Əŋɗa 18:20 - Bible en Guidar

²⁰ Yawe aɓsən Aron na: «Kərah na zəga nawzəmgəla azani may hara dələv nok a weleŋgit aka dələv net van ɓa. Intə nassaw hara dələv noko də zəga nok nawzəmgəla azan a weleŋgit kirtin Israyel.»

Əŋɗa 18:20 ပူးပေါင်းရင်းမြစ်များ

Va'Atəŋ 15:1

Dərɓaga wənəska, Yawe apel sənək Abram addəv ula. Amna: «Kəgeslne' ɓa Abram, intə baray noko, wərəh ammba an kəgəɗ wasan diyɗa ndoɗoɗ-ndoɗoɗu.»

Gəlyaɗe 142:5

Azi horok dəka dəzəŋ awle: ɗəf tay dəsənu əmpa ɓa! Təki nawɗam naw tay ɓa, ɗəf tay dədaɗɗum aka zeŋgilew ɓa!

Gəlyaɗe 16:5

Yawe, istə haran nawa, huloŋguk nawa, an naɗɗa akaw avoki yi.

Gəlyaɗe 73:26

Zu də makraw pak ayaŋka; Maŋgəlva yi milɓe na makrawa, gəm haran naw hã faɗə.

Əɓuhma 3:24

Naw nəmna Yawe yi hara ərəh nawa, vini nədawgan səvani.

Ezekiyel 44:28

Warahaŋ haran neti, haran net na intə; kədapsitin təki nawray vet a Israyel ɓa: intə zəga nawray veti.

Əŋɗa 18:7

Isi dit kirtuko, kəɗɗanəngən wəza na məsdələv dəwəl sən təki nawzaɓ-Maŋgəlva bayman gəm an na dərɓaga gabaga məherin; kəŋgohgənəngən wəza nokumə, Nəpsukumək wəza na məsdəlva, aski wəza məs nədapsukum. Ɗəf məs dəsən gabban ɓa dədder azan na, kəbayəngəni.»

Əŋɗa 26:62

Gərak net mə leviɗe agəɗək 23 000 an məŋɗeti mə leviɗe mezeŋgleket beymet, təŋ səza təla taka. Vaski, net məverti sap dit mə Israyelɗe ɓa, vi mipsiti hara dələv net a weleŋgit mə Israyelɗe ɓa.

Əmsak aka Mahenziŋ 10:9

Vini zev Levi dərah dələv haran nan də nawray van va net milmiŋgiɗin ɓa; haran nan na, Yawe yi, va Yawe Maŋgəlva nok anah səni.

Əmsak aka Mahenziŋ 12:12

Wakənnekenən zukum aba Yawe Maŋgəlva nokum, munokum, kirtukum mezeŋgleket dit muguluŋgiti, belemɗe nokum mezeŋgleket dit muguluŋgiti, gəm mə levi naddəvit walaŋgəleɗe gugriɗ nokum, vi haran nan tay ɓa, dələv nan tay də munokum ɓa.

Əmsak aka Mahenziŋ 14:27

Kədazgət ki mə leviɗe na walaŋgəla-metiŋ nok ɓa, vi hara dələv net tay də mənokum ɓa.

Əmsak aka Mahenziŋ 14:29

Mə levi dədegini, vi nan tay də hara dələv nan də is ɓa, may molhõyõ, mitiwe, gagəbaya, na walaŋgəla-metiŋ noko, dəzəmaŋgən kpe'i, vi Yawe Maŋgəlva nok dəɗɗagən əzaɓ akok addəv an kədaɗɗa pakə.

Yosuwa 13:14

Mahəlfa na Levi yi kaka' məs dərah hara dələv nan ɓa. Haran net addəv əvəl nawzla kurmbuɗuk sən Yawe Maŋgəlva na Israyeli yi, va anah siti.

Yosuwa 13:33

Ya sən mahəlfa na Levi na, Moyis dipsit hara dələv net ɓa; Yawe Maŋgəlva na Israyel, ndəni hara dələv net va anah sit wən nani.

Yosuwa 14:3

Vi hara dələv net mahəlfaɗe sula gəm wəɗak na mahəlfa na, Moyis apsitik dəgar ki Yurden, ya net mə leviɗe na, dəpsit hara dələv net a weleŋgit ɗiy ɓa.

Yosuwa 18:7

Məsən na, hara dələv net mə Leviɗe asan na awalaŋkum ɓa, vi hara dələv net na, ndəni wəza na məsdəlva na Yawe. Dəwəl sit may Gad, Ruben gəm wəɗak na mahəlfa na Manase na, arəhaŋgək hara dələv net məs Moyis gawla na Yawe apsit dəmmba pay nampum, dəgar ki Yurden.»

Hənhən 21:3

Nəprəmək wəla ɗəf əzzan səka mazaŋga na məlĩ nak dayadaya adawnəh na: Təki nassa na Maŋgəlva aweleŋgit ɗiy yi! Wasan dənɗaŋgə, wassoŋ ka ɗiy nani, Maŋgəlva wasan Maŋgəlva dəsan dənɗaŋgə.