Əŋɗa 15:3 - Bible en Guidar

³ an kawvəlaŋ sənən Yawe də zəga nawzəm an məzlan dəzle va əvəl nawzla kurmbuɗuku awaniɓa əzaɓ-Maŋgəlva naknahan əswaya, awaniɓa əvəl an dəsil sə makra ɗəfa may ammbet wəzləreɗi, ammba əzaɓ-Maŋgəlva vaska, vi məŋgənən dəffetengən makra Yawe na, kəweleŋgən zəga mamayã metiŋgini awaniɓa muzliya.

Əŋɗa 15:3 ပူးပေါင်းရင်းမြစ်များ

Va'Atəŋ 8:21

Yawe affokuk məŋgənən hõyu, Yawe anah a makran na: «Nəzban na əraygən dəlvafuŋ ɗah aka batam ɗəf titir əmpa ɓa. Nəsənək na, əɗɗum na makra ɗəf titir pak, aka mbərayni far səka sawãni, səni yi nəzan na ɗah zəga madaran va nəgəɗəŋ əmpa ɓa.

Ezra 7:17

Vasna, kəslagən zuk wəlbəh dit koɓeɗiŋ, medgeɗgeɗe dit ndargenyeɗi, kirit timeŋgiɗi, an dəslə nawvəl də uwa net wəleŋɗe, zəga nawsa neti; kəɗigən aka gəlamatuya naddəv Gəla na Maŋgəlva nokum a Yerusalem.

Gəlyaɗe 54:6

Maŋgəlva yaŋ əzzan əbbah suwa. Daya tay aweleŋgit ɗiy məkaŋ wən ammbawa.

Əgilye 29:18

Kəzlagən ndargayã van dəwənnan aka təki nawzaɓ Maŋgəlva. Ndəni əvəl nawzla kurmbuɗuk sən Yawe, məŋgənən dəffeten səngən makrani, nan way məhhətən sən Yawe yi.

Əgilye 29:25

Kətefgin səveti, kəzlagən aka matuya aka əvəl nawzla kurmbuɗuku, vi məŋgənən dəffeten səngən makra Yawe, ndəni way məhhətən sən Yawe.

Əgilye 29:41

Wət time mizilin masulani, kəfotgən də pay piriŋpiriŋgi kapsən sap də əvəl an də zəga na mabardaw də mompumo, mbazla nawpesl nan ammbani, kəɗɗaŋgən anan ka zəga məs məŋgənən nek naffeten makrani, way məhhətən sən Yawe yi.

Məsdəlveŋge 10:13

A matuya yi kədawzəməni, vi haran nassan ka nok dit kirtuk səddəv peŋ məhhətən sən Yawe yi. Vas məɗi su wən nani.

Məsdəlveŋge 27:2

Apel sit mə Israyelɗe; anah sit na: An ɗəf tawfaɗ əsway an asway napsən ɗəf sən Yawe na, dəziw aka va adawbiten ɗəfa,

Məsdəlveŋge 7:16

«An ammba an aynə naɗɗa yi awaniɓa əvəl də makra yi, əzaɓ-Maŋgəlva na əvəl nan dəpas dəpas adawzəmən; vit pumo nani, kawzəmni an dəpələ;

Əŋɗa 28:27

Kədaŋgən əvəl nawzla kurmbuɗuk məs məŋgənən nenek sən Yawe dit medgeɗgeɗe sula, ndargayã taka, gəm ndergeyẽɗ na wezva takataka buhulu.

Əŋɗa 29:8

Kəpsənəngən əvəl nawzla kurmbuɗuk məs məŋgənən nek sən Yawe də medgeɗge taka, ndargayã taka, ndergeyẽɗ na wəzva takataka buhul, kərmaŋgən zəgeɗ memeyẽɗ məza heslepe azet ɓa.

Əŋɗa 6:15

peŋ kəkgəl məza wuɗo ɓa mədan də gəpa kukuɗo, gəpa məpəpla məllaɓən də mẽlẽ gəm paŋkasu məza wuɗo ɓa də mẽl azani, sap də əvəla may zəga məŋgla nawpesl afuŋ.

Matiye 3:17

Yaŋ əpel ade sə disiŋ amna: Aŋki wətu an nəŋgələ, in tat ənneken zu dəndən sawɓa.

2Korintus 2:15

Vi mənamtə tursan moggon na Kristu sən Maŋgəlva a walaŋgit ɗiy en dədawkõhoŋgu gəm a walaŋgit en dədawzaŋgə.

2Korintus 2:16

Azet ɗiy meɓɓeti, məŋgən əmta yi vi dəmtaŋgəni, azet ɗiy meɓɓeti, məŋgən zeŋgile yi vi dəssoŋgən medereti. Naway nawɓap əɗɗa zəgas di?

Efesus 5:2

Mədaw addəv əŋgla va Kristu aŋglumə appan ki zən sən Maŋgəlva ammbam ka əvəla gəm ka zəga mətaw wəlani, va tursan məs məŋgənən neki.

Əmsak aka Mahenziŋ 12:11

A təki məs Yawe Maŋgəlva nokum awel nawɗi iya nani, adak kədawkiynən an nəɗi sukum wən nanəŋ pakə: Əvəl nawzla kurmbuɗuku, əzaɓ-Maŋgəlva nawzi mbeli, makəlawet zəgeɗ nawrəh nokum pakə, əvəl nokum də mokrokum paparə də zəga an kəweleŋ naɗɗa əvəl də wiynan mokum sən Yawe pakə.

Əmsak aka Mahenziŋ 12:17

A təki kəsok də gəla pak na, kəɓap na kawzəm makəlaw na haykəmari nok ɓa, na mbazla nok ɓa, mẽl nok ɓa, uwa na bəlata, na zagara, na ɓaɓlama may əvəl an vi zə ɗəf anneki, an məkkalan də makra papar gəm an naknahan iynama.

Əmsak aka Mahenziŋ 12:6

Adaki kədawkiynən əvəl nawzla kurmbuɗuk nokum, əzaɓ-Maŋgəlva nawzi mbeli, makəlaw net zəgeɗ nokumu, əvəl an kiynanən mokum, an də mokrokum paparə, may əvəl an vi zə ɗəf anneki, uwa net bəleteɗe, zagareɗ dit ɓaɓlameɗ nokum.

Filipi 4:18

In tat də an wərayu asan azan pakə, addəv əba nani, tay məs dəkkpap su səza Epafroditus aki su an səvokum ɓa, tay va əvəl məs də məŋgənən neki. Əzaɓ-Maŋgəlva məs Maŋgəlva atafi, neki azani.