Əŋɗa 19:13 - Bible en Guidar

¹³ Ɗəf awandi pak məs dərəngən ɗəf məmtən, ana kigəbay ɗəf titir məs dəmtə kakaŋkakaŋka, yaŋ dəbbur heslepe səzan ɓa na, warnokon təki nassa na Yawe: ɗəfəs kawgilgini yi sə Israyel. Adan məksu' səni iŋkile nabbur heslepe ɓa na, məs heslepe yi, heslepe nan wasan azan slippe.

Əŋɗa 19:13 ပူးပေါင်းရင်းမြစ်များ

Əgilye 30:33

Ɗəf dəgəɗ tursan va ndəni, dəppay sən ɗəf ɗarə, asna kawgilgini yi səret ɗiy nani.

Wənməkkpaŋga 14:32

Mambray na məsdaraw wazlba, ya ɗəf an təstəs addəv əmta nan zlaŋ tay də təki nawɗama.

Ezekiyel 44:26

An abburuk zəni, kaŋɗan səni lumu taka.

Məsdəlveŋge 15:31

Kənah sitingin mə Israyelɗe dətaɗəngən ki zit də əssa a maŋgava an tahəŋ də heslepe azeti; asna amtaŋ na vi heslepe nazet ɓa, va wənah na vi akkpaŋganən gəla naw naweleŋgit də heslepe.»

Məsdəlveŋge 20:3

Naw na, wanəkkpaŋ aka ɗəfəska, wanəgilgin səret ɗiy nani adan agəm səret kirtin apsən sən Molek vi kawraygən gəla salala nawa may karnokon iya salala nawa.

Məsdəlveŋge 22:3

Anah sit na: Va sayit kirtukum adawsani, ɗəf səddəv uwa nokum məs heslepe azan dəzar aza əvəl an salala məs mə Israyelɗe apsənən Yawe, ɗəf nan kawgilgini səbawa. Intə Yawe.

Məsdəlveŋge 22:4

Ɗəf səddəv uwa na Aron, məskokolo arəmə awaniɓa məvivi na, adawzəm əvəl salala tak məbburni ɓaɓa; vaski yi'e də ɗəf məs dərəŋgən ɗəf məs dəne' aza kigəbaya, may ɗəf an dəzoŋgolə,

Məsdəlveŋge 5:17

An ɗəf agəɗək mambray məza wa' ɓa, agəɗək taka səra əpel na ənziya an Yawe atakə, araygənəka, waslan mambray nan akani,

Məsdəlveŋge 5:3

Zəga an mbərən narba: məza də əsən akan ɓa ɗəf arəŋgənək ɗəf məs də haramba, ya an məprəman səni na, nan van wakkpaŋ məs mambraya;

Məsdəlveŋge 5:6

asna dəkigən hãw muguluŋgun taka sən Yawe vi mambray an agəɗə, time awaniɓa hãwã, va matuya vi mambraya; asna məsdələv dəzbangən mahenziŋ navvuyon mambray akani.

Məsdəlveŋge 7:20

Ya ɗef an salalay ɓa, an azəmək slu na əzaɓ-Maŋgəlva nawsler də Yawe, asna nan kawgilgini səret ɗiy nani;

Məsdəlveŋge 7:21

An ɗəf arəŋgənək zəga də heslepe awan di pakə, ɗəf məs heslepe azani, zəga mamayã məs salalay ɓa awaniɓa zəga mamayã məs mətak ma ɗəf pak gəm məs salalay ɓa yas ampər slu məzaɓ-Maŋgəlva nawrəh zazay məpsən sən Yawe, kawgilgini ɗəf nan səret ɗiy nani.»

Əŋɗa 15:30

«Ya ɗəf an məgəɗ zəga nzeɗi, dəsan wətdəlva awaniɓa molhõyõ, ɗəf vanəs əra adawran Yawe; ɗəf nan nawgilgini səret ɗiy nani.

Əŋɗa 19:14

Mahenziŋ yaŋka: pay ɗəf amtə addəv gizlirke, ɗəf an dəsan a gizlirke də ɗəf an dətoŋ a gizlirke pak məs heslepeŋgə addəv pay buhulu.

Əŋɗa 19:18

Ɗəf məs dəbbur dəŋgohgən kiva wəlaŋga adawyaŋ na isop, dəyopgən eret iŋkile naddəv mesteɓe naka, dəksu'gin aka gizlirke məs ɗəf amtə addəvən vani, dit zəgeɗ naddəvən pakə, may ɗiy en dəssoŋ adak pakə, may ɗəf an dəne' ezet sleŋsleŋɗe na ɗəf titire, aza gəbay məbayən, aza kigəbay ɗəfa, awaniɓa aza magamasə.

Əŋɗa 19:19

Ɗəf an salala dəksu'igin iŋkile aka ɗəf məs heslepe də pay mohoko'ən gəm mabuhuloni; aka pay mabuhulon na, wara əbbur sən mambray nan səzani. Asna ɗəf məksu' sən iŋkile dəskoɓgən lukutɗe nan kana, dəslslaygən eret iŋkile, də moskoy nan na wasan salala.

Əŋɗa 19:20

Ya an ɗəf dəslslər də heslepe dəbbur heslepe səzan ɓa, zev ɗəf as kawgilgini yi sə weleŋgit ɗiy na Israyel, vi warnokon gəla na Yawe; Adan məksu' səni iŋkile naskoɓ mambray ɓaŋ na, məs heslepe yi.

Əŋɗa 19:9

Ɗəf an məza heslepe azan ɓa, dəndagən moŋglo na wasli muguluŋgun naka, dəlgən əɗiyən a təki salala a ma poho na dibirgidik. Moŋglo van wasan sit ɗiy na Israyel zaɓ ammbet iŋkile naskoɓ heslepe. As matuya navvuyon mambrayi.

Əŋɗa 8:7

Vaŋ kədawgəɗ sit naslsleyti: akso' iŋkile naskoɓ mambray aketi; dəkkratən gəba zit təh də slambər, dəskoɓin lukutɗe neti, asna wabburongu.

Əŋɗa 9:13

Ya kan na, pay ɗəf an məs heslepe tay azan ɓa ya a malakay ɓa, dəzgə sləma aka əɗɗa wəzləra na Pak ɓa na, ɗəfəs nawgilgini səret ɗiy nani; vi dəka əvəl nan sən Yawe aka pay məs məɗiyən ɓa, ɗəfəs wardə də tatwãh na mambray nani.

Yohanna 8:24

Vini nənah sukum na: Wakəmtaŋ addəv mambray nokum. Ya an kətafnən na Intə Iyna ɓa wakəmtaŋ addəv mambray nokum.

Ibriɗe 10:29

Tatwãh metiŋgin awani əmpa aza əɗɗum nokum, məza arəh na ɗəf dəndappan Wətən Maŋgəlva, dərnoket mbel na wənmiyna məs arah ubbur dənɗaŋgə, gəm dəran Əmpəs na mbəlembəle ɓa di?

Ibriɗe 9:10

Aziweŋgik aka wən na zəga nawzəma də zəga na əsa gəm əɗɗa ubburɗe temtemi, es əsərək net ɗiyi dəzəmən təki hã gap aza pay na wənmiyna meleketeni.

Hənhən 21:8

Ya ɗiy mədekti, məɓoŋti, məɗɗaŋ zəga an na henziŋ, mãy məbayaŋ ɗiyi, məkuhwaŋ a gizbe, məɗɗaŋ sekene, məzbetin zəgeɗkamaŋgəlva, məwaŋ tepelke pakə, net təki net na, ndəni pehe məs offo adawzla adak va muhurən, ndəni kan əmta an ma sula'ən.

Hənhən 22:11

Ɗəf an mambray pak dəsban wəɗɗa mambray nani, ɗəf an dəsan də zəga daryaw, dəsban wəsan də zəga daryaw, ɗəf an məgəɗ moggoni, dəsban wəɗɗa moggoni, ɗəf an təstəssə, dəsban wəɗɗa təstəssə.

Hənhən 22:15

Ya məɗɗaŋ ɗarɗarə, dit məɗɗaŋ sekene na tuya, dit məɗɗaŋ mana'a, dit məbayaŋ gəbaya, dit məzugagdeketin zəgeɗkamaŋgəlva, dit məŋglaŋ tepelke dit məwaŋ tepelke, vavyak azeti wassoŋ amapoho na walaŋgəla nani.