Əŋɗa 14:9 - Bible en Guidar

⁹ Vasna, kəɓoŋgoŋ aka Yawe dərəŋ ɓa, kəgeslne'eŋ sit ɗiy naka dəlvəŋ ɓa, baram taka mədaflumti! Məkə net tay ɓa, ya nam yaŋ na Yawe tay də mənamə. Kəgeslne'eŋ sit ɓa!»

Əŋɗa 14:9 ပူးပေါင်းရင်းမြစ်များ

Va'Atəŋ 48:21

Israyel aɓsən Yosef na: «Yaŋ na, naw wanəmtə, Maŋgəlva wasan də mənokum, wamndogokum aka dələv net afiŋgiɗkum.

2Alabaraɗe Də Mabərkiziti 13:12

Maŋgəlva yaŋ abam dit məsdəlveŋge nani dit mohõŋɗe nadda a ma əgay vi koffet nadawgay də mənokum. Anokum mə Israyelɗe, kədawgayaŋ də Yawe Maŋgəlva net efiŋgiɗkum ɓa, vi kəɓapənən na ɓa.»

2Alabaraɗe Də Mabərkiziti 15:2

Ambat ərəh Asa, anah sən na: «Məlĩ Asa, də mənokum ɗiy na Yuda gəm ɗiy na Benyamin, məprəmwã! Pay pak Yawe tay dəndəkum, an mənokum tat dəndən. An kəkayanənka, asna, wappan zən kərəhnəngəni; an kəppanənka, nan pak wappokum tamə.

2Alabaraɗe Də Mabərkiziti 20:17

Wən nokum tay də əlpaŋ ɓa, məkay təkiya, məziw mula əkõh na Yawe məs adawkõhgukum. Yuda də Yerusalem, kəgeslne'eŋ ɓa, kəkkereŋ ɓa. Pummo na, məgil abeti, Yawe wasan də mənokum.»

2Alabaraɗe Də Mabərkiziti 32:8

An dəsan dəndən na gbogboŋ na ɗəf titiri yi, ya dəndəm na, Yawe Maŋgəlva nam narma vamə gəm nawgay addəv wəlpa nam temtemi.» Əpel Hizkiya məlĩ na Yuda apel temteməs asɓetik ɗiyi.

Nehemi 4:14

A təki kəssoŋ pak, an kəprəmən gozloro na, məde məkkalan zukum azam adaka. Maŋgəlva wagay vimə!»

Gəlyaɗe 106:24

Azelenənək dələv na sləma, dətafnən əpel nan ɓa,

Gəlyaɗe 121:5

Yawe yi məzuga noko, Yawe yi zeŋgile noko. Tay aka va dəzəŋ noko.

Gəlyaɗe 14:4

Məɗɗaŋ mbəraynəŋ pak dəsənən ɓa sa? Məzuzimnin ɗiy naw va adawzəmaŋ waya, akkamanən Yawe ɓa!

Gəlyaɗe 46:11

«Məziwgən əgaya, məsən na, intə Maŋgəlva. Məday kiyu tay aket dəlveŋge na guw ɓa, məday kiyu tay aka dəlvafuŋ ɓa.»

Gəlyaɗe 46:7

Dəlveŋge na guw aɓoŋgoŋko, kiyva net milyeŋge temtem akkereŋke, Maŋgəlva ahãyka, dəlvafuŋ awwerke.

Gəlyaɗe 46:8

Yawe Məzuɓappak tay də mənamə, təki nawɗam namə, ndəni Maŋgəlva na Yakob. Əziwe

Gəlyaɗe 74:14

Kəkrapək ki heŋzle, kipsən ŋgaɓa net wawayɗe ka nampəra.

Gəlyaɗe 91:1

Ɗəf dəsan a təki an Məsəɗəɗə aɗamə, wavoŋ ara zeŋgile na Maŋgəlva Məzuɓappak.

Əgilye 14:13

Moyis aɓsit ɗiy na: «Kəgeslne'eŋ ɓa! Məmpa təlkum! Mula əkõh va Yawe adaɗɗa vikum dəpaŋka. Vi mə Eziptiɗ kulaŋ dəpaŋka, kulenin na ɗah əmpa ɓa.

Əgilye 33:16

Ya kawsənən aza miy na kəɗɗak moggon nok viwa in dit ɗiy nok di? Pay kədaddok də mənami gəm mədawsam temme səzet ɗiy naka dəlvafuŋ pak ɓa sa?»

Isaya 1:2

Disiŋ, aprəma! Dəlvafuŋ, apak sləmoko, ha'aw Yawe dəpeli: Nəɓaygitik kirni akkpaŋgaŋgək ɗiy gugriɗe yas net aɓoŋgoŋ akawa.

Isaya 32:2

Nawaydi pak səret wasan, va təki nawɗam sən barkataŋ va zlava aba buwən maŋgalaw, va iŋkile mədawaŋ aka təki məklakani va zəŋgile milɓe gagdak aka dələv məs pay adazla sla'sla'.

Isaya 41:10

Kəgeslne ɓa, vi in tat də isi. Kədassok horok kilili ɓa, vi intə Maŋgəlva noko, nəsɓokuko, ha'aw, nədek kabbah suko, wanəpa'uk də va dəzəŋ na təstəs nawa.

Isaya 41:14

Kəgeslne ɓa is Yakob tentiwilge, Israyel, dəsan kakaŋ zəga məmtəni naw nədek əbbah suko Yawe aɗiymani, məs dədawkõhguk na Salala na Israyeli yi.

Isaya 63:10

Yas net assoŋ məɓoŋti, adan sənən gədəv əmpəs nan salala. Akkpaŋgək məzuzel neti, akkpaŋgək əgay dənɗaŋgə.

Yeremiya 1:19

Wagayaŋ də isi, ya askanən na wəlok ɓa, vi in tat də is kawkõhguko Yawe aɗiymani.

Yeremiya 42:11

Kəgeslne'eŋ sən Məlĩ na Babilon ɓa. Kəgeslne'eŋ aban ɓa Yawe aɗiymani, vi in tat də mənokum kawkõhgukum gəm kamõhkum səvani.

Yeremiya 48:45

Məzənzoŋ waziweŋ ara zeŋgile na Hesbon məyeti. Ya offo wagil sə Hesbon, hərzləm offo səna məlĩ na Sihon da, wazla tapaslay Mo'ab gəm bəbərkiyit məŋglaŋ əgaya.

Daniyel 9:5

Məgəɗək mambray, məgəɗək an dəslə ɓa. Məs mambray gəm məɓoŋgəm mənani, məzban an kəziwgin gəm tivenanziya nok ɓa.

Daniyel 9:9

Ulasahã gəm əvvuyon mambray na, na Daya Maŋgəlva na miyi, də məsam məɓoŋgəm akok zlaŋgə.

Əŋɗa 13:30

Yaŋ Kaleb aɓətgit ɗiy məzuzelenin wəza na Moyisi, amna: «Əpeŋ mədawpeŋge! Waməmõhõ; sesel waməska wəlani.»

Əŋɗa 17:6

Vit pummo na, sap net mə Israyelɗe beymet təŋgaŋ wərwər aket may Moyis də Aron: «Kəbeyinik ɗiy na Yawe!»

Əŋɗa 20:2

Iŋkile tahəŋ adak nawsa net ɗiy ɓa, ndəni akkalaŋ ləŋgəs aket may Moyis də Aron.

Əŋɗa 24:8

Maŋgəlva agilginək sə Eziptə; tay də gbogboŋ na təgənə. Tay ərɓizliw meseŋgiɗni, tay əŋzliw sleŋsleŋɗe neti, tay uhẽt dit herɗe nani.

Matiye 1:23

Waŋ ŋgbuɓɓo watəɗi daway watəwə wiyna, kalvani na Emanuwel, va wənah na: Maŋgəlva tay də mənamə.

Roma 8:31

Mbar mədawnəh kan aka wənəs di? An Maŋgəlva tay də mənam na, naway nalpa də mənam di?

Əmsak aka Mahenziŋ 1:21

Awle: Yawe Maŋgəlva nok apsukuk dələv avoko. Doko, agəm ka nok va Yawe Maŋgəlva net afiŋgiɗuk apeli. Kədawgeslne' ɓa, kədamtan zuk ɓa.»

Əmsak aka Mahenziŋ 1:26

Yaŋ kəŋgəmaŋ əpeŋ adak ɓa; kəɓoŋgoŋ aka Yawe Maŋgəlva nokum, kəzbanən an aɗi ɓa.

Əmsak aka Mahenziŋ 1:29

Nənah sukum na: «Kədakkereŋ ɓa, kəgeslne'eŋ viyit ɓa!

Əmsak aka Mahenziŋ 31:6

Məssoŋ tokproku, mərma mokrokum, kəgeslne'eŋ ɓa, kədakkereŋ sən geslne abet ɓa, vi Yawe Maŋgəlva nokum məzudaw də mənokum: appokum na firik ɓa, azgokum na ɓa.»

Əmsak aka Mahenziŋ 31:8

Yawe yi dədadaw aboko, Yawe ndəni də isi, appok na firik ɓa, azgokna ɓa; kəgeslne' ɓa, kədawsok zuk baybay ɓa.»

Əmsak aka Mahenziŋ 32:42

Herɗe naw wabaŋ dit mbeli, Masalam naw wazəm sluwa, mbel net ɗiy məbeyit dit en net məfərsəneɗi, də kiyit deyeɗe net məzuzelɗe.»

Əmsak aka Mahenziŋ 7:18

Kəgeslne' sit ɓa! Kəɗɗumongən məs Yawe Maŋgəlva nok agəɗ sən Farawən, dit mə Eziptə beymeti:

Əmsak aka Mahenziŋ 7:21

Kədakker abet ɓa, vi Yawe Maŋgəlva nok tay də isi, Maŋgəlva metiŋgin nawgeslne' səni.

Əmsak aka Mahenziŋ 9:7

Aɗɗumoni, kədazgət na kədan sənək gədəv Yawe Maŋgəlva nok a kapta-muyã ɓa! Təŋ səza pay kəgil sə Eziptə gap əzza nokum a təkiyəŋka, məɓoŋkum kənanən aka Yawe.

Filipi 1:27

Ənziya nokum dəslə də Alabara Nenek na Kristu kaka'ə, vi an nədek ulukum, kəta in tat ɓa zlaŋ na, nəprəmgən alabara nokum na, munokum tat təstəsə, maɗɗulokum taka, megenegenekum taka, mənokum tat əgayaŋ sap də ətaf dəziw aka Alabara Neneke.

Yosuwa 1:5

Ɗəf tay nawziw abok ɓa hã ma way nok gərakə. Va nəsaw də Moyisi, wanəsaw də isi; nəzgok na ɓa, nəppok na frik ɓa.

Yosuwa 14:12

Gəgaŋ na, apsu kiyit mossorgoɗe məs Yawe apel wən nan daskəŋka, vi kəprəmək pay dəpas na, mə Anakɗe tahəŋ adak dit walaŋgəleɗe gugriɗ mətərwəsl kiyti. Kuzuŋ Yawe wasan də in nəmõhgən ka naw va Yawe anahə.»

Mətawaŋwəna 1:22

Gəla na Yosef, net tam apeŋgeŋgik a Betel, Yawe asanək dənɗaŋ.