Əŋɗa 24:8 - Bible en Guidar

⁸ Maŋgəlva agilginək sə Eziptə; tay də gbogboŋ na təgənə. Tay ərɓizliw meseŋgiɗni, tay əŋzliw sleŋsleŋɗe neti, tay uhẽt dit herɗe nani.

Əŋɗa 24:8 ပူးပေါင်းရင်းမြစ်များ

Gəlyaɗe 2:9

Wakummis də zleŋge na təbza, va mesteɓe na dələv kədekrepti.»

Gəlyaɗe 21:12

An tahəŋ əɗɗumoŋ nawgəɗ suk mbərayən may ətuvur wəna, tay adawɓap əɗɗaŋ ɓa;

Gəlyaɗe 45:5

Askə wəla də gagdak noko, apeŋ aka mota net pilseŋge agay ammba gegesiŋ gəm ulasahã gəm təstəsə. Gbogboŋ nok dərbet suk zəgeɗ nawgeslnegənən ɗəfa:

Gəlyaɗe 45:6

Herɗe nok mətekeɗ meti, watilikin mekret məzuzelɗe na məlyã, ɗiy waskotoŋ ammba təlko.

Əgilye 23:22

An is tat əprəm mani, is tat əɗɗa an nənah pakə, asna wanəzel məzuzelkuni, wanəsaw məzuseɓ net mərmaŋ mama azoko.

Isaya 38:13

Nəɓəsək hã təki dadaŋgə, aŋzletik slesleŋɗe naw pak va ɓoolu. Təŋ səza kapay hã dəfəɗ na wakəgrak də ina.

Yeremiya 50:17

Israyel na, time məzani ɓooliɗ arɓahnənka. Ɗəf dəmpər daabəŋ na, məlĩ na Asiri yi. Sisske na Nabukodonozor məlĩ na Babilon məs dəŋgrofet slesleŋɗe nani.

Yeremiya 50:9

Vi in yakəŋ əsilgin vanday net ɗiyi waniki əwak sən Babilon. Ɗiy vet wazzoŋ sə kəla disiŋ wassahaŋ akani siske na kawgulni yi. Herɗe net tahəŋ va məzəlpaŋ məs mekret dəskaŋ wəla, amndoŋ mekeleŋ ɓa.

Daniyel 6:24

Məlĩ annekik sawɓa, anahək dəgilgənəngən Daniyel səddəv vov net Ɓooliɗi. Səza agilginin Daniyel, awlanənək na zəga tay dərəŋgən ɓa, vi aɗiyək əɗɗum nan aka Maŋgəlva nani.

Əŋɗa 14:9

Vasna, kəɓoŋgoŋ aka Yawe dərəŋ ɓa, kəgeslne'eŋ sit ɗiy naka dəlvəŋ ɓa, baram taka mədaflumti! Məkə net tay ɓa, ya nam yaŋ na Yawe tay də mənamə. Kəgeslne'eŋ sit ɓa!»

Əŋɗa 21:5

Ɗiy təŋ əpeleŋ aka Maŋgəlva gəm aka Moyisi aɓɗaŋ na: «Kam kəkimən sə Eziptə di? Vi məmtəgən a kapta-muyãŋka! Vi zəga nawzəm tay aŋ ɓa, iŋkile ɓa, zəga nawzəm na sahãŋ akiyək mamə!»

Əŋɗa 23:22

Maŋgəlva agilginik sə Eziptə; tay də gbogboŋ na təgənə.

Əŋɗa 23:24

Ɗiy yeŋ məzusulyoŋ va ɓoolu məgolən, dədawziweŋ va ɓoolu mizilin. Awvoŋgoŋ tak dəmpərnən slu net məs armaŋ, may dəsenin mbel net zegeɗ məs abayaŋ ɓa ɓa.»

Matiye 2:15

Asanək adak hã gap Herodə zamə. Vasna vi kaknahan an Daya anah də ma məskəleŋ nani, sə Eziptə nəya wətuwa.

Əmsak aka Mahenziŋ 32:23

Wanəkkelet ərayɗe aketi, wanuhẽt herɗe naw gərak aketi:

Əmsak aka Mahenziŋ 32:42

Herɗe naw wabaŋ dit mbeli, Masalam naw wazəm sluwa, mbel net ɗiy məbeyit dit en net məfərsəneɗi, də kiyit deyeɗe net məzuzelɗe.»

Əmsak aka Mahenziŋ 7:1

Pay Yawe Maŋgəlva nok agapguk aka dələv kədawtoŋ adak kawtafən ka nokəŋka, warɓeh ɗiy naket dəlveŋge temtem diyɗa səboko, mə Hittiɗe, mə Girgasɗe, mə Amorɗe, mə Kana'anɗe, mə Perziɗe, mə Hivviɗe gəm mə Yebusɗe, dəlveŋge buhul məs ɗiy aket diyɗa gəm də gbogboŋ day kiko.

Yosuwa 2:10

Vi məprəmək na, Yawe akkpe'ik iŋkile sə pehe net vəlarɗe səbokum aka pay kəgulyoŋ sə Eziptə, gəm an kəɗɗaŋ sitiŋ milyeŋge net Amorɗe sula, anet may Sihon də Og məs kəzetin dəgar ki Yurden də zəga navet pakəŋki.