Əŋɗa 22:36 - Bible en Guidar

³⁶ Adan Balak aprəm na Balam tay əzzani na, Balak tek ələmsən a Ir-Mo'ab, aket meŋge en məɗiyit də Arnon dəsan a metteɓ ma dələv nani.

Əŋɗa 22:36 ပူးပေါင်းရင်းမြစ်များ

Va'Atəŋ 14:17

Məlĩ na Sodom alək dəka walaŋ na Sawe, va wənəh na, walaŋ na məlyã, kalma də Abram damndan sə ma wəgay məs aska wəla Kedarla'omer dit milyeŋge en dəzbanəni.

Va'Atəŋ 18:2

Haran le'egin na, awle ɗiy yeŋ hoku ziwziw a maŋgavani. Anzan sə ma gizlirke nak vi kawləm siti, ndən afuŋ guduku,

Va'Atəŋ 46:29

Yosef atokuk mawta nan ambatək kawləm sən Israyel afən a Gosen, ulan ləŋgə, Yosef allamək awlan slakatə, ndən həmhəmə.

Əgilye 18:7

Moyis agilik kawləm sən dəhən, yas appu'u, allamək a makrani; asɗanənək ziti, atoŋgoŋgək a gizlirke.

Isaya 16:2

Gorɗeŋge na Mo'ab wassoŋ va biŋgeɗ məzuveŋgeŋ səka gəla net ndeleŋ ama təki nakkaɗ ki Arnon.

Yeremiya 48:20

Wili tay ədanən Mo'ab vi geslne armaka, mənɗəsə, məŋgəsl vaŋvəla; məprəman a Arnon na məzani Mo'ab.

Əŋɗa 22:35

Yas maslay na Yawe aɓsən na: «Dok dit ɗiyiski, ya əpel an məs nədawnahsuk kaka' kədawpel hara.» Balam kan mbat dit ɗiy gugriɗ naba Balak.

Əŋɗa 22:37

Balak aɓsən Balam na: «Nəslən ɗiy diyɗa iyuk ɓa sa? Vimi kəde ɓa di? Mbaraka nəgap gala nawgəɗ suk zəga tektek ɓa sa?»

Wəza net Masləŋɗe 28:15

Adak vani, milmiŋgiɗəm məs dəprəmən alabara nam na, azzoŋguk hã Lumo-na-Appiyus gəm a təki Nawzəm-Hoku ələm səmə. Adan Pol awle, agəɗək əsoko sən Maŋgəlva, zən annekke.

Əmsak aka Mahenziŋ 2:24

«Misili, məgəm tive, məggar ki lolohõ na Arnon! Awle, nəpsukuk Sihon məlĩ na Hesbon mə Amori də dələv nani ammba voko. Atəŋ amõh ka noko. Awak sən də wəgaya.

Əmsak aka Mahenziŋ 3:8

Pay dəpas na, məmõhĩk dəlveŋge səvet milyeŋge net mə Amorɗe sula, məs dəssoŋ dəggar ki Yurden təŋ səza lolohõ na Arnon hã gap aza gərəm na Hermon.

Mətawaŋwəna 11:18

Siske na, ndəɗaŋ mbat də kapta-muyã, asuləkaŋ ki Edom gəm dələv na Mo'ab, atoŋgoŋ dəmmba pay nampum na Mo'ab. Yaŋ ateheŋ dəgar ki Arnon, dətoŋgoŋ aka dələv na Mo'ab ɓa, vi Arnon vani meŋge na Mo'ab,

1Samiyel 13:10

Əgrak əɗɗa əvəl nawzla kurmbuɗuku, Samiyel pohu. Sawlu vit ələmsən kasɗani.