Əŋɗa 28:2 - Bible en Guidar

² Aprəman sit mə Israyelɗe: kənah sitgən dəzgaŋgən sləma aka əkisu hara əvəl an dəwəl su də pay məs məɗiyən, ndəni way nawzəm naw məzlan məs məŋgənən adannek zuwa.

Əŋɗa 28:2 ပူးပေါင်းရင်းမြစ်များ

Va'Atəŋ 8:21

Yawe affokuk məŋgənən hõyu, Yawe anah a makran na: «Nəzban na əraygən dəlvafuŋ ɗah aka batam ɗəf titir əmpa ɓa. Nəsənək na, əɗɗum na makra ɗəf titir pak, aka mbərayni far səka sawãni, səni yi nəzan na ɗah zəga madaran va nəgəɗəŋ əmpa ɓa.

1Alabaraɗe Də Mabərkiziti 23:31

Də wəza nawda əvəl nawzla kurmbuɗuk sən Yawe pakə, aka pay naffete, aka təlaper, gəm wəzləreɗi, va məziwgən wəŋɗa net naɗɗa ɗayɗay aba Yawe.

2Alabaraɗe Də Mabərkiziti 23:18

Yoyada appanək wən nawga gəla na Yawe avet məsdəlveŋge mə leviɗe məs Davit awɗeket addəv gəla na Yawe, vi dədanəngən əvəl nawzla kurmbuɗuk sən Yawe də wənneke gəm dit gəlyeŋge, va məverin addəv ɗerewel na mahenziŋ na Moyis, ədawgən va Davit aɗi wən nani;

2Alabaraɗe Də Mabərkiziti 31:3

Məlĩ andək arya nan səzan vi kaɗɗa əvəl nawzla kurmbuɗuk an də mompumo də an na moskoyo, an na pay naffete, na təlaper, gəm net wəzləreɗ meɓɓeti, va məverin addəv mahenziŋ na Yawe.

Ezra 3:2

Yosuwa, wətən Yosadak, asilik dit məsdəlveŋge milmiŋgiɗni, də Zorobabel wətən Salatiyel dit milmiŋgiɗin, arkanən gəlamatuya sən Maŋgəlva na Israyel, kahhət sən zəgeɗ memeyẽɗi, va məverin addəv mahenziŋ na Moyis, ɗəf na Maŋgəlva.

Ezra 3:3

Arkannək gəlamatuya aka gabban məs məɗini, vi geslne tay ərmet sit ɗiy naka dələv vani, ahhətaŋgək matuya sən Yawe, an nampummo də an moskoyo.

Nehemi 10:34

may vi peŋ napsən Maŋgəlva, may vi əvəl an naɗɗa pay pakə, may vi əvəl nawzla kurmbuɗuk pay pakə, pay temtem naffete, na təlaper, wəzləreɗi, zəgeɗ na matuya, may əzaɓ-Maŋgəlva navvuyon mambray na Israyel gəm vi wəza mawandi pak addəv gəla na Maŋgəlva namə.

Gəlyaɗe 81:3

Məsmayə, məbay dəgla, koku dəɗəmə, də gəzləŋtəndəŋ.

Əgilye 23:15

Kərmagən pay na wəzləra na mepteke məza wuɗo ɓa. Wəvoŋ buhul mepteke məza wuɗo ɓa kədawzəma, va nəɗi suk wən nan na aka təla na bu'um, vi aka pay nani yi kəgil sə Eziptə. Azzoŋ addəv Gəla naw va ɗəf halay halay ɓa.

Əgilye 29:18

Kəzlagən ndargayã van dəwənnan aka təki nawzaɓ Maŋgəlva. Ndəni əvəl nawzla kurmbuɗuk sən Yawe, məŋgənən dəffeten səngən makrani, nan way məhhətən sən Yawe yi.

Ezekiyel 16:19

Way naw an nəpsuko, haykəmari dadabya, mẽlẽ gəm amama nəzəmguko, kəmbatək əɗiyit abet ka tursan məs məŋgənən naffeten mekreti; an kəgəɗ yaska Daya Yawe aɗiymani.

Ezekiyel 20:41

Də məŋgən tursan naffeten makrawa, wanətafkum, pay nədawgilgukum sə weleŋgit ɗiyi, wanəkkalokum səket dəlveŋge məs mətəraygukum aketi. Wanərban salala naw də mənokum ama heret ɗiy-ɗarə.

Ezekiyel 45:17

Əvəlnawzla-kurmbuɗuk aka məlĩ adawsani, əvəl də zəga na mabardaw gəm zəga nawsa, pay net wəzləreɗi, wəzləra na təlaper, pay naffete, pay net wəzləreɗ na Israyel pakə; məlĩ yi dədawtaw zəga nawzaɓ-Maŋgəlva vi navvuyon mambray də zəga na mabardaw, zəga na əvəl nawzla kurmbuɗuku, əzaɓ-Maŋgəlva nawki zazaya, vi kaɗɗa mahenziŋ navvuyon mambray naket ɗiy na Israyel.

Məsdəlveŋge 1:13

Dəskoɓəgən zəga naddəvən may tetewirge aret iŋkile, as kan na məsdələv dətosgən bayman pak aka təki nawzaɓ-Maŋgəlva. Aska əvəl nawzla kurmbuɗuki, way məzlan məzəffok nek aka Yawe iyi.

Məsdəlveŋge 1:17

Dəpəɗakgən sə walaŋ persleken pəɗak sula məza əboŋgon ɓa asna məsdələv dətosgən aka təki nawzaɓ Maŋgəlva aket motoffoɗe məkkpuɓit akoffo. Aska əvəl nawzla kurmbuɗuki yi, way məzlan kurmbuɗuk məzəffok nek aka Yawe yi.

Məsdəlveŋge 1:9

dəskoɓəgən zəga naddəvən may tetewirge aret iŋkile, as kan na məsdələv dətosgən bayman pak aka təki nawzaɓ-Maŋgəlva. Aski əvəl nawzla kurmbuɗuku, way məzlan məzəffok nek aka Yawe.

Məsdəlveŋge 21:6

Wassoŋ məwelit sən Maŋgəlva neti, adawraygənən iya na Maŋgəlva net ɓa; adan ndəɗaŋ dədawkinən way məhhətən sən Yawe, əzəm na Maŋgəlva neti, dəssoŋgən salala.

Məsdəlveŋge 21:8

Kəɗigən ka ɗəf salala, vi ndən dədawka zəga nawzəm sən Maŋgəlva noko; məza heslepe ɓa kədawlani, vi ndəni dədawki way sən Maŋgəlva noko; dəsangən salala azoko, vi salala nan in Yawe məzəkkpaŋgokum salalaŋka.

Məsdəlveŋge 3:11

Asna məsdələv dəzlagən aka təki nawzaɓ-Maŋgəlva; aski peŋ məhhətən sən Yawe.

Malakiya 1:12

Nokum dərəŋ na, mənokum tat əraygən də wənah na: «Tabəl na Yawe na mərnokni. Way nakan na zəga ɗari.»

Malakiya 1:7

Də wəki way mərnokun aka matuya nawa. Mənokum wənahaŋ na: «Də mi mərnokok di?» Mənokum tat ənahaŋ na: «Tabəl na Yawe na zəga ɗari yi.»

Əŋɗa 15:24

an heslepe məɗɗan dəva ɗəfi ɓa, sap net ɗiy dəsənnən wən nan ɓa, sap net ɗiy beymet dəpsənəngən medgeɗge sən Yawe vi əvəl nawzla kurmbuɗuk məs məŋgənən neki, sap də əvəl an na zəga na mabardaw gəm an məŋgla nafloŋ afuŋ va məsərəka, gəm əmpa porsok taka nawzaɓ-Maŋgəlva navvuyon mambraya.

Əŋɗa 15:3

an kawvəlaŋ sənən Yawe də zəga nawzəm an məzlan dəzle va əvəl nawzla kurmbuɗuku awaniɓa əzaɓ-Maŋgəlva naknahan əswaya, awaniɓa əvəl an dəsil sə makra ɗəfa may ammbet wəzləreɗi, ammba əzaɓ-Maŋgəlva vaska, vi məŋgənən dəffetengən makra Yawe na, kəweleŋgən zəga mamayã metiŋgini awaniɓa muzliya.

Əŋɗa 15:7

gəm mbazla nawpesl litər sula ka zəga məs məŋgənən nek aka Yawe.

Əŋɗa 28:1

Yawe apel sənək Moyisi, amna:

Əŋɗa 29:39

«Eskin əzaɓ-Maŋgəlva kədaɗɗaŋ addəv əkkal nokum sap aza an kiynanən mokum napsən Yawe, əvəl va kəɗɗumon na kiykum ammbet əzaɓ-Maŋgəlva na əvəl nawzla kurmbuɗuku gəm əvəl də zəga na mabardaw nokum də mbazla nawpesle gəm tuyeɗe nawslere.»

Əŋɗa 9:13

Ya kan na, pay ɗəf an məs heslepe tay azan ɓa ya a malakay ɓa, dəzgə sləma aka əɗɗa wəzləra na Pak ɓa na, ɗəfəs nawgilgini səret ɗiy nani; vi dəka əvəl nan sən Yawe aka pay məs məɗiyən ɓa, ɗəfəs wardə də tatwãh na mambray nani.

Əŋɗa 9:7

Aɓsənən na: «Mənam tat də heslepe azamə, vi mərəŋgənək kigəbaya; mə dəray mətakəm dawki əvəl nam sən Yawe aka pay məɗiyən ta' amban va net mə Israyelɗe pakəŋ di?»

2Korintus 2:15

Vi mənamtə tursan moggon na Kristu sən Maŋgəlva a walaŋgit ɗiy en dədawkõhoŋgu gəm a walaŋgit en dədawzaŋgə.

Efesus 5:2

Mədaw addəv əŋgla va Kristu aŋglumə appan ki zən sən Maŋgəlva ammbam ka əvəla gəm ka zəga mətaw wəlani, va tursan məs məŋgənən neki.

Filipi 4:18

In tat də an wərayu asan azan pakə, addəv əba nani, tay məs dəkkpap su səza Epafroditus aki su an səvokum ɓa, tay va əvəl məs də məŋgənən neki. Əzaɓ-Maŋgəlva məs Maŋgəlva atafi, neki azani.