Əŋɗa 18:7 - Bible en Guidar

⁷ Isi dit kirtuko, kəɗɗanəngən wəza na məsdələv dəwəl sən təki nawzaɓ-Maŋgəlva bayman gəm an na dərɓaga gabaga məherin; kəŋgohgənəngən wəza nokumə, Nəpsukumək wəza na məsdəlva, aski wəza məs nədapsukum. Ɗəf məs dəsən gabban ɓa dədder azan na, kəbayəngəni.»

Əŋɗa 18:7 ပူးပေါင်းရင်းမြစ်များ

Gəlyaɗe 115:10

Gəla na Aron, məppan zukum aka Yawe. Ndəni məzəbbah nokum, baray nokum!

Əgilye 28:1

Agim may məlmuk Aron, gəm kirtini, sə weleŋgit mə Israyelɗe, dəɗɗaŋ suwəngən wəza na məsdəlva, Aron, Nadab, Abihu, Ele'azar gəm Itamar, kirtin Aron.

Əgilye 29:9

kiynan sitgən dedeket də maslapa, Aron dit kirtini, kəɗup sitgən kulpup na məsdələv aketi, wəza na matuya aveti yi, va mahenziŋ anahə akkpaŋ na ɓa. Vas Aron dit kirtin adawgəmnən wəza.

Ezekiyel 44:15

Məsdəlveŋge mə leviɗe, kirtin Sadok, məs dəɗɗanən wəza naddəv gəla naw gala mə Israyelɗe azaŋ səzawa, ndəɗaŋ dədawzaraŋ azaw kawgəɗ su wəza. Waziweŋ abaw kawvay səlhã dit mbeli. Daya Yawe aɗiymani.

Ezekiyel 44:16

Ndəɗaŋ nawtoŋgoŋ addəv gəla nawa; ndəɗaŋ nawzaraŋ ama tabəl naw kawgəɗ su wəza, ndəɗaŋ nazlga sləma aka wəza nawa.

Ezekiyel 44:8

Kəzgaŋ sləma aket zəgeɗ en salala ɓa, kəɗinin ka məgaɗe nawga addəv gəla naw a gəlokum.

Məsdəlveŋge 16:2

Yawe anah sənək Moyisi: Anah sən Aron məlmuk na adawtoŋ addəv gəla na Maŋgəlva balsən məzlzlara aba ma akoti ɗarɗar ɓa, vasna, an nəgilik aka ma akoti addivit enene, amtə na ɓa.

Məsdəlveŋge 7:35

Aski haran na Aron gəm haran net kirtin səddəv əvəl nawzla kurmbuɗuk sən Yawe, təŋ səza mərbet vi kaɗɗa wəza na məsdələv aba Yawe,

Əŋɗa 1:51

Pay kədawzargənən təki nassa, mə Leviɗe dədawpəlanəni; pay kədampanən təki nassa, mə leviɗe dədampanəni. An ɗəf ɗar azzarək aza təki nassa vani, kəbaynəngən zamə.

Əŋɗa 18:20

Yawe aɓsən Aron na: «Kərah na zəga nawzəmgəla azani may hara dələv nok a weleŋgit aka dələv net van ɓa. Intə nassaw hara dələv noko də zəga nok nawzəmgəla azan a weleŋgit kirtin Israyel.»

Əŋɗa 18:3

Dəssoŋgən aka wəza aboko, gəm ammba wəza na gizlirke baymani, məza ədder hara azet zəgeɗ na gəla na Maŋgəlva may təki nawzaɓ-Maŋgəlva ɓa, vi ɗəf səmmbeti awaniɓa səmmbokum adawka zən ama əmta ɓa.

Əŋɗa 3:10

Kəɗiyəgən Aron dit kirtin aka wəza neti, vi dəɗɗanəngən wəza na məsdəlva; ɗəf ɗar an dədder aza wəza van na, kawbayni zamə.

Əŋɗa 3:38

May Moyis gəm Aron dit kirtin assoŋguk aba gizlirke nalma də Maŋgəlva, dəmmba pay nampum. Məpsiti wəza naddəv gəla salala a gəlet mə Israyelɗe. An ɗəf aɗɗumək əɗɗa wəza van dəka tay məsdələv ɓa na, ɗəf vanəs nawbayi.

Matiye 10:8

Məmbəlgit məs gbəgbaɗe, məsilgit ɗiy məmtiti, məbbur məskokoleɗi, mərɓih tuyeŋɗe. Mekeleŋ kərəhəni, məpsit mekeleŋ tamə.

Yohanna 3:27

Yohanna azlanəka, amna: Zəga tay ɗəf adawrəh təttaka dayday an sə disiŋ məpsən ɓa ɓa.

Efesus 3:8

Su in məs nadəmmbet ɗiy en salala pak məvay mbəlembəle əŋ narban arya na Kristu məs akkpe' ɓa.

Əmsak aka Mahenziŋ 18:2

Dələv net mə levi tay awaleŋgit milmiŋgiɗit ɓa: Yawe yi haran neti, va apel siti.

Ibriɗe 5:4

Ɗəf dədawgəm gagdak na daya net məsdəlveŋge sən kiyən ɓa. Maŋgəlva dədawya ɗəf akan va aya Aron. Maŋgəlva dədawyani, va aya Aron.

Yosuwa 18:7

Məsən na, hara dələv net mə Leviɗe asan na awalaŋkum ɓa, vi hara dələv net na, ndəni wəza na məsdəlva na Yawe. Dəwəl sit may Gad, Ruben gəm wəɗak na mahəlfa na Manase na, arəhaŋgək hara dələv net məs Moyis gawla na Yawe apsit dəmmba pay nampum, dəgar ki Yurden.»

1Piyer 5:2

Mətaɗ ngaɓa na Maŋgəlva məs apəl sukum, də əzga sləma akani məza addəv gagay ɓa də əŋgla na mokrokum va Maŋgəlva aŋgələ; məza də mamayã narəh deleɗ ɓa, ya də əppan sən kizukum.

1Piyer 5:3

Kədawzəmaŋ məlĩ aket ɗiy en məppet avokuməŋ ɓa, məssoŋ ka ɗiy məs ngaɓa adawgəm ədaw neti.

1Samiyel 2:28

Səddəvit mahəlfaɗe na Israyel pak anan nəwel dəsangən məsdələv nawa, naddan a matuya, kawzla tursan, nawgul lukut na məsdələv abawa. Əvəl məhhətən an ɗiy na Israyel adawvayaŋ pak nəpsənək gəla na afuko.