Əŋɗa 19:20 - Bible en Guidar

²⁰ Ya an ɗəf dəslslər də heslepe dəbbur heslepe səzan ɓa, zev ɗəf as kawgilgini yi sə weleŋgit ɗiy na Israyel, vi warnokon gəla na Yawe; Adan məksu' səni iŋkile naskoɓ mambray ɓaŋ na, məs heslepe yi.

Əŋɗa 19:20 ပူးပေါင်းရင်းမြစ်များ

Va'Atəŋ 17:14

məs dəskəlawra ɓa hara na, kawgilginiy səret ɗiy nani. Vi aŋzluwək wənmiyna nawa.»

Əgilye 30:33

Ɗəf dəgəɗ tursan va ndəni, dəppay sən ɗəf ɗarə, asna kawgilgini yi səret ɗiy nani.

Məsdəlveŋge 15:31

Kənah sitingin mə Israyelɗe dətaɗəngən ki zit də əssa a maŋgava an tahəŋ də heslepe azeti; asna amtaŋ na vi heslepe nazet ɓa, va wənah na vi akkpaŋganən gəla naw naweleŋgit də heslepe.»

Məsdəlveŋge 17:16

An dəskoɓ lukutɗe nan ɓa, dəslslay aret iŋkile ɓa, asna wən na mambray nan akani yi.

Məsdəlveŋge 22:4

Ɗəf səddəv uwa na Aron, məskokolo arəmə awaniɓa məvivi na, adawzəm əvəl salala tak məbburni ɓaɓa; vaski yi'e də ɗəf məs dərəŋgən ɗəf məs dəne' aza kigəbaya, may ɗəf an dəzoŋgolə,

Əŋɗa 15:30

«Ya ɗəf an məgəɗ zəga nzeɗi, dəsan wətdəlva awaniɓa molhõyõ, ɗəf vanəs əra adawran Yawe; ɗəf nan nawgilgini səret ɗiy nani.

Əŋɗa 19:13

Ɗəf awandi pak məs dərəngən ɗəf məmtən, ana kigəbay ɗəf titir məs dəmtə kakaŋkakaŋka, yaŋ dəbbur heslepe səzan ɓa na, warnokon təki nassa na Yawe: ɗəfəs kawgilgini yi sə Israyel. Adan məksu' səni iŋkile nabbur heslepe ɓa na, məs heslepe yi, heslepe nan wasan azan slippe.

Əŋɗa 9:13

Ya kan na, pay ɗəf an məs heslepe tay azan ɓa ya a malakay ɓa, dəzgə sləma aka əɗɗa wəzləra na Pak ɓa na, ɗəfəs nawgilgini səret ɗiy nani; vi dəka əvəl nan sən Yawe aka pay məs məɗiyən ɓa, ɗəfəs wardə də tatwãh na mambray nani.

Markus 16:16

Ɗəf məs dətafa, məgəɗ sən baptem wakõhu. Ɗəf məs dətaf ɓa kawtawi wən akani.

2Piyer 3:14

Vi vaski bayneŋgiɗwa, dawga payəska, məsok zukum kəssoŋgən salala, məza də heslepe azokum ɓa aba Maŋgəlva, məssoŋ zay dəndəni.

Hənhən 22:11

Ɗəf an mambray pak dəsban wəɗɗa mambray nani, ɗəf an dəsan də zəga daryaw, dəsban wəsan də zəga daryaw, ɗəf an məgəɗ moggoni, dəsban wəɗɗa moggoni, ɗəf an təstəssə, dəsban wəɗɗa təstəssə.