋgəlva də porsoku'e, vi kaɗɗa sukum mahenziŋ navvuyon mambraya. Əzaɓ-Maŋgəlva navvuyon mambraya sap aza əvəl nawzla kurmbuɗuk məs naɗɗa ɗayɗay gəm əvəl də zəga na mabardaw nani də mbazla nawpesl ammbeti.

Əŋɗa 29:16

Kətawaŋgən wəla porsoku'e, vi kaɗɗa sukum mahenziŋ navvuyon mambray sap aza əvəl nawzla kurmbuɗuk məs naɗɗa ɗayɗay gəm əvəl də zəga na mabardaw nani də mbazla nawpesl ammbani.

Əŋɗa 29:6

Sap aza əvəl nawzla kurmbuɗuk na təlaper gəm əvəl də zəga na mabardaw nani gəm əvəl nawzla kurmbuɗuk məs naɗɗa ɗayɗay də əvəl də zəga na mabardaw gəm mbazla nawpesl ammbani. Va məsərəka, way məzlan məs məŋgənən nek sən Yawe yi.»

Yohanna 1:29

Vit pumpum nani, Yohanna awlak Yesu dazzan azani, yaŋ amna: Akəŋtə ndargayãk na Maŋgəlva məzəvvuyon mambray naka dəlva.

Ibriɗe 9:6

Adan zəga pak azaɓək gərak vaska, məsdəlveŋge tahəŋ wətoŋgoŋ addəv gizlirke an daabəŋ pay pakə, vi kaɗɗa wəza neti.

Hənhən 13:8

Ɗiy naka dəlvafuŋ pak wagagdakanəni, anet ɗiy en iya net tay məverin addəv ɗerewel na zeŋgile nat ndargayãk mətaw wəlat də ətəŋ na gabba dəlvafuŋ ɓa.