Amos 9:7 - Bible en Guidar

⁷ Yawe aɗiyman na: «Mənokum mə Israyelɗe, məstaka dit ɗiy na Kus kənanaŋ azaw ɓa sa? Intə nəgilgin Israyel sə Eziptə ɓa sa? Nəgilgit mə Filistiɗe sə Kaftor'e gəm mə Siriɗe sə Kir ɓa sa?»

Amos 9:7 ပူးပေါင်းရင်းမြစ်များ

2Milyeŋge 16:9

Məlĩ na Asiri aprəməka, ndən sən kiyən dəmbat a Damas amohõ, ande ɗiy nadak ake a Kir, ndən bay əbay Resin.

2Alabaraɗe Də Mabərkiziti 14:12

Asa də dula nan arɓehet hã a Gerar. Mə Etiyopiɗe azbəraŋgək ngəroɓ-ngəroɓ, ɗəf tay dəkõh ɓa, vi məgroɓti aba Yawe gəm aba dibirgidik nani. Ɗiy na Asa gəssa asakaŋ zəga na ma wəgay ɓa.

2Alabaraɗe Də Mabərkiziti 14:9

Asa agilik abani: assahãŋgək ama wəgay a walaŋ na Sefata, go'o də Maresa.

Əgilye 12:51

Pay nan dəpaski Yawe agilgit mə Israyelɗe səka dələv na Eziptə aza dula nalpa neti.

Isaya 20:4

Vaski məlĩ na Asiri adawke məfərsəneɗ sə Eziptə, gəm ɗiy en adawsimgit sə Etiyopi, gewleɗ dit mezzeɗ zit mekeleŋ, tilit mekeleŋ. Gebbet mekeleŋ, ərba wili vi Eziptə!

Isaya 22:6

Elam andak gulom; məpeŋgeŋ pilseŋge dit pilseŋge məzəlpaŋ na Kir agilyoŋguk də baray neti.

Isaya 43:3

Vi intə Yawe, Maŋgəlva noko, Maŋgəlva Salala na Israyel, məzukõhguko. Nəppanək Eziptə nawmok dəndəni, Etiyopi gəm Seba a guloko.

Yeremiya 13:23

Mə Etiyopiya waddəɗan gəba zən sa? Awaniɓa balgam ŋzezlezle na zən sa? Vasna mənokum wakəɓapaŋ əɗɗa an dəslə mənokum məs kəsərəkaŋ əɗɗa mbərayən.

Yeremiya 47:4

Aka wən na pay an dədazzan nawzet mə filistiɗe pak ɗəf tay nabbah sən Tir gəm sən Sidon ɓa. Vi Yawe tay azet mə Filistiɗe, madambirgit naka mətəwura na Kaftor.

Hose'a 12:13

Yakob anzanək aka muyã na Aram, Israyel agəɗək wəza ammbat gulku, viyət gulki ataɗə.

Amos 1:5

Wanəŋzliw təbzeŋge nawkəɗəsl maddamba na Damas, wanəzan ɗəf dəsan də gəla a Bike'at-Awen, ana məzəm məlĩ a Bet-Eden. Ɗiy na Aram na, kawketi aka balam a Kir,» Yawe anahə.

Amos 2:10

Yaŋ naw nəgilgukum səka dələv na Eziptə, nəbbalokum a kapta-muyã wəzva kaklaw poɗo, vi kawmõh dələv net mə Amorɗe ka nokum.

Əmsak aka Mahenziŋ 2:23

Mə Avviɗe dəssoŋ a walaŋgəleɗe adak lahəŋka hã gap a Gaza, mə Kaftorɗe dəgilyoŋ sə Kaftor, azetinke, assoŋ a gəleti.