Əŋɗa 13:27 - Bible en Guidar

²⁷ Aŋɗan sənən wənəŋ sən Moyisi, aɓɗaŋ na: «Mələk aka dələv məs kəslənməŋka, dələv van moŋvo də emelemele akan lokloki yi; uwa net wəleŋɗe nadak yaŋka!

Əŋɗa 13:27 ပူးပေါင်းရင်းမြစ်များ

Nehemi 9:25

Aziminik walaŋgəleɗe gugriɗe mərka kiyti də dələv an moggoni; amõhinik gəleɗe məknəhit də zəga nawrəha may vovɗe net iŋkile, may megezlembirkeɗi, heremeɗi, may wəleŋɗe ɗiyɗa nawzəma; Azəmaŋka, abaŋka, akəraŋka, assoŋguk addəv ənnek diyɗa vi moggon nok ɗiyɗa naka.

Əgilye 13:5

Ya, pay Yawe adawkuk kəlaka dələv net mə Kana'anɗe, net Hittiɗe, net Amorɗe, net Hivviɗe gəm net Yebusɗe, məs asway sit afiŋgiɗkum napsuko, dələv məs moŋvo də amama adawdawaŋ akan lokloku. Wəzaŋka, aka təlaŋki kədaɗɗani:

Əgilye 3:17

nənahək na: wanəgilgukum səka wəzəmsahã na Eziptə, Kawkukum kəlaka dələv na Kana'an, na Hitti, na Amori, na Perzi, na Hivvi, gəm na Yebusi, aka dələv məs moŋvo də amama adawdawaŋ akan lokloku.

Əgilye 3:8

Nəprik na, vi kawkõhgit səvet mə Eziptiɗi, kawgilgit səka dəlvəŋ, kawket aka dələv moggon fədiy fədiyə, aka dələv məs moŋvo də amama adawdawaŋ akan lokloku, kəlaka təki net mə Kana'anɗe, na Hitti, na Amori, na Perzi, na Hivvi, gəm na Yebusi.

Əgilye 33:3

Dok aka dələv məs moŋvo də amama adawdawaŋ akan lokloku. Nəmbat na a walaŋkum ɓa, vi ɗiy kiɓəɓəl kənanəni, wanəzokum aka tive ɗarə.»

Yeremiya 11:5

Vi nəknahangən əsway məs nəsway sit efiŋgiɗkum napsit dələv məs moŋvo də amama adawdaw akan loklok va asan nokum dəpaŋkəŋka.”» Yaŋ nəzlani, nəmna: «Dəsan vaska Yawe.»

Yeremiya 32:22

Yas kəpsit dəlvəŋ məs kəsway sit efiŋgiɗit napsiti, dələv məs moŋvo də amama adawdawaŋ akan lokloku.

Ezekiyel 20:15

Intə əmpa nəslan vawa, nəsway sit a kapta-muyã na: Nətoŋgit na aka dələv məs nəpsit ɓa, dələv məzimu amama də moŋvoŋ məs moggon daykiyit dəlveŋge pak naka.

Ezekiyel 20:6

Pay dəpas na, nəslanək vawa, nəsway sit nawgilgit səka dələv na Eziptə, kəlaka dələv an nəkay siti, məzimu moŋvo də amama, dələv moggon daykiyit dəlveŋge pakə.

Məsdəlveŋge 20:24

Nənah sukumək na: Dələv net ambra vokumiyi, Intə nədapsukum ka nokum, Dələv məs moŋvo də amama asan addəvən diyɗa! Intə Yawe Maŋgəlva nokum, məs duwelkum səret ɗiyi.

Əŋɗa 14:7

Aɓsənən sap net mə Israyelɗe beymet na: «Dəlvəŋ məs məl əsəŋgləkanəŋ, dələv nan lelewaɓɓa.

Əŋɗa 14:8

An Yawe atafək na, wakəm aka dələv vani, wapsəmə, dəlvəŋ məs moŋvo gəm emelemele akan loklokəŋka.

Əŋɗa 16:13

Mək suki kəgilgəm səka dələv məs moŋvo də emelemele akan loklok vi kawbayəm a kapta-muyãŋ ɓa sa? Mbaraka mok aka əzəm məlĩ akam əmpa sa?

Əŋɗa 16:14

Vaski ɓa, gesiŋ kəkəm aka dələv məs moŋvo də emelemele akan loklok ɓa! Guli kəpsəm ɓa, megezlembirkeɗ ɓa! Is ule ɗiy vetis na va dərweŋge sa? Məmbat na ɓa!»

Əmsak aka Mahenziŋ 11:9

vi kənziyaŋgən aka dələv məs Yawe asway napsit efiŋgiɗkum gəm sit kirtiti, dələv məs moŋvo də amama adawdawaŋ akan lokloku.

Əmsak aka Mahenziŋ 26:9

akiymək a təkiyəŋka, apsəmək dəlvəŋka, dələv məs moŋvo də amama adawdawaŋ akan lokloku.

Əmsak aka Mahenziŋ 27:3

Kəvergin əpel na mahenziŋgəŋ pak aketi, pay kəggar kaddok aka dələv məs Yawe Maŋgəlva nok adapsuko, dələv məs moŋvo də amama adawdawaŋ akan lokloku. Va Yawe Maŋgəlva net efiŋgiɗuk apel suk wən nani.

Əmsak aka Mahenziŋ 31:20

Vi wanətoŋgit ɗiyiŋ aka dələv məs moŋvo də amama adadaw akan lokloku, məs niynan sit wən nan sit efiŋgiɗit də wəsway ammban, wazəmaŋ kpe'i, wakəraŋgə, wamanən heret azet meŋgilveɗ meɓɓeti; waɗɗaŋ sitin wəza, wazelewəni, wappanən wənmiyna nawa;

Əmsak aka Mahenziŋ 6:3

Kəprəmgəni Israyel, kəgəɗgən maɗɗula naɗɗa wəza dənɗaŋgə: vasna zuk wanneki, kənzləraŋgən diyɗa aka dələv məs moŋvo də amama adawdawaŋ loklok va Yawe Maŋgəlva net efiŋgiɗuk anahə.

Yosuwa 5:6

Vi mə Israyel aɗɗaŋgək wəzva kaklaw poɗo aka ədaw a kapta-muyã, hã ɗiy nalpa məs dəgulyoŋ sə Eziptə amtaŋ kəkãhə, vi dəprəmnən ma Yawe ɓa; Yawe asway sit na, awlanən na dələv an Yawe asway sit efiŋgiɗit məs anah napsəməŋ ɓa, dələv məs moŋvo də amama adanzoŋ akan loklokəŋka.