Əŋɗa 1:53 - Bible en Guidar

⁵³ Zev Levi kaka' dədawsan tərwəsl kigəla təki nassa nawslere, dəɗɗanəngən wəza net adaka. An agəɗək vasna, mə Israyelɗe adansəwən na gədəvu ɓa. Mə Leviɗe dədawganən təki nassa na miziwe.»

Əŋɗa 1:53 ပူးပေါင်းရင်းမြစ်များ

1Alabaraɗe Də Mabərkiziti 23:32

Dərmanəngən wəza naddəv gizlirke nalma də Maŋgəlva gəm wəza na Gəlamatuya gəm wəza net kirtin Aron milmiŋgiɗit dəwəl sən wəza naddəv Gəla na Yawe.

2Alabaraɗe Də Mabərkiziti 13:10

Ya nam na, Yawe yi Maŋgəlva namə, məppan ɓa: məsdəlveŋge məɗɗaŋ wəza sən Yawe na, kirtin Aron əŋgə, mə leviɗe tahəŋ aka wəza.

2Alabaraɗe Də Mabərkiziti 13:11

Də pummo də moskoy pak tay ədaŋ əvəl nawzla kurmbuɗuk sən Yawe gəm tursan məfok neki, tay əɗinin peŋɗe aka tabəl an salala, əsɗenin lalamɗe səka təki nawɗiyit na meleŋge. Vi nam mənam tat ədawgən wəza na Yawe, Maŋgəlva namə, ya nokum na, kəzganənka.

Yeremiya 23:15

Vi vaski Yawe Məzuɓappak anah vaŋ aket məskəleŋɗe: Wanəzimgit də ndərzla, wanipsit dəsaŋgən iŋkile də muhun areti: Vi səzet məskəleŋɗe na Yerusalem əraygən matuya agili atray aka dələv pakə.

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Məsdəlveŋge 10:6

Moyis anah sənək Aron gəm sit kirtin Ele'azar gəm Itamar kan na: Kəppannən muhur kikum nzoryok nzoryok ɓa, kəŋgerin lukutɗe nokum ɓa, vi kədamtaŋ gəm kawki ədagədəv aka əsap net ɗiy ɓa. Milmigiɗkum Israyelɗeŋ nawhəmaŋ aket ɗiy en məs Yawe azet də offo.

Əŋɗa 1:50

Kipsitigən gəla salala məs məɗi ɗerewel nawsler ammba vet mə Leviɗe, gəm zəgeɗ en nazan temtem, may zəgeɗ en na wəza nadaka. Dəslanəngən gəla salala dit zəgeɗ nani, dəɗɗanəngən wəza naddəvən, dəssoŋgən də gəla kiyən karkarə.

Əŋɗa 1:54

Va Yawe aɗi wən nan sən Moyisi, vas mə Israyelɗe azbanəni.

Əŋɗa 16:9

Agəsək azokum Maŋgəlva na Isayel aɗikum temme səza sap na Israyel, vi kawtafkum ədder azani, vi kaɗɗa wəzeɗe na təki nassa na Yawe gəm kawziw aka iya na sap net ɗiy pay kədaɗɗaŋ wəza ammbet ɗiy pakəŋ sa?

Əŋɗa 17:7

Adan sap net ɗiy pak adakkalaŋ aket may Moyis də Aron, ndəɗaŋ heret kpaŋgən dəka gizlirke nalma də Maŋgəlva. Awlanən na, slaybuwən asərətəka, mbagən gagdak na Yawe ərban zəni.

Əŋɗa 2:17

Səbbərəŋ na, gizlirke nalma də Maŋgəlva dədawmbata, dibirgidik net mə Leviɗe dəssangən addekit dibirgidikɗe. Kawmbat də əzban va əteh adawsani, naway di pak a gəlani, ŋgaɓa dərɓaga ŋgaɓa.

Əŋɗa 3:23

Mahəlfa net mə Gersonɗe ateheŋgək dərɓaga gəla salala, dəmmba pay na moskoyo.

Əŋɗa 3:29

Mahəlfa net mə kehatɗe aziyənək gəla də dohoŋ na gəla.

Əŋɗa 3:35

Məlĩ na mahəlfa na Merari na ndəni Suriyel wətən Abihayil. Aziyənək gəla də disiŋ na gəla salala.

Əŋɗa 3:38

May Moyis gəm Aron dit kirtin assoŋguk aba gizlirke nalma də Maŋgəlva, dəmmba pay nampum. Məpsiti wəza naddəv gəla salala a gəlet mə Israyelɗe. An ɗəf aɗɗumək əɗɗa wəza van dəka tay məsdələv ɓa na, ɗəf vanəs nawbayi.

Əŋɗa 31:30

Səza wəɗak an napsit mambirgit mə Israyelɗe na, kəgəmgən taka səddəv kaklaw sle'i, səret ɗiyi, wasliɗe, korɗe, timeŋgiɗ dit gəlewi gəm zəgeɗ memeyẽɗ meɓɓeti; kipsitigin mə leviɗe məɗɗaŋ wəza a təki nassa na Yawe.»

Əŋɗa 31:47

Moyis agəm səran net mə Israyelɗe takataka səddivit ɗiy kaklaw sle' sle'i, vaska'e səddivit gəlew dit timeŋgiɗi, apsit mə leviɗe məɗɗaŋ wəza a təki nassa na Yawe va Yawe aɗi sən wən nani.

Əŋɗa 8:19

nəpsinik sən Aron gəm sit kirtini, səweleŋgit mə Israyelɗe na, mə leviɗeŋgə mipsit mə Israyelɗe vi dəɗɗanəngən wəza a gilet addəv gizlirke nalma də Maŋgəlva, gəm dəɗɗanəngən mahenziŋ navvuyon mambray aketi. Vasna, gəbay arme na mə Israyelɗe əmpa vi agapaŋ a matuya ɓa.»

2Timote 4:2

Arban wən na Maŋgəlva pay pakə, wasan sit lewi də asan sit na lew ɓa pakə. Arban sit mbərayən neti, aheyẽti, asəɓsiti, də əɓəs addəv əyaka.

1Samiyel 6:19

Yawe amə'sitik ɗiy na Betsemes, vi asəŋgləkanən akoti na Yawe: abayək zel kaklaw buhul səret zel gabal kaklaw sle'i. Vasna en dəppaŋ aɗəkaŋka, vi Yawe amə'sitik diyɗa sawɓa.