Amos 9:11 - Bible en Guidar

¹¹ «Pay dəpas na: wanəsilgin guɗuk na Davit. An dəɓəsl na, wanəsuko, an diɓlu gəm an dəray na wanəsilgini, wanərkan va aka pay asan lahəŋka.

Amos 9:11 ပူးပေါင်းရင်းမြစ်များ

Ɗerewel na Yob 1:10

Kəbasək mambara akani, ndəni, gəla nani gəm an dəsan ammba van pak ɓa sa? Kəɗɗak əzaɓ nok aka wəza nan pakə, gazlaŋɗe nan tahəŋ kaɗkaɗ aka dəlva.

Gəlyaɗe 143:5

In tat əɗɗumon pay an dətoŋgu, in tat əpelen an kəgəɗ pakə; in tat əɗɗum aka wəza na voko.

Gəlyaɗe 80:12

Kiyvan tay pakpak hã a pehe, zlãlwãn hã a məlpa metiŋ.

Gəlyaɗe 89:40

Kəndapanək wənmiyna na balam noko, kəraygənək kulpupu na məlĩ nan afuŋ.

Isaya 16:5

asna mazaŋga na məlĩ wasan ɓəl sən əɗɗa moggoni ɗəf təstəs zev Davit wasan akani, məsən ətawwəna, məzgə sləma aka təstəsə gəm məŋgəl an sarara.

Isaya 5:5

Kakaŋ na, wanənah sukum an nədagəɗ sən guli net megezlembirkeɗ nawa: wanətor mambara nani, kawtaɗni yi. Kawtilikeni mambara nakani, kawndapani yi.

Isaya 58:12

Asna warkanən kiyməskiɗe nok en farfarə, wakərka aket gebbet gəleɗe en ɗiy farfar aɗiyaŋgə. Kawyuki na: Məzuzaɓan zə gəla məɓluni məzeɓet tiveɗ ka gəleɗe dəmpaŋgəni.

Isaya 63:11

Ndəni ɗiy nan aɗɗumonən an dətoŋ farə, aka Moyis asan dənɗaŋgə: Ngay məs dəkkaɗgit ɗiy nan ki pehe, gəm gazlaŋɗe nan dit məzuteɗeŋɗe net di? Ngay məs dəɗi Zeŋgile salala nan kawsan aweleŋgit ɗiy nan di?

Isaya 65:9

Wanəpsən uwa sən Yakob. Mossorgoɗe naw wassoŋ ka na Yuda, dələv wasan sit ɗiy məwelit nawa, məɗɗaŋ wəza naw wassoŋ adaka.

Yeremiya 18:9

Pay mbərən an niynanək narketi gəm nampet ɗiy naka dəlva awaniɓa kiva na məlyã,

Yeremiya 30:9

Waɗɗaŋ wəza sən Yawe Maŋgəlva neti. Davit nədawɗi sit ka məlĩ neti.

Yeremiya 46:26

Wanəppet avet ɗiy məzukayanən zeŋgileti: Ava Nabukodonozor məlĩ na Babilon gəm avet məɗɗaŋ wəza nani. Sədərɓaga aska, wasan a gəlan va lahəŋka. Yawe aɗiymani.

Əɓuhma 5:21

Amilgəmə Yawe, waməmil azoko. Akkpaŋgan ənziya nam meleketen va lahəŋka.

Ezekiyel 17:24

Wəleŋɗe nawra pak wasənnən na, intə Yawe, nədawvoŋgən wəlaŋga məɓayni, nədawɓaygən wəlaŋga məbzluni, nədaŋkəlu wəlaŋga məkdəkani, nədandufgən wəlaŋga məklakani. In Yawe tə nəpeli, nəɗɗaka.»

Ezekiyel 36:11

Wanəwet ɗiy dit zəgeɗ memeyẽɗ akokum; wassoŋ diyɗa, wawaŋgə, wanəkkpaŋgokum hõyõ'hõyõ' va lahəŋka, wanəpsukum ərəh day ki lahəŋka; wakəsənnən na, intə Yawe.

Hose'a 3:5

Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.

Obadya 1:17

Ya aka mossorgo metiŋ na Siyon na ɗiy en dəndəwəɗaŋ warahaŋ təki nawɗama. Kirtin Yakob watafən dələv net səvet ɗiy en dəmõhən səveti.

Mika 5:2

Vini kana, wappet hã gap ɗak nawa təwəgəni. Asna madambirgit milmiŋgiɗ wamndoŋ azet ɗiy na Israyel.

Mika 7:11

Pay narkan zlava nok na, Pay dəpaska, kaddergiti meŋge nok ɓa'ə.

Mika 7:14

Adawgit ɗiy nok də zleŋge nawtaɗ noko, gazlaŋ net gilew na vawrayko, məs dəssoŋ derder a muyã a weleŋgit wəleŋɗe nawzəma. Dətaɗaŋ a Basan gəm aka dələv na Galad, va aka pay lahəŋka.

Mika 7:8

Məzuzelwa, kənnek aka an dərəhu ɓa! Nəskot zlaŋ na wanəsili! Nəsaw arah guzli zlaŋgə, Yawe yi əkeɗeɗe nawa!

Zakarya 12:7

Yawe wakõhgit gizlirkeɗe na Yuda daabəŋ, vi zev Davit adawɗi kiyzəni, may ɗiy dəssoŋ a Yerusalem adawɗiynən kiyzit na, adayaŋgək kiyit ɗiy na Yuda ɓa.

Zakarya 14:10

Dələv pak wakkpaŋ mukuro, təŋ sə Geba hã gap a Rimmon, a dohoŋ na Yerusalem. Yerusalem wasili, ɗiy wassoŋ də gəla a gəleti, təŋ sə maddamba na Benyamin hã gap a maddamba məzvani, gap aza maddamba na bezler, təŋ səza gəla na zəray na Hananeyel gap aza təki nawɗot megezlembirkeɗ na məlyã.

Zakarya 6:12

Kənah səngəni, is na: An Yawe Məzuɓappak anah yaŋka, amna: Ɗəf yaŋ iya nan na Maməŋkənzeŋve, sə gəla tələn zeŋgile adawgilyeni, warka Gəla na Yawe.

Əŋɗa 24:18

Waska wəla dələv na Edom; gəm dələv na Se'ir, meseŋgiɗni, Israyel tay ərban gbogboŋ nani.