Əŋɗa 18:21 - Bible en Guidar

²¹ «Net kirtin levi yaŋka: ka zəga net nawzəmgəla azan na, in tat əpsit makəlaw net zəgeɗ beymet məs məɗi a Israyel a gəla wəza məs adaɗɗaŋ a gizlirke nalma də Maŋgəlva.

Əŋɗa 18:21 ပူးပေါင်းရင်းမြစ်များ

Va'Atəŋ 14:20

Soko sən Maŋgəlva Məsəɗəɗə məs dipsuk məzuzelɗe nok ammba voko!» Abram apsənək makəlaw na zəga məs arah pakə.

Va'Atəŋ 47:24

Zəga na mabardaw an kədakkalanənən, kəgəmaŋgən məsle'en sən Farawən, haran poɗo dədappaŋ na, dəsan sukumgən ka zeŋve net gulyeŋɗe gəm nawzəmgən kikum dit ɗiy neŋgil anokum da gəm kirtukum.»

Va'Atəŋ 47:26

Yosef aɗiyək wənəs ka zəga məziwgin hã dəpaŋka, wətaf məsle'en na guli aka dələv na Eziptə sən Farawən. Adəbər ki guli net məsdəlveŋge yi kaka na Farawəni ɓa.

2Alabaraɗe Də Mabərkiziti 31:12

Akinən əvəla, makəlaw net zəgeɗi gəm zəgeɗ muwel sən Maŋgəlva məza vurum aran ɓa. Konaniya mə levi məpsən wən net zəgeɗ vet avani, Simey məlmən dəsan masula'ən.

Nehemi 10:29

Madambərgit ɗiyi, məsdəlveŋge, mə leviɗe, məgaŋ maddamba, məyaŋ gəlya, məɗɗaŋ wəzeɗe meɗmeɗ naddəv gəla na Maŋgəlva, gəm ɗiy-ɗar məs dəgohoŋ səzet ɗiy naka dələv net vi kazban mahenziŋ na Maŋgəlva, may gil neti, kirtit mezeŋgleket dit muguluŋgiti gəm en naprəmaŋ gabba wən pakə.

Nehemi 10:37

Gəm tiziɗe na uwa namə gəm na arya namə, va məverin addəv mahenziŋ: uwa na bəlata gəm na zagara kawkiyən addəv gəla na Maŋgəlva nam sit məsdəlveŋge məɗɗaŋ wəza addəv gəla na Maŋgəlva namə.

Nehemi 10:38

Gəm gəpa nam an moggoni, may əvəl nam an də uwa na wəlaŋga awandi pakə, mbazla na meketepe gəm melẽ; məkagən a maha na Gəla na Maŋgəlva nam sit məsdəlveŋge. Gəm əmpa makəlaw na zəga na guli nam sit mə leviɗe. Ndəɗaŋ mə leviɗe vetis dədawgəmnən makəlaw na zəga van sə walaŋgəleɗe gugriɗ məs mədaɗɗa wəza addivit pakə.

Nehemi 12:44

Pay dəpas na, məɗiyi zel nawga gəleɗe məs məzi zəgeɗ addəvit va: əvəl an məgəm na zəga an dəsɓaŋ daabəŋ pakə, may makəlawan na zəga na mabardaw. Adaki ɗiyis adakkalanən hara zəga na mabardaw məs mahenziŋ aŋgəɗ napsit məsdəlveŋge dit mə leviɗe. Zəgeɗ vetis en mərəh səddəvit gulyeŋge məs dəterwəslnin walaŋgəleɗe gugriɗiŋgə. Ɗiy na Yuda beymet annekeŋgək də wəza net məsdəlveŋge dit mə leviɗe,

Nehemi 12:47

Aka pay na Zorobabel də an na Nehemi pak na, aza wəsɓəta mə Israyelɗe adapsitin hara zəga nawrəh net məyaŋ gəlya dit məgaŋ maddamba pakə. Gəm sit mə leviɗe zlaŋ, apsitin əvəl an məɗɗa ammbeti, mə leviɗe vet tam əpsit haran net məsdəlveŋge en zev Aron.

Nehemi 13:12

Mə Yudeɗ kan atəŋgən əki makəlawan na haykəmari, mbazla na meketepe gəm mẽl addivit gəleɗe nawzaɓ zəgeɗi.

Nehemi 13:5

yaŋ appansən gədəv gəla taka metiŋgin məs adakkalan zəga lahəŋ addəvən va: əvəl də zəga na mabardaw, tursan, may hiŋgiɗ naɗɗa wəza addəv gəla na Maŋgəlva, makəlawan na haykəmari, mbazla na meketepe, gəm mẽlẽ, məs məɗiywən nan napsit mə leviɗe, may sit məyaŋ gəlya dit məgaŋ metiveɗi gəm an məsdəlveŋge adawgəmaŋgə.

Malakiya 2:4

Wakəsənən na wən nəɗiyəŋ na sukumi vi wənmiyna naw də Levi dəsangən gəsiŋ, Yawe Məzuɓappak anahə.

Malakiya 3:10

Məki makəlaw zəga nokum pak addəv gəla nawzaɓa. Zəga nawzəm dəsangən addəv gəla nawa. Əŋga məslu kan aka wənəska, Yawe Məzuɓappak anahə, kulanəŋgən an kpak nəkol ma disiŋ vikum də wəɗɗa zazay akokum diyɗa ɓa.

Əŋɗa 18:6

Is tat ulani, in sən kiyu nədawgəm milmiŋgiɗkum mə leviɗe səret mə Israyelɗe, nədawvəl sukum dənɗaŋ: mipsini sən Yawe vi kaɗɗa wəzeɗe na gizlirke nalma də Maŋgəlva.

Əŋɗa 3:6

Anah sən mahəlfa na Levi dəzar aŋka, appet ammba va məsdələv Aron. Mə leviɗe dəbbahaŋ sənəngəni.

Əŋɗa 31:28

Kəgəmgən nzalaka səvet ɗiy en dəddoŋ ama wəlpa sən Yawe: də əgəm ɗəf titir taka səddəv səkat sle'i, vaska'e net zəgeɗ memeyẽɗi, va wasliɗe, korɗe, timeŋgiɗi, gəlewi.

Galatiyen 6:6

Ɗəf məzuyak zəga duɗakan zəga moggon nan pak də ɗəf məzərban səni.

Əmsak aka Mahenziŋ 18:8

An adawrəh nawzəmgən kiyən wasan dakadaka də an neti, mbəksa an adawrəh səka əvəl na arya net efiŋgiɗni.

Ibriɗe 7:5

Ya net kirtin Levi məs dəssoŋ məsdəlveŋge, mahenziŋ apsitik tive dəgəməngən makəlaw na zəga səvet ɗiyi, va wənəh na səvet milmiŋgiɗti, də assoŋ zev Abraham zlaŋgə.