Əŋɗa 23:7 - Bible en Guidar

⁷ Yaŋ Balam apel əpel na kəleŋ nan vaŋka: «Balak akiwək sə Aram; səket mossorgoɗe nammba pay nampum məlĩ na Mo'ab ayuwa: “Ade! Agəɗ su mefɗeke aka Yakob! Ade! Ədda suw ma Israyel!”

Əŋɗa 23:7 ပူးပေါင်းရင်းမြစ်များ

Va'Atəŋ 10:22

Kirtin Sem: Elam, Asur, Arpaksat, Lud gəm Weleŋgit-Məlpeŋge.

Va'Atəŋ 28:2

Asili! Dok də təki məpəlayya na Paddan-Aram, ana Betuwel da, dəhuk afət moko. Kəgəmgən səret kirtin gəmsuk Laban taka sədaka.

Va'Atəŋ 28:7

Yakob aprəmək ma afən dət mani, ambatək də təki məpəlayya na Paddan-Aram.

2Samiyel 21:21

Arəmək mama azet mə Israyelɗe, yaŋ Yonatan wətən Simeya məlmən Davit abaya.

2Samiyel 23:9

Sə dərɓagan na, Ele'azar wətən Dodo, wətən ɗəf na Aho'a. Taka naret məzəlpaŋ korsomoyɗe hoku, dəzbanən Davit pay awaksitin mə Filistiɗe dəkkalaŋ adak nawgaya, gala məzəlpaŋ na Israyel mbirit eddereŋgi.

Ɗerewel na Yob 27:1

Yob azbanək əpel nalva yas amna:

Ɗerewel na Yob 29:1

Yob azbanək əpel nani amna:

Gəlyaɗe 49:5

In tat əpak sləmaw ammba wənməkkpaŋga; dawbay gəzləŋtəndəŋ naw na in əboton asənasəna.

Gəlyaɗe 78:2

Wanəkol maw də wənməkkpaŋga, wanəpel asənasəna an lahəŋka.

Wənməkkpaŋga 26:2

Va gogoyõ adabbala, va bəŋgək na pələs tədabbala, vaskəŋ mefɗeke en ɗar armaŋ ɓa.

Ezekiyel 17:2

Wətən ɗəfa, agilgin magawla, apel wənməkkpaŋga sit ɗiy na Israyel.

Mika 2:4

Pay nan dəpas na, kawyay yi gəlya na əhəm də mənokum, kawnəhi na: Agrakka, məmohõmi səkkay, atafənək ərəh net ɗiy nawa mbarmbar atafən səvaw di? Awɗakənək guli nam sit ɗiy məɓoŋti.

Habakuk 2:6

Ya ɗiyis pak anahaŋ na mamba akan may wəsarnən dəsar nassa ɓa sa? Kawnəhĩ na: Wəray aka ɗəf dəkkal zəga məza nani ɓa! Hã pay gbəŋgbar adappan əklak dəmən gagdak akan di?

Əŋɗa 22:11

ɗiy yeŋ dəgulyoŋ sə Eziptə dəknəhən təkiya. Ade ɗa areygit suwa; kuzuŋ wanəɓap kan əska wəlet karɓeheti.»

Əŋɗa 22:17

Vi wanəpsuk gagdak diyɗa, wanəɗɗa an kənah su pakə. Ade kan areygit su ɗiyiŋ ɗa.»

Əŋɗa 23:18

Yaŋ kan Balam apel əpel na kəleŋ nan vaŋka «Asili Balak, aprəma, apak sləmok ammba əpel nawa wətən Sippor!

Əŋɗa 23:6

Ndən həmndak aza Balak, arəh ziwwe a maŋgava əvəl nawzla kurmbuɗuku gəm ɗiy gugriɗ na Mo'ab.

Əŋɗa 24:15

Yaŋ adawpel əpel nalva nani, amna: «Əɗiyma na Balam wətən Be'or, əɗiyma na məwəl heligi,

Əŋɗa 24:21

Siske na, awle mə Kenɗe, yas adawpel əpel nalva nan vaŋka: «Təki nassa nok gboloŋ gboloŋgiyi, va gəla na bəŋga məɗiyən aka milɓe.

Əŋɗa 24:23

Əgrak nan na, apel əpel nalva nan vaŋka: «Aw əraya! Naway nawkõh səba an Maŋgəlva aziwgin di?

Əŋɗa 24:3

yaŋ adawpel əpel nalva nani, amna: Əɗiyma na Balam wətən Be'or, əɗiyma na məwəl heligi,

Matiye 13:33

Yesu apel sitik də wənməkkpaŋga maɓɓan əmpa, amna: Məlĩ na disiŋ agilik va wuɗo, guluk təgəm təslahan ara gəpa marga taka, gəpa pak ahəska.

Matiye 13:35

vi an məskəleŋ anah dəgəɗgəni. Amna: Wanəkol maw əpel wənməkkpaŋgaɗe, wanərbet zəgeɗ en məɗemit farfar, aka ətəŋ na gabba dəlva.

Markus 12:12

Ɗiy gugriɗ net mə Yudeɗ akayaŋgək kuket narmani, asənənka aketi apel wənməkkpaŋgaska. Ya ageslne'eŋgək vi vanday net ɗiyi, ndəɗaŋ mbagənən mbataŋgə.

Əmsak aka Mahenziŋ 23:4

Mə Ammonɗe dit mə Mo'abɗe atoŋgoŋ na addəv əsap net ɗiy na Yawe kpak ɓa; sayit kirtit ma kəlawan zlaŋ atoŋ addəv əsap net ɗiy na Yawe ɓa hã faɗə.

1Samiyel 17:10

Mə Filisti amna: Nərəmək mama azet məzəlpaŋ na Israyel məssẽhit dəpaŋka; məslən su ɗəf sərokum məgaygəni.»

1Samiyel 17:36

Də tive vaski nəbey ɓooliɗ də zəga darawən adawyaŋ Ursə. Ya vaski nədawgəɗ sən mə Filisti, ganyãska, adan aret məzəlpaŋ na Maŋgəlva madaranəŋka.

1Samiyel 17:45

Davit azlan sən mə Filisti na: «Nok də masalam, tulhõ gəm nzem kədazzok akawa; naw də iya na Yawe Məzuɓappak na disiŋ Maŋgəlva net məzəlpaŋ na Israyel, məs kərəm mama azetin nədaddaw azoko.