Əŋɗa 27:21 - Bible en Guidar

²¹ Dəziwgən aba məsdələv Ele'azar, nan van dəssõhongən wən nan aba Yawe də zəga adawyaŋ Urim. Səza an dədarbaski kan adawgulyoŋ, adawmbataŋ eŋgili, ndən dit mə Israyelɗe: Əsap net beymeti.

Əŋɗa 27:21 ပူးပေါင်းရင်းမြစ်များ

2Samiyel 21:1

May agəɗək diyɗa aka məlĩ na Davit, əzva hoku ammba zəni. Davit assohõnək Yawe, yaŋ Yawe amna: «Aka batam Sawlu də gəla nan məbay gəbayəŋki, vi abeyik mə Gabawənɗe.»

Ezra 2:63

Guverner anah sit na, adawzəmaŋ way na mahenziŋ ɓa, hã gap məsdələv dulagən wən nan də Urim gəm də Tummim tagay.

Nehemi 7:65

Daya nakki vadələv aɓsit na, adawzəmaŋ zəgeɗ en salala ɓa, məsdələv dədegən tagayɗa ətawanwən nan də Urim gəm Tummim.

Əgilye 28:30

Kəɗigin Urim də Tummim addəv gabaga na makra ɗəf na ətaw wəna; Wassoŋ aka makra Aron pay adawtoŋ aba Yawe: Aron dəgəmgən ətawwən net mə Israyelɗe a makran faɗ, aba Yawe.»

Məsdəlveŋge 8:8

alaw sənək taɓak na makrani gəm aɗi sənək Urim də Tummim kəladdəvən;

Malakiya 2:7

Gesiŋ nan na, əsən tay a ma məsdəlva, wəzga' an təstəs tay a barani vi ndəni maslən na Yawe Məzuɓappakə.

Əŋɗa 27:17

ɗəf nawgilyen nazzan abeti, nawgilgiti, nawmilgiti; vasna əsap net ɗiy na Yawe asan na va timeŋgiɗ məza məzutaɗa net ɓa ɓa.»

Əŋɗa 27:2

Arbanənək ki zit aba Moyis, aba məsdələv Ele'azar, abet ɗiy gugriɗe gəm əsap net ɗiy pak a metive na gizlirke nalma də Maŋgəlva.

Əŋɗa 27:20

Kəpsəngən gagdak səzan noko, vi mə Israyelɗe pak dəɓe'eŋ sənəngəni.

Əŋɗa 27:22

Moyis aɗɗak va Yawe aɗi sən wən nani; agəm Yosuwa, aziwgin aba məsdələv Ele'azar gəm aba əsap net ɗiy pakə.

Əŋɗa 27:5

Moyis mah əka wən nan aba Yawe.

Əmsak aka Mahenziŋ 31:3

Yawe Maŋgəlva nokum dədawdaw abokumu; ndəni nawzet ɗiy-ɗariŋ səbokum, wakəmõhnən dələv net ka nokum. Yosuwa yi dədawdaw abokum va Yawe anahə.

Əmsak aka Mahenziŋ 33:8

Anah aka Levi na: Tummim də Urim nok sit ɗiy dədaprəmən mokəŋ, məs kula nazan a Masa, məs kətawən wən aket a met iŋkile na Meriba,

Yosuwa 9:14

Yaŋ atafən zəga nawzəm səvet ɗiy net məza əssõhõn səsõhsa Yawe ɓa.

Mətawaŋwəna 1:1

Dərɓaga əmta na Yosuwa na, mə Israyelɗe assohõnənək Yawe aɓɗaŋ na: «naway naddan səm daabəŋ əwak sit mə Kana'anɗe də əlpa di?»

Mətawaŋwəna 20:18

Ndəɗaŋ le' apeŋgeŋ a Betel, assohõnən ma Maŋgəlva, mə Israyelɗe vet kan aɓɗaŋ na: «Naway nawpeŋ səm ətəŋ wəlpa dit mə Benyaminɗe dit?» Yaŋ Yawe amna: «Yuda yi nawtəŋgən!»

Mətawaŋwəna 20:23

Mə Israyelɗe peŋgeŋ, ahəmaŋ aba Yawe hã moskoyo, assohõnən Yawe də ənəh na: «Nəmndaw əlpa dit milmiŋgiɗu mə Benyaminɗeŋ sa?» Yawe amna: «Məddoŋgu!»

1Samiyel 14:19

Gala Sawlu adawnah sən məsdəlva, gogoyo awanək zən a dibirgidik net mə Filistiɗe. Yaŋ Sawlu anah sən məsdələv na: «Appan wən nan lahə.»

1Samiyel 23:9

Davit asənək na Sawlu tay əzaɓan zən kawgəɗ sən mbərayni; yaŋ aɓsən məsdələv Abiyatar na: «Aki lukut na məsdəlva.»

1Samiyel 28:6

Sawlu akkamanək Yawe, Yawe dəŋger əzlan sən addəv issine dayday ɓa, də Urim ɓa, may də met məskəleŋɗe ɓa.

1Samiyel 30:7

Davit anah sən məsdələv Abiyatar, wətən Ahimelek na: «Aki su lukut na məsdəlva kamə.» Abiyatar aki sənək Davit.