Əŋɗa 25:1 - Bible en Guidar

¹ Mə Israyelɗe aziyənək gəla a Sitim, yaŋ ɗiy atəŋgaŋ əɗɗa polkoyo dit gil na Mo'ab.

Əŋɗa 25:1 ပူးပေါင်းရင်းမြစ်များ

2Milyeŋge 23:7

Aɓzluwik gəleɗe net məpolkoyeɗ na tuya səddəv Gəla na Yawe, məs gil adawhõŋ lukutɗe na Astera.

Gəlyaɗe 106:28

Asapaŋ sənənək Ba'al na Pe'or, yaŋ azəmaŋ əzaɓ-Maŋgəlva sən maŋgəlva məzəmta,

Əgilye 22:19

Məs dətaw wəla zəga nawzaɓ-Maŋgəlva sit meŋgilveɗi, kazgani; an sən Yawe yi kaka ɓa ɓa.

Əgilye 34:15

Vi wənmiyna adawsan a walaŋguk dit ɗiy naka dəlvəŋ ɓa, waɗɗaŋ polkoyo nawku dit meŋgilveɗ neti, wazaɓən-Maŋgəlva sit meŋgilveɗ neti, wayukun kəzəmgən əzaɓ-Maŋgəlva neti.

Məsmaɗula 7:26

Nərahək an tatrãh day ki əmta: ɗak məs təsat va zəva, makrat na bizwil, vat tamə ngiyamɗe. Ɗəf an Maŋgəlva aŋgəl wakõh səvata ya məs mambraya nan wappan zən watərma.

Yeremiya 40:11

Əmpa na, mə Yudeɗ məs dənzoŋ əɗam anet mə Mo'abɗe da pakə, awaniɓa anet mə Ammonɗe da, awaniɓa a Edom dit en naket dəlveŋge pak aprəmənək na məlĩ na Babilon appetik madambirgit ɗiy na Yuda, aɗi Gedaliya wətən Ahikam wətən Safan aketi.

Ezekiyel 20:21

Yaŋ kirin nek aɓoŋgoŋ akawa; dədawaŋ va mahenziŋɗe naw ɓa, dərmenin tiveɗnanziya naw naɗɗa wəza dənɗaŋ ɓa; də wəɗɗa wəza dənɗaŋ ɗəf adawsan madarani. Araygənək pay naffet nawa. Yaŋ nənah na: Wanəke herɗe naw aketi, wanəgapgən ədagədəv naw ŋgbu' aket a kapta-muyã.

Hose'a 9:10

Va megezlembirke awra nərəh Israyel, va mədəvərziyo na sokoyo, də wətəŋ nan nulek efiŋgiɗkum. Səza agapaŋ a Ba'al-Pe'or, appannək ki zit sit ərba wili, akkpaŋgaŋ daryawɗe va zəga an aŋglaŋgə.

Mika 6:5

Ɗiy nawa, əŋga məɗɗumoni, kamə! An məs Balak, məlĩ na Mo'ab, aɗɗum naɗɗa, gəm an Balam, wətən Be'or azlan səni. Gəm an dəgəɗ təŋ sə Sitim hã gap a Gilgal. Asna wakəsənnən wəza na təstəs na Yawe.

Əŋɗa 25:17

«Məwak sit mə Madiyanɗe, mərbə siti.

Əŋɗa 31:2

«Ampəlkiyit mə Israyelɗe aka mambray məs mə Madiyanɗe aɗɗaŋ sitiniŋka. Dərɓagan wakəsap dit ɗiy noko.»

Əŋɗa 33:49

Yaŋ ampanən dibirgidik net a təki məpəlayya na Mo'ab, go'o aza Yurden, təŋ sə Bet-Yesimot hã gap a Abel-Sittim.

Əŋɗa 7:15

Medgeɗge taka, ndargayã taka, time taka məs wəzva taka ammba əvəl nawzla kurmbuɗuku;

1Korintus 10:8

Mədappan zəm sən polkoyo va net ɗiy meɓɓet səret, amtaŋgək gabal kaklaw sula kiyən hoku aka pay taka.

Əmsak aka Mahenziŋ 3:29

Yaŋ məsam də gəla a walaŋ aba Bet-Pe'or.

Əmsak aka Mahenziŋ 32:38

Ŋgahəŋ məzuzəmaŋ səlhã na zəga mətawən nawzaɓ-Maŋgəlva gəm məzusaŋ mbazla nawpesl nawzaɓ-Maŋgəlva net nek di? Dəsilyoŋ əbbahaŋ sukumən kana, dəssoŋ təki nawɗam nokum!

Əmsak aka Mahenziŋ 4:3

Kulanənək an Yawe agəɗ a Ba'al-Pe'or də horokum; ɗəf dəzban Ba'al na Pe'or pak Yawe Maŋgəlva nokum azanək sərokum,

Yosuwa 2:1

Daga sə Sitim Yosuwa wətən Nun aslən zel sula əseŋger səmyã na təki mahaɗama, aɓsit na: «Məddoŋ mula mamba dəlva gəm walaŋgəla na Yeriko.» Addoŋguk adaka, atoŋgoŋ anat guluk məpolkoyokda adawyaŋ na Rahap, avoŋgoŋ adaka.

Yosuwa 22:17

Mbərayən məgəɗ a Pe'or agəsək azam sa? Də Yawe atehgən gəbay aket ɗiy nan zlaŋgə, hã pay dəpaŋka dəbbur səzam ɓa.

Yosuwa 3:1

Yosuwa asilik də mompumo pumə; addoŋ sə Sitim ndən dit mə Israyelɗe beymeti, agapaŋ hã ama Yurden; avoŋgoŋ adak dawga əggara.

Hənhən 2:14

Ya in tat də an nədawzelen azok siɗikke, is tat dit ɗiy anokda məs dədazbanən wən məs Balam adawsəɓ sən Balak dəŋsləngən bizwil sit mə Israyelɗe vi kawreɗit dəzəmaŋgən slu nawzaɓ-Maŋgəlva sit zəgeɗkamaŋgəlva gəm dəɗɗaŋgən polkoyo də zə ɗəfa.