Əŋɗa 17:3 - Bible en Guidar

³ Mazaŋzaŋɗe net ɗiy en dəfaɗən mambray net də ənziya egge netiŋ na, nawkepetiŋgə dəkkpaŋgaŋgən koŋgroŋgo nawɗup aka təki nawzaɓ-Maŋgəlva, vi mərbeti yi aba Yawe, salalaŋgə. Wassoŋ ka naɗɗumon wən azet kirtin Israyel.»

Əŋɗa 17:3 ပူးပေါင်းရင်းမြစ်များ

Əgilye 6:16

Aŋki iya net kirtin Levi va zeŋvit asani: Gerson, Kehat, gəm Merari. Wəzva na Levi agəɗək səkat də kaklaw hoku kiyən buhulu.

Əgilye 6:20

Amram akaytək Yokebed, mamndayan ka guluk nani; tuwe sənək may Aron də Moyis. Wəzva na Amram agəɗək səkat də kaklaw hoku kiyən buhulu.

Yeremiya 42:20

Ha'aw! Hara ɗəf kədawtipeŋgi, vi kəslənwənək aza Yawe Maŋgəlva nokum dawnəh na: Akkaman Yawe Maŋgəlva nam ammbamə, ya va Yawe Maŋgəlva nam anah pakə, anah səmə waməɗɗa vaska.

Ezekiyel 37:16

«Isi, wətən ɗəfa, agəm wəlaŋga sloprokko taka, aver akan na: Na Yuda gəm net mə Israyelɗe məs dəsapaŋ dəndəni. Agəm wəlaŋga sloprokko maɓɓan taka, aver akan na: Na Yosef vas na Efrayim gəm mə Israyelɗe dəwənnet pak dəsapaŋ dəndəni.

Əŋɗa 17:2

«Anah sən məsdələv Ele'azar, wətən Aron, dəkkelet mazaŋzaŋɗe səra offo, vi na matuyaŋgə, gəm dətrayan offo faraɗa.

Əŋɗa 17:4

Məsdələv Ele'azar hãs ənde mazaŋzaŋɗe na təbəz pepreŋ məs ɗiy məzlet arbaŋ neki, yaŋ məkepit kaɗɗet ka nawɗup aka təki nawzaɓ-Maŋgəlva.

Əŋɗa 18:1

Yawe aɓsən Aron na: «Istə dit kirtuk, gəm milmiŋgiɗuk kədawzlanən aka wən net heslepeɗe məs məɗɗa dəwəlsən gəla na Maŋgəlva, istə dit kirtuk kədawzlanən aka wən net heslepeɗe məs məɗɗa dadawgən wəza nokum na məsdəlva.

Əŋɗa 18:7

Isi dit kirtuko, kəɗɗanəngən wəza na məsdələv dəwəl sən təki nawzaɓ-Maŋgəlva bayman gəm an na dərɓaga gabaga məherin; kəŋgohgənəngən wəza nokumə, Nəpsukumək wəza na məsdəlva, aski wəza məs nədapsukum. Ɗəf məs dəsən gabban ɓa dədder azan na, kəbayəngəni.»

Əŋɗa 26:10

Dəlvafuŋ man hã', asɗik sap də Kore. Daski ɗiy na vanday na Kore vet amtaŋ pakə, offo apuh zel səkat sula də kaklaw sle'i; akkpaŋgaŋgək va ɗiy narba wən dənɗaŋ.