Əŋɗa 10:10 - Bible en Guidar

¹⁰ Pay kərahaŋ pay nanneke may na wəzləra, na təla ama gərəm na, kuffotingin moheŋɗes vi kalhan əzaɓ-Maŋgəlva nokum nawzla kurmbuɗuku, may əzaɓ-Maŋgəlva nawrəh zazaya; wabbahaŋ ka Maŋgəlva dəɗɗumokumgəni. Intə Yawe Maŋgəlva nokumə.»

Əŋɗa 10:10 ပူးပေါင်းရင်းမြစ်များ

2Milyeŋge 4:23

Amna: «Vimi kədaŋgla əddok dəpaŋ ana ɗəf na Maŋgəlva da təla ama gərmi ɓa, pay naffeti yi ɓaŋ di?» Təzlan səni, təmna: «Də moggoni yi!»

1Alabaraɗe Də Mabərkiziti 15:24

Məsdəlveŋge, Sebaniya, Yosafat, Netanel, Amasay, Zakarya, Benaya gəm Eli'ezer, net muffoŋ gozloro aba akoti na Maŋgəlva. Obed-Edom də Yehiya, net məgaŋ akoti.

1Alabaraɗe Də Mabərkiziti 15:28

Ɗiy na Israyel beymet akanən akoti na wənmiyna na Yawe na, də salalay, də mohõ, dit gozloreɗi, dit ndayɗe, də wəbay gazaŋvəlɗe gəm gəzləŋtəndəŋɗe.

1Alabaraɗe Də Mabərkiziti 16:42

Net may Heman də Yedutun na, mohoŋɗe, ndayɗe, gəm zəgeɗ nawɗəmgən gəlya na Maŋgəlva tahəŋ aveti. Kirtin Yedutun məziyit nawga maddamba.

2Alabaraɗe Də Mabərkiziti 29:26

Mə leviɗe aziweŋ kan dit zəgeɗ nasmay məs Davit azaɓə, məsdəlveŋge tam dit mõhoŋɗe.

2Alabaraɗe Də Mabərkiziti 29:28

Ɗiy dəkkalaŋ baymet appu'oŋko, gəlya tay iya, mõhoŋɗe tahəŋ uffoŋgu, hã ma əvəl nawzla kurmbuɗuk bayə.

2Alabaraɗe Də Mabərkiziti 7:6

Məsdəlveŋge tahəŋ ama wəza neti, mə leviɗe tam dit zəgeɗ na gəlya məs məlĩ Davit azaɓ nawgagdakan Yawe ənəhaŋ na: «Vi moggon nan tay hã faɗə.» An Davit anahək dəgagdakanən Yawe; asna məsdəlveŋge uffoŋ mohõ abeti, mə Israyelɗe pak ziwziwi.

Ezra 3:10

Yaŋ mərkaŋ gəla nek aɗiynən gabba Gəla na Yawe, yaŋ məki məsdəlveŋge dit lukutɗe na wəza, dit mohõɗe, vaski mə leviɗe kirtin Asaf dit ndayɗe, vi dəɗinəngən ki Yawe va Davit, məlĩ na Israyel aɗi wən nani.

Nehemi 12:35

Səbbərən na, məsdəlveŋge məffoŋ mohoŋɗe. Siske na, Zakarya wətən Yonatan wət Semaya, Semaya wətən Mataniya, Mataniya wətən Mikaya, Mikaya wətən Zakur uwa na Asaf,

Gəlyaɗe 150:3

Məɗi kiyən də gozloro; məɗi kiyən də gazaŋvəla gəm də gəzləŋtəndəŋ;

Gəlyaɗe 81:3

Məsmayə, məbay dəgla, koku dəɗəmə, də gəzləŋtəndəŋ.

Gəlyaɗe 81:4

Məffon gozloro aka təlaperi, aka təla məbabarən pay na wəzləra namə.

Gəlyaɗe 89:15

Təstəs də gegesiŋ suwer mazaŋga na məlĩ nokəŋgə; moggon də gesiŋ tahəŋ ədawaŋ aboko.

Əgilye 28:29

«Pay adawtoŋ addəv təki nawzaɓ-Maŋgəlva, Aron dəlawgən a makran, aka gabaga na makra ɗəf nawtaw wəna, iya net mə Israyelɗe naɗɗumon aba Yawe hã faɗə.

Əgilye 30:16

Kəgəmgən koɓeɗ navvuyon mambray səvet mə Israyelɗe, kəɗigin vi wəza na gizlirke nalma də Maŋgəlva, dəsangən ka zəga naɗɗumon net mə Israyelɗe aba Yawe kavvuyon mambray səkokumu.

Isaya 27:13

Pay dəpaska, kaffoni gozloro metiŋgini. Asna ɗiy en dəzaŋ aka dələv na Asiri gəm ɗiy en dətrayaŋ aka dələv na Eziptə wamilyoŋgu. Wappu'oŋ aba Yawe a Yerusalem, aka mossorgo metiŋ salala.

Məsdəlveŋge 23:24

«Apel sit mə Israyelɗe na: əvoŋ maddaabəŋ na təla mabuhuloni, pay naffet nokumi yi, pay məs kədaɗɗumo wəni, kədawtibirewən də əkkal salala yi.

Əŋɗa 10:9

Pay sən aka dələv nokum kəddoŋ ama əgay də mosokum məzəttopokum na, kəssakaŋgən dit moheŋɗeski də uffet nawgaya, vasna kaɗɗumokumi yi aba Yawe Maŋgəlva nokum, kawkõhgukumi yi səvet mesəŋgiɗkum.

Əŋɗa 28:11

Ətəŋ na təla ama gərəm pak na, kədaŋgən əvəl nawzla kurmbuɗuk sən Yawe, dit medgeɗgeɗe sula, ndargayã taka, gəm ndergeyẽɗ na wəzva takataka buhulu, zəgeɗ net dəssoŋ məza heslepe azet ɓa.

Əŋɗa 29:1

«Wəsɓəta maddaabəŋ na təla mabuhulon na, kəɗɗaŋgən əkkal salala. Wəza tay kədaɗɗaŋ dəpas ɓa, dəsangən azokum pay naɗɗəla.

Matiye 11:28

Mide azawa munokum pak məyokum də zəga gədak akokuməŋka, ya naw wanəpsukum effete.

Wəza net Masləŋɗe 10:4

Korneliyus haran akan seki, geslne armaka. Yaŋ amna: Mi di Daya? Yaŋ anah sən na: Əkkam noko gəm wəzeɗe na ula sahã nok apeŋgeŋgik aba Maŋgəlva ka zəgeɗ naɗɗumeti.

1Korintus 15:52

Wagəɗ go' va hara ɗəf adaɗɗa pilim pay gozloro an dədirɓe faɗ adaffo, vi gozloro waffu, asna ɗiy mimtit wasilyoŋ də zit an aŋgən na ɓa, ya namə, gəɓa zəm wakkpaŋgə.

1Tesaloniki 4:16

Vi Daya sən kiyən waprik sə disiŋ də wiya dayadaya, də wəla maslay an daya, də gozloro na Maŋgəlva, asna ɗiy en dəmtaŋ addəv Kristu wasilyoŋ tagay.

1Tesaloniki 4:18

Vi vaski məsɓan zukum də wənəska.

Yosuwa 4:7

Kənahaŋ sitingən na: Guzlo na məlpa na Yurden dərslə səba akoti na wənmiyna na Yawe, gala akoti van aggar ki Yurden! Vini kan girmeŋges assoŋ ka zəga naɗɗumon akan sit mə Israyelɗe hã faɗə.»

Yosuwa 6:4

Məsdəlveŋge buhul dəssoŋgən aba akoti salala dit mõhoŋɗe na ndargayã aveti. Aka pay mabuhulon na, kəsuləkaŋgən ki walaŋgəla-metiŋ van təl buhul, məsdəlveŋge tam dəffotingin mõhoŋɗe neki.

Hənhən 22:17

Əmpəs dət waŋ məgəmət aɓɗaŋ na: Ade! Ɗəf dəprəm pak, dənah na! Ade! Ɗəf an meme adawdaŋ pak dəde, ɗəf an dəŋgəl iŋkile na zeŋgile warah na mekeleŋ.

1Samiyel 20:5

Davit aɓsən Yonatan na: «Mazayinəŋ na, wəzləra na təla ama gərmi, təstəs nan kəta na, wanəsaw də məlĩ kawzəma. Vasna apəl su tive, nəmbatgən əɗam awra təl mahokon gap moskoyo.