Əŋɗa 22:32 - Bible en Guidar

³² Yas kan maslay na Yawe aɓsən na: «Vimi kərgət koruk nok təl hoku di? Kulaka, intə nəde ətak moko, vi in ulan na malaka van na taptapi.

Əŋɗa 22:32 ပူးပေါင်းရင်းမြစ်များ

Gəlyaɗe 145:9

Yawe moggoni azet ɗiy pakə, ulasasãh nan tay aka wəza nan pakə.

Gəlyaɗe 147:9

Tay əpsit əzəm sit zəgeɗ memeyẽɗi, sit kirtit gaŋgrekeɗ an tay əhəmaŋgə.

Gəlyaɗe 36:6

Yawe, hã a disiŋgi moggon noko, ɓəɓəl nok apeŋgik hã aka slaybuwna.

Wənməkkpaŋga 14:2

Mədaw də təstəsi məgeslne' sən Yawe; məs dəmzlah səka tive dədawzeleni.

Wənməkkpaŋga 16:2

Tive na ɗəf pak lewi arani, ya Yawe dədawsla mekret ɗiyi.

Wənməkkpaŋga 28:18

Mədaw də təstəs-gərakə, wakõhu; ya ɗəf an tiveɗ nan slokorslokor na, wazbər aka taka.

Wənməkkpaŋga 28:6

Ɗəɗah məssãhã məzusan təstəs ki ɗəf məsarya məslokorslokor.

Yonas 4:11

Ya naw nədawla sasãh Niniwe, walaŋgəla-metiŋgin, məs ɗiy addəvən day ki gabal səkat də kaklaw sula 120 000, məs dəsənən uɗakan moggon də mbərayən ɓa, gəm zəgeɗ memeyẽɗ diyɗaŋ ɓa sa?»

Mika 6:5

Ɗiy nawa, əŋga məɗɗumoni, kamə! An məs Balak, məlĩ na Mo'ab, aɗɗum naɗɗa, gəm an Balam, wətən Be'or azlan səni. Gəm an dəgəɗ təŋ sə Sitim hã gap a Gilgal. Asna wakəsənnən wəza na təstəs na Yawe.

Əŋɗa 22:20

Maŋgəlva pay aza Balam dəfɗa, aɓsən na: «An ɗiyiŋ iyuk azzoŋ na, asili dok dənɗaŋ. Ya an nədawnah suk kaka' kədaɗɗa hara.»

Əŋɗa 22:22

Ya gədəv Maŋgəlva adək dawlan dawmbata, maslay na Yawe aka tive ziw, vi kawtak man aka tay akat koruk nan əddan dit gewleɗ nan sulaŋka.

Əŋɗa 22:28

Yawe apelgət korku, yaŋ təɓsən Balam na: «Mi nəgəɗ suk nargu təl hoku vaŋ di?»

Əŋɗa 22:33

Nat Koruk na, tuluwəka, təl hoku təmzlah suwa. Va təmzlah su ɓa na, kəta nəbaykuko, nat in kappat zayə.»

Əŋɗa 22:35

Yas maslay na Yawe aɓsən na: «Dok dit ɗiyiski, ya əpel an məs nədawnahsuk kaka' kədawpel hara.» Balam kan mbat dit ɗiy gugriɗ naba Balak.

Wəza net Masləŋɗe 13:10

Aɓsən na: Is məknahuk də əmaka, gəm də vurum, wətən Satan! Məzuzel na təstəs pakə, kəppan na əslokoron tive sarra na Daya ɓa sa?

Əmsak aka Mahenziŋ 23:4

Mə Ammonɗe dit mə Mo'abɗe atoŋgoŋ na addəv əsap net ɗiy na Yawe kpak ɓa; sayit kirtit ma kəlawan zlaŋ atoŋ addəv əsap net ɗiy na Yawe ɓa hã faɗə.

Əmsak aka Mahenziŋ 25:4

Kədawgul taɓak ama wasli mərgə hay ɓa.