Əŋɗa 18:19 - Bible en Guidar

¹⁹ Əvəl an haran na Yawe məs kirtin Israyel aɗiyaŋ səret əvəlɗe na matuya pak nəpsukuko, suk dit kirtuk mezeŋgleketi gəm muguluŋgiti. Mahenziŋ nan dəsangən faɗə. Aski wənmiyna an wã'ə, hã faɗ a mahara Yawe viko gəm viyit kirtuk naddəvko.»

Əŋɗa 18:19 ပူးပေါင်းရင်းမြစ်များ

2Milyeŋge 12:16

Ɗəf tay məzəɗɗum nassohõn wən net koɓeɗis a met məgaŋ wəzaŋ ɓa, vi tay əɗɗanən wəza net təstəsə.

2Alabaraɗe Də Mabərkiziti 13:5

Gala nawsənən kənanən na, Yawe Maŋgəlva na Israyel sən Davit apsən məlĩ aka Isayel faɗ ɓa sa? Sən anani gəm sit kirtin aziwgin Wənmiyna də bətuwa!

2Alabaraɗe Də Mabərkiziti 31:4

Yaŋ anah sit ɗiy na Yerusalem dəpsitingən zəga nawrəh net məsdəlveŋge dit mə leviɗe, vi dərəhaŋgən əppan kiyzit gərak sən mahenziŋ na Yawe.

Əgilye 29:27

Kəwel sugən makran məzokon nak gəm mettile ndargayã məɗi Aron dit kirtin aka wəza nak də mahenziŋ.

Ezekiyel 43:24

Kəkigin aba Yawe; məsdəlveŋge dəppikkeŋgən bətu aketi, dəzleningin kurmbuɗuk sən Yawe.

Məsdəlveŋge 2:13

Aka əvəl an kədawki pakə, kəgəɗgən bətuwa; kədasgətan ɗah bətu na wənmiyna na Maŋgəlva nok aka əvəl nok ɓa; əvəl nok kədawki pak na dəsan sap də bətuwa.

Məsdəlveŋge 21:22

Waɓap əzəm zəga nawzəm na Maŋgəlva nani, an salala diyɗa gəm an salala.

Məsdəlveŋge 7:14

dəvəlgən taka səza əvəl məkiyən sən Yawe pakə, sən məsdələv məs dəksu' mbel nawzaɓ-Maŋgəlva nawsler adawsani.

Əŋɗa 18:11

An yaŋkəŋki nok əmpa: an məgəm səza əvəl məs kirtin Israyel, akiyaŋ pakə, səka an məs arban suwən pakə; nəpsukuko, gəm sit kirtuk mezeŋgleket dit muguluŋgiti, mahenziŋ nan addəɗ na ɓa. Ɗiy neŋgil anokda beymet en məza heslepe azet ɓa wazəmaŋgə.

Əŋɗa 18:8

Yawe aɓsən Aron na: «awla, in nədap suk wəza nawga zəgeɗ na matuya en məvəl su dənɗaŋ, en məs mə Israyelɗe aɗiyaŋ pakə. Nipsukuko gəm sit kirtuko, mahenziŋ nan addəɗ na ɓa.

Əŋɗa 31:29

Aski kədawgəmaŋ səza wəɗak an haran neti, kəpsənəngən məsdələv Ele'azar ka nzalaka sən Yawe.

Əŋɗa 31:41

Yaŋ Moyis agəm nzalaka an məgəm sən Yawe, apsən məsdələv Ele'azar va Yawe aɗi sən wən nani.

Əmsak aka Mahenziŋ 12:26

Zəgeɗ en kədawki a təki an Yawe awel na, ndəɗaŋgə en kədawɗi ammba Daya gəm əvəl an mok aynə kaka'ə.

Əmsak aka Mahenziŋ 12:6

Adaki kədawkiynən əvəl nawzla kurmbuɗuk nokum, əzaɓ-Maŋgəlva nawzi mbeli, makəlaw net zəgeɗ nokumu, əvəl an kiynanən mokum, an də mokrokum paparə, may əvəl an vi zə ɗəf anneki, uwa net bəleteɗe, zagareɗ dit ɓaɓlameɗ nokum.