Əŋɗa 20:14 - Bible en Guidar

¹⁴ Sə kades iyi Moyis aslən maslənɗe aza məlĩ na Edom kawnah sən na: «Əpel na məlmuk Israyel yaŋka: kəsinik tatwãhɗe məs mələm dənɗaŋ pakə.

Əŋɗa 20:14 ပူးပေါင်းရင်းမြစ်များ

Va'Atəŋ 25:23

Yawe aɓsət na: «Ɗiy na dələv sulaŋ addəvko, gabbet ɗiy temtem sula dədawɗakaŋ səddəvko. Taka wasan gboŋgboŋ dayki mbərən, daya wagəɗ wəza aba an sawã.»

Va'Atəŋ 25:25

Məs digil daabəŋ na, zən liwliwi pakə, də deɓeke silipsilip va lukut na deɓeke: alvanən na, Esaw.

Va'Atəŋ 25:26

Sissiŋ məlmən agili, van kawwã aza motokpotokpo təl Esaw: məlvan na, Yakob. Gala muwet na, Isak tay də wəzva kaklaw sləre.

Va'Atəŋ 32:29

Amna: «Kawyukiy əmpa na Yakob ɓa, Israyeli kana, vi kəzləbək də Maŋgəlva gəm ɗiy, kəskək wəla.»

Əgilye 18:8

Moyis abotonək zəga an Yawe agəɗ sən Farawən gəm sən Eziptə aka batam Israyel sən dəhni, tatwãhɗe an arahaŋ aka tive, Yawe akõhgiti.

Amos 1:11

An Yawe apel yaŋka: «Aka əɓoŋ an ɗiy na Edom aɓoŋgoŋ təl hoku gəm aka əɓoŋ poɗo, nəppan na wən an nəziwgin ɓa, vi arɓahanək məlmən də masalam appanək ulasahã nani arbanək ədagədəv nan məza agrak ɓa. Asanək dit herɗe nan məza meŋge ɓa.

Malakiya 1:2

Yawe amna, nəŋglukumko, ya mənokum wənahaŋ na: «mbarmbar kəŋgluwəm di?» Esaw məlmən Yakob yi ɓa sa? Yawe aɗiyman na, Yakob nəŋgələ

Əŋɗa 13:26

Azzoŋ ərih may Moyisi, Aron gəm sap net ɗiy na Israyelɗe a kapta-muyã na Paran, a Kades. Aboton sitin malaka neti gəm sən sap net ɗiy na Israyel baymani, arban sitin uwa net wəleŋɗe naka dələv vani.

Əŋɗa 20:15

Efiŋgiɗəm apirkeŋgək a Eziptə, məsamək adak wəzveɗe diyɗa, ya mə Eziptiɗ azəmgəmənək sahã, mənam dit efiŋgiɗmə.

Əŋɗa 20:22

Addoŋguk sə Kades, sap net mə Israyelɗe beymet agapaŋgək aba mossorgo na Hor.

Əmsak aka Mahenziŋ 23:7

Kədazga sləma aka ərah əzaɓ net gəm ərəh əssa nek net ɓa, hã faɗə.

Yosuwa 2:10

Vi məprəmək na, Yawe akkpe'ik iŋkile sə pehe net vəlarɗe səbokum aka pay kəgulyoŋ sə Eziptə, gəm an kəɗɗaŋ sitiŋ milyeŋge net Amorɗe sula, anet may Sihon də Og məs kəzetin dəgar ki Yurden də zəga navet pakəŋki.

Yosuwa 2:9

Təɓsit na: «Nəsənək na, Yawe apsukumək dəlvəŋka, geslne nokum arməmək sawɓa, ɗiy naka dəlvəŋ pak tahəŋ əkker abokum.

Yosuwa 9:10

may an agəɗ sit milyeŋge sula net mə Amorɗe, məs dəssoŋ dəgar ki Yurden, anet may Sihon məlĩ na Hesbon, gəm Og məlĩ na Basan, məs dəsan də gəla a Astarot.

Yosuwa 9:9

Aɓsənən na: «Mənam gawleɗ nok hã səka dələv faraɗa diyɗa məde, aka wən na iya na Yawe Maŋgəlva noko. Vi məprəmək an agəɗ a Eziptə