Əŋɗa 20:2 - Bible en Guidar

² Iŋkile tahəŋ adak nawsa net ɗiy ɓa, ndəni akkalaŋ ləŋgəs aket may Moyis də Aron.

Əŋɗa 20:2 ပူးပေါင်းရင်းမြစ်များ

Gəlyaɗe 106:32

Adan sənənək gədəv Maŋgəlva a met iŋkile na Meriba, ndəni dəkkpaŋ əray aza Moyis aka wən neti,

Əgilye 16:12

«Nəprəmək əhəm net mə Israyelɗe. Anah sit na: Pay priŋpriŋ na, wakəzəmaŋ sluwa; də mompumo, wakəbaŋ peŋ, wakəsənwən na, intə Yawe, Maŋgəlva nokum.»

Əgilye 16:2

A kapta-muyã na, wəsap net mə Israyelɗe pak aɓuhuk man aket may Moyis də Aron.

Əgilye 16:7

Də mopumo na, wakulanən gagdak na Yawe, vi Yawe aprəmkumuk əhəm dəndəni. Ya nam na miy mənan kəɓuhungən mokum akam di?»

Əŋɗa 14:2

Mə Israyelɗe beymet aɓoŋgoŋguk aket may Moyis də Aron; sap net ɗiy ŋgbaŋtaŋ aɓsitin na: «Haya! Ɗəɗah va məmtək aka dələv na Eziptə! Awaniɓa va məmtək a kapta-muyã daydayə!

Əŋɗa 14:9

Vasna, kəɓoŋgoŋ aka Yawe dərəŋ ɓa, kəgeslne'eŋ sit ɗiy naka dəlvəŋ ɓa, baram taka mədaflumti! Məkə net tay ɓa, ya nam yaŋ na Yawe tay də mənamə. Kəgeslne'eŋ sit ɓa!»

Əŋɗa 16:19

Kore akkalanək vanday nan bayman a meŋgeveti, a metive na gizlirke nalma də Maŋgəlva. Yas kan gagdak na Yawe arbə a mahara sap net ɗiy beymeti

Əŋɗa 16:3

Akkalaŋgək aket may Moyis gəm Aron, aɓsitin na: «Mək vas də mənokum! Ɗiy naddəv əsap beymet salalaŋgə, Yawe tay aweleŋti; də tive awani kədawɗinən zukum day ki əkkal na Yawe di?»

Əŋɗa 21:5

Ɗiy təŋ əpeleŋ aka Maŋgəlva gəm aka Moyisi aɓɗaŋ na: «Kam kəkimən sə Eziptə di? Vi məmtəgən a kapta-muyãŋka! Vi zəga nawzəm tay aŋ ɓa, iŋkile ɓa, zəga nawzəm na sahãŋ akiyək mamə!»