Amos 9:14 - Bible en Guidar

¹⁴ Wanəzaɓan ənziya net ɗiy naw mə Israyelɗe: Wamsakaŋ ərket walaŋgəleɗe məɓzliwti, wassoŋ addivti. Wampaŋ megezlembirkeɗi wasaŋ mbazla neti. Waɗɗaŋ guli net wəleŋɗe wazəmən uwa neti.

Amos 9:14 ပူးပေါင်းရင်းမြစ်များ

Gəlyaɗe 107:37

Tay əzlgenin gulyeŋge, əmpenin megezlembirkeɗi, awaŋgək nawɓuho.

Gəlyaɗe 53:6

Tay əgeslne'eŋ a təki məs geslne' tay ɓa, vi Maŋgəlva tay ətəreygit sleŋslenɗe net məzusərŋgəslkuni. Wakərbə sit wili vi Maŋgəlva andolike.

Isaya 60:4

Abbalan horok kiyuk tərwəslə, ya awla kirtuk pak tahəŋ əmilyoŋgu əkkal azoko. Tahəŋ əzzoŋ sə faraɗa, kirtuk muguluŋgit slək-slək a persleketi.

Isaya 61:4

Wasilgitin kiməskiɗe en farə, wasilgitin gəleɗe məbzliwit net ɗiy en daabəŋ. Wasilgitin walaŋgəleɗe məraygiti, məbzliwit far hoŋhoŋgu. Məs dəbzlaŋ farə, məs dəkrapaŋ maddaabeŋ Warkanən walaŋgəla-metiŋgini məs məbzluwən farə.

Isaya 65:21

Warkaŋ gəleɗe, wassoŋ addivti; wampaŋ megezlembirkeɗi, wazəmən uwa neti.

Yeremiya 12:15

Sədərɓaga an niptiwik na, wanəmsak ula sasẽhti, wanəmndegeti, ɗəf pak aka va nani, ɗəf pak aka dələv nani.

Yeremiya 16:15

Kawnəhi dərəŋ na, də iya na Yawe madaran məs dəmilgit mə Israyelɗe səka dələv na kəla disiŋ gəm səket dilveŋge məs aɓɓehet adak pakə, wanəmndeget aka dələv net məs nəpsit efiŋgiɗti.

Yeremiya 23:8

Ya dərəŋ na: Də Yawe madaran məs dəpeŋgit gəm dəmndeget kirtit mə Israyelɗe səka dələv na kəla disiŋ gəm səket dəlveŋge məs arɓeh adak ka dəssoŋgən aka dələv neti.

Yeremiya 24:6

Nəziyək haraw aket də moggoni, wanəmndeget aka dəlvəŋka, wanirke nibzliw na ɓa, wanimpe niptiw na ɓa.

Yeremiya 29:14

Wanəppan zu kərəhwəngəni Yawe aɗiymani, wanəzaɓan wən nokum gəm wanəkkolokum səket dəlveŋge də sə təki temtem məs nərɓokum adakəŋ pakə Yawe aɗiymani, wanəmndogokum a təki məs nəsimgukum sədaka.

Yeremiya 30:18

Vaŋ Yawe anahə: Inyakəŋ kawzaɓan wən net gizlirkeɗe na Yakob, wanəwəl sãhã aket daŋglaɗe nani. Karkani walaŋgəla-metiŋ a gəlan an lahəŋka, kawɗiyni gəla gboloŋgboloŋ a gəlan an farə.

Yeremiya 30:3

Vi pay yaŋ əzzani, Yawe aɗimani. Wanəzaɓan wən net ɗiy naw mə Israyelɗe dit mə Yudeɗi Yawe anahə. Wanəmilgit aka dələv məs nəpsit efiŋgiɗti, wagəmnən ka neti.

Yeremiya 31:23

An Yawe Məzuɓappak Maŋgəlva na Israyel anah yaŋka: Pay nədawzaɓan əssa neti, wapelin əpeləŋ aka dələv na Yuda gəm addivit walaŋgəleɗe gugriɗ nan əmpa na: Kəta Yawe dəzoɓoko, Təki na təstəsə mossorgo metiŋ na salala.

Yeremiya 31:28

Wasan va aka nəzək sləma aka wəptiwti, əbzliwti, əkrepti, əzeti gəm əttepeti, vas nədazga sləma aket karket gəm kampeti Yawe aɗiymani.

Yeremiya 31:5

Wakəmpə megezlembirkeɗ əmpa aket mossorgoɗe gugriɗe na Samari, en dədampaŋ megezlembirkeɗ waɓuhnən uwa neti.

Yeremiya 32:15

Vi Yawe Məzuɓappak Maŋgəlva na Israyel anahək vaŋ əmpa: Abe ahəŋ na, kalbahi gəleɗe, gulyeŋge gəm megezlembirkeɗ aka dəlvəŋka.

Yeremiya 32:37

In yakəŋ əkkelet səket dəlveŋge məs nətreyet adak pak də ədagədəv nawa gəm dit herɗe nawa, də makraw fuyõfuyõ. Wanəmndeget a təkiyəŋka, wanəɗɗa dəssoŋgən kiyit foŋgo.

Yeremiya 33:11

gogoyo na əpepɗeke, gogoyo na ənneke, gəlya na məɓel gulku də əɗɗəla nat məɓelta, wəlet ɗiy məzunəhaŋ na: məɗi ki Yawe Məzuɓappakə, vi Yawe moggoni yi, vi moggon nan hã faɗi yi. Kaprəmi wəlet məkiyaŋ zəga nawfet addəv gəla na Yawe. Vi wanəzaɓan wən na dəlvəŋ va asan lahəŋka» Yawe anahə.

Yeremiya 33:7

Wanəzaɓan wən na Yuda gəm wən na Israyel, wanərke va asan lahəŋka.

Ezekiyel 16:53

Wanəzaɓan wən neti, wən nat Sodom dit kirtət muguluŋgiti, wən nat Samari dit kirtət muguluŋgiti, wanəzaɓan wən nok a weleŋti.

Ezekiyel 28:26

Wassoŋ akan zeŋgleŋge, warkaŋ gəleɗe, wampaŋ megezlembirkeɗi; wassoŋ zeŋgleŋge. Pay nədawtawwən aket ɗiy məzuzeletin dəkaraŋ kiyit pakə, asna kawsənni na, intə Yawe Maŋgəlva neti.»

Ezekiyel 37:21

Ya anah sit na: an Daya Yawe anah yaŋka: In yakəŋ ənde mə Israyelɗe səret ɗiy-ɗar en addoŋ anetda adaka; wanəkkelet sə təki pakə, wanəki aka dələv neti.

Ezekiyel 39:25

Vini yi, an Daya Yawe anah yaŋka: Kakaŋ wanəzaɓan wən na Yakob, wanəwəl sãhã aket mə Israyelɗe baymeti, wanərban kotorok vi iya naw salala.

Amos 5:11

«Vini kan Yawe anahə: mənokum tat əppət məzuraya, gəm əfaɗgən nzalaka na zəga na mabardaw. Kərkaŋgək gəleɗe dit gərmeŋge məslmeti kəssoŋ na addivit ɓa, kəmpaŋgək megezlembirkeɗ na sləma kəsaŋ na mbazla net ɓa.

Sefanya 1:13

Ya kawmohõni arya neti, kawreygiti gəleɗe neti. Warkaŋ gəleɗe, assoŋ na addəvit ɓa; wampaŋ megezlembirkeɗi, asaŋ na mbazla net ɓa.

Sefanya 2:7

Wasan ka kiyva net madembirgit ɗiy na Yuda; wataɗaŋ akani, wavoŋgoŋ addəvit gəleɗe na Askelon də moskoyo, vi Yawe Maŋgəlva net wazgə sləma aketi, wazaɓan wən neti.