Əŋɗa 17:5 - Bible en Guidar

⁵ Zəga naɗɗumon an dətoŋgi sit kirtin Israyel, vi ɗəf an dəsən gabban ɓa, va ənəh na, ɗəf məs zev Aron iyi ɓa na, adadder kawzla tursan sən Yawe ɓa: As vi adaɗɗa akan va na Kore də vanday nan ɓa yi, an dəgəɗ akan məs Yawe anah sən dafsən də ma Moyis naka.

Əŋɗa 17:5 ပူးပေါင်းရင်းမြစ်များ

2Alabaraɗe Də Mabərkiziti 26:16

Sən gbogboŋ nan naka, yaŋ makran akkpaŋ məzuguzlo hã mbo' əzani, aggbak ma Yawe Maŋgəlva nani, ndəni atoŋ addəv gəla na Yawe vi kawzla tursan a təki nawzla tursan vani.

Ezra 2:62

Ɗiyis akayanənək ɗerewel na mazlalwã neti, yaŋ dərəhnən ɓa; ndəni məɗiyit ka məs arambeɗeŋ, məgilgit səka wəza na məsdəlva.

Gəlyaɗe 105:26

Aslənək gawla nan Moyisi, gəm Aron məs aweli.

Əgilye 16:7

Də mopumo na, wakulanən gagdak na Yawe, vi Yawe aprəmkumuk əhəm dəndəni. Ya nam na miy mənan kəɓuhungən mokum akam di?»

Isaya 11:1

Gbugburzlo Yesse wandəfə, meggeɗe na slalwayən wawə.

Isaya 13:11

Wanəzga' sən ənziya egge aka mambray nani, aka mambray net məsdarawɗe. Wanəziwgin əɓaygən kiya net məzuzelenən ɗəfa wanəmtan ənnek net məsdarawɗe.

Isaya 27:6

Abe na, ɗiy na Yakob wanzaganən slalwayti, Israyel wandəfə, waffuyu, kirtin wassoŋ aka dələv təslə.

Isaya 5:24

Vi vaski, va adawzlaŋ tərɗa akoffo awaniɓa kevile, vaski ərəh neti wazlaŋ addəv offo, gebbet waŋgənə, uffuyõ net wammbat til va burɗuku, vi azeleninik mahenziŋ na Yawe Məzuɓappak gəm azeleninik əpel na Maŋgəlva Salala na Israyel.

Ezekiyel 16:41

wazlenin gəleɗe nok də offo, watawnənwən akok a maheret gil ŋgboŋgu; wanətakuk də əku a gizbe; may kipsit na wəya net gəreŋgiɗuk əmpa ɓa.

Ezekiyel 23:27

Vasna, wanəbayma wərbet wil nok də polkoyo nok səka dələv na Eziptə əŋka; kəslan na horok aket əmpa ɓa, kəɗɗumon na Eziptə ɗah əmpa ɓa.

Hose'a 14:5

Wanənzeɗ səka əskot neti, wanəŋgliw də makraw taka: ədagədəv naw azarək səketi,

Əŋɗa 1:51

Pay kədawzargənən təki nassa, mə Leviɗe dədawpəlanəni; pay kədampanən təki nassa, mə leviɗe dədampanəni. An ɗəf ɗar azzarək aza təki nassa vani, kəbaynəngən zamə.

Əŋɗa 11:1

Təl taka na, ɗiy atəŋgənək əɓuh meti, zə Yawe dənnek daprəmən ɓa. Gədəv Yawe adək diyɗa daprimti. Offo na Yawe asəɗək aweleŋti, azəmək metteɓ ma dibirgidiki.

Əŋɗa 16:11

Vi aski kan isi də vanday nok pak, kədawslerin mokum aka Yawe! Ya Aron tam nan miyi kan ka kəɓoŋgoŋgən akan di?»

Əŋɗa 16:5

Yaŋ aɓsən Kore də dula nan na: «Pummo də mompumo na, Yawe warban na, naway nan di, naway məza heslepe azan ɓa di, gəm naway məwelin nadder azan di; ɗəf an məwelin na, wataf dəddergən azani.

Əŋɗa 17:10

«Məgil səddəv vanday net ɗiyiski, wanəzet gəgaŋkəŋka!» Ndəɗaŋ zəbər hã mirbizit afuŋ

Əŋɗa 17:6

Vit pummo na, sap net mə Israyelɗe beymet təŋgaŋ wərwər aket may Moyis də Aron: «Kəbeyinik ɗiy na Yawe!»

Əŋɗa 17:8

Moyis də Aron mbataŋ ama gizlirke nalma də Maŋgəlva.

1Korintus 10:10

Kədaɗɗaŋ wərwər va net ɗiy meɓɓet səret aɗɗaŋ wərwər ɓa, məzet ɗiy azetike.

Yosuwa 4:7

Kənahaŋ sitingən na: Guzlo na məlpa na Yurden dərslə səba akoti na wənmiyna na Yawe, gala akoti van aggar ki Yurden! Vini kan girmeŋges assoŋ ka zəga naɗɗumon akan sit mə Israyelɗe hã faɗə.»