Əŋɗa 11:20 - Bible en Guidar

²⁰ Sluw kədawzəmaŋ hã təla taka zamə, gap ndən mokum mãhə, hã ndən əgilyen də məŋkənkum nzitnziti. Aski əzga' nokum vi kəzelenən Yawe məs dəsan awalaŋkum, də əɓuh mokum aban na, kami kəgulyoŋ sə Eziptə di.»

Əŋɗa 11:20 ပူးပေါင်းရင်းမြစ်များ

2Samiyel 12:10

Kakaŋ na masalam abew na səŋgil anokda ɗah ɓa, vi kəzelewək də wəgəmət ga Uri mə Hitti təsatgən ka guluk noko.

Gəlyaɗe 106:15

Apsitik an assohõŋgu, zəga navviret aslən sit hara.

Əgilye 16:13

Moskoy nan na, gbegberwekɗe azzoŋ asərətnən dibirgidiki; də pummo na, minɗe aziyaŋgək sulək ki dibirgidiki.

Əgilye 16:3

Mə Israyelɗe aɓsitin na: «Aŋ na! Dəɗah va Yawe dəbayəm aka dələv na Eziptə, pay mədakkal aka mesteɓe na sluwa, mədawzəm Way kpe'i! Kəgilgəmənək kəla kapta-muyãŋ na vi kawbay əsapəŋ pak də may sa?»

Əgilye 16:8

Moyis amna: Yawe wapsukum slu nawzəm moskoyo gəm peŋ də mompumo vi kəbaŋgəni. Gala Yawe adaprəmkum əhəma, dəndə Yawe kəhəmaŋgə. Nam miy mənan di.

Wənməkkpaŋga 27:7

An mawəla ɗəf abək na, ndən əzelen seɓe na amama; mawəla ɗəf an də may na, zəga tatrãh pak azan neki.

Malakiya 1:6

Wəyin wagagdakan afəni, məgəɗ wəza tamə daya nani. Ya, an afən wəyin nan na, ngay gagdak naw di? Ya an daya nan na, ngay əɓe' kədawɓe'eŋ suwən di? Yawe Məzuɓappak anah sukum mənokum məsdəlveŋge məzuzelenən iya nawa. Mənokum tat ənahaŋ na: «Mbarmbar məzelen iya nok di?»

Əŋɗa 11:13

Səŋga nədawrəh slu napsit ɗiy məzəzbawən pakeŋ də əhəm gəm wənah su na: Apsəm slu nampəraŋ di?

Əŋɗa 11:19

Ammba pay taka, may sula kaka', may nasɓəta sle', may kəlawə, may kaklaw sula kərahaŋ na nawzəm ɓa.

Əŋɗa 11:21

Moyis amna: «Məzəlpaŋ mədawaŋ də tilit nəsaw aweleŋtiŋ tahəŋ zəga na gabal səkat sləre, yaŋ nok kəmna: Nəpsitgin slu dəzəmaŋgən gap təla ŋgbuɓɓo!

Əŋɗa 14:3

Kami Yawe akiyəm aka dəlvəŋ kamta sən masalam di? Karmeti gil nam dit kirtəmə. Dəɗah səm əmnda a Eziptə ɓa sa?»

Əŋɗa 14:4

Apeleŋ awalaŋ zit na: «Məɗi səm məlĩ abamə, məmndamsəm a Eziptə!»

Əŋɗa 16:13

Mək suki kəgilgəm səka dələv məs moŋvo də emelemele akan loklok vi kawbayəm a kapta-muyãŋ ɓa sa? Mbaraka mok aka əzəm məlĩ akam əmpa sa?

Əŋɗa 20:4

Kami kəkinən əkkal net ɗiy na Yawe a kapta-muyãŋ di? Vi məmtəgən aŋ mənam dit zəgeɗ memeyẽɗ namə!

Əŋɗa 21:5

Ɗiy təŋ əpeleŋ aka Maŋgəlva gəm aka Moyisi aɓɗaŋ na: «Kam kəkimən sə Eziptə di? Vi məmtəgən a kapta-muyãŋka! Vi zəga nawzəm tay aŋ ɓa, iŋkile ɓa, zəga nawzəm na sahãŋ akiyək mamə!»

Wəza net Masləŋɗe 13:41

Mula munokum məzuzeleŋgi. Məggətə, məhhəyə. Vi wəza məs nədaɗɗa pay nokuməŋka. Sessel wəza məs kətafən na ɓa yi kəta an ɗəf tay ərban sukum.

1Tesaloniki 4:8

Vas kan na, ɗəf an dəzgan wənəska, ɗəf azgə ɓa, ana Maŋgəlva məs dədapsukum Zeŋgile nan Salala azgə.

Yosuwa 24:27

Yaŋ Yosuwa aɓsit ɗiy pak na: «Gərəm yaŋkəŋka, wakkpaŋ ka kikum, vi nan aprəmək əpel na Yawe bayman gala apel də mənamə; wasan ka kikum, vi kədawzelenən Maŋgəlva nokum ɓa.»

1Samiyel 10:19

Yaŋ dəpaŋ kəzganən Maŋgəlva nokum, məs dəkõhgukum səddəvit tatwãhɗe də wəzəmsahã nokum, kənahaŋ sənən kan na: “Apsəm məlyã!” Kakaŋ na, məde miziw aba Yawe, va mahəlfaɗe gəm va məlma nokum assoŋgu.»

1Samiyel 2:30

Vini Yawe Maŋgəlva na Israyel aɗiymani, nənahək lahəŋ na: Gəla nok də gəla na afuko wadawaŋ abaw faɗə. Ya kakaŋ na arayka, Yawe aɗiymani! Vi naw na wanəɗi kiyit məzuɗiynən kiywa, wanəzelet məzelewən tamə.