Əŋɗa 13:28 - Bible en Guidar

²⁸ Vas hara na, ɗiy dəssoŋ adak də gəla gboŋgboŋgəŋ, walaŋgəleɗe tahəŋ dit gəleɗe gboloŋgboloŋgu, məwələk zev Anak adak kpakə.

Əŋɗa 13:28 ပူးပေါင်းရင်းမြစ်များ

2Samiyel 21:16

Yisbi na Nob, zev Harafa, tay də tulhõ nan na təbəz pepreŋge, gagdak nan wagəɗ day ki kilo hoku, aynanək masalam meleketen agzeni. Amna kawbay Davit.

Əŋɗa 13:33

Məwələk dogomɗe adaka, kirtin Anak mahəlfa net dogomɗe; mənam ula zəm na va heyɗeŋɗe, net van kpak vas adawləmən ezeti.»

Əmsak aka Mahenziŋ 1:28

Aŋga mədawpeŋ di? Milmiŋgiɗim azlahgənənək makram dawnəh na: “Ɗiy vet diyɗaŋgə, məɓeyit day kiymə, walaŋgəleɗe net gugriɗeŋgə, zlava naket tay hã disiŋ; əmpa na, muwələk mə Anakɗe adaka'e!”»

Əmsak aka Mahenziŋ 2:21

Ɗiy gembereɗiŋ, kuɗiskuɗis, məɓeyit va mə Anakɗe, Yawe azetik səbet mə Ammonɗe; amõhənək dələv neti, yaŋ assoŋ a gəleti.

Əmsak aka Mahenziŋ 3:5

Es pak, walaŋgəleɗe gugriɗ məher kiyit də zlava məɓayən hã disiŋ dit maddambaɗe net yom sula də zəga nawsleketti, mbəksa walaŋgəleɗe diyɗa məza məŋɗet ɓa.

Yosuwa 11:22

Mə Anakɗe tahəŋ dəmbraŋ aka dələv net mə Israyelɗe ɓa. A Gaza, a Gat gəm a Asdod kaka' ambraŋgə.

Yosuwa 14:12

Gəgaŋ na, apsu kiyit mossorgoɗe məs Yawe apel wən nan daskəŋka, vi kəprəmək pay dəpas na, mə Anakɗe tahəŋ adak dit walaŋgəleɗe gugriɗ mətərwəsl kiyti. Kuzuŋ Yawe wasan də in nəmõhgən ka naw va Yawe anahə.»

Yosuwa 15:14

Kaleb arɓehetik kirtin Anak hoku sədaka, anet may Sesay, Ahiman gəm Talmay zev Anak.

Mətawaŋwəna 1:20

Apsənənək Hebron sən Kaleb va Moyis aɗi wən nani, yaŋ Kaleb arɓehet mə Anakɗe tem tem hoku sədaka.