Amos 8:5 - Bible en Guidar

⁵ Mənokum kan ənah na: «Wəzləreɗ na təlaper dətoŋgoŋ go'go'u, mərahgən əmsak əvəl temseleɗ nam ɗa! Pay naffet dətoŋ go'u, məmsakgən əkol met maheɗ nam ɗa!» Kaddəɗan hĩlĩw nawsla zəga də an muzliya, kaddəɗan gagdak nawsla zəga, kaɗɗa vurum də zəga nawsla gagdak na zəga.

Amos 8:5 ပူးပေါင်းရင်းမြစ်များ

2Milyeŋge 4:23

Amna: «Vimi kədaŋgla əddok dəpaŋ ana ɗəf na Maŋgəlva da təla ama gərmi ɓa, pay naffeti yi ɓaŋ di?» Təzlan səni, təmna: «Də moggoni yi!»

Əgilye 31:13

«Nok apel sit məs Israyelɗe də wənah na, an dəday pak na: pay naffet naw kədarmaŋgə, vi ndəni zəga narba a walaŋgu də munokum, viyit kirtukum, vi kawsənən na intə Yawe məs dəwelkum.

Wənməkkpaŋga 11:1

Məsləgagdak na zəga an də vurum na, zəga daryawi aza Yawe, məsləgagdak na zəga an təstəs na, neki azani.

Wənməkkpaŋga 16:11

Məsləgagdak na zəga də hilu nakan pak na Yawe əŋgə, ndən dədawɗi gagadak na təbəz nawslan dəndəni.

Wənməkkpaŋga 20:23

Mətəma temtem sula nawsla gagdak na zəga daryawəŋ ama hara Yawe, zəgeɗ nawslagagdak na zəga də vurum moggoni ɓa.

Isaya 1:13

Məppan gabba əkisu əvəl məza tay də ətərwəray ɓa, əzla tursan, nan nəzelike; təlaperi, pay naffete ətəlma na wəkkal metiŋgini, zəga ɗari azawa, nətaf na əkkal nokum naɗɗa mbəraynəŋ ɓa.

Isaya 58:13

An kərmak zuk pay naffete, vi kədaɗɗa an məs kəŋgəl aka pay salala naw ɓa, an kəɗiyək pay naffet ka əŋgla na Yawe, ka pay gagdaka, gəm is tat əgagdakan məza əzban tive nok ɓa, də əppan kiyzuk sən əŋgla nok ɓa gəm sən əpel ɗar ɓa,

Hose'a 12:7

Nok amndok aza Maŋgəlva noko: arma wətaf də əssa təstəsə, əga nok dəsan aka Maŋgəlva nok təpelle.

Hose'a 12:8

Zəga nawsla gagdak məhonzokko yi ava Kana'an, vurum adaŋgla.

Məsdəlveŋge 19:36

vərəm adawsan aza məsləgagdak na zəga nokum ɓa, mətəma nawsla zəga, marga gəm gufo nawsla mẽlẽ, dəssoŋ təstəsə. Intə Yawe Maŋgəlva nokum məs dəgilgukum səka dələv na Eziptə.

Zakarya 5:6

Yaŋ nəmna: «Miy as van di?» Yaŋ amna: «Margay məzugilyeni.» Anah əmpa na: «Mambray neti, naka dələv gboŋgu.»

Zakarya 5:8

Yaŋ amna: «As van darawi.» Yaŋ azgan addəv marga naka, ampan də man na way təbəz naka.

Malakiya 1:13

Ya mənokum wənah na: «Mula, əyan ɗəf miyi aŋ di» mənokum wəppan də wəzeleni, Yawe Məzuɓappak anahə. Mənokum wəkiyan zəga mamayã məhãlən awaniɓa vədal, awaniɓa məsgbəgba'a, mənokum əɗɗa əvəl dəndən. Yawe amna wanətaf səvokum sa?

Əŋɗa 10:10

Pay kərahaŋ pay nanneke may na wəzləra, na təla ama gərəm na, kuffotingin moheŋɗes vi kalhan əzaɓ-Maŋgəlva nokum nawzla kurmbuɗuku, may əzaɓ-Maŋgəlva nawrəh zazaya; wabbahaŋ ka Maŋgəlva dəɗɗumokumgəni. Intə Yawe Maŋgəlva nokumə.»

Kolosi 2:16

Ɗəf adawtaw wən akokum aka wən na waya, aka wən na əsa, aka wən na əzləra, aka wən na təlaper awaniɓa aka wən na pay naffet ɓa.

1Samiyel 20:5

Davit aɓsən Yonatan na: «Mazayinəŋ na, wəzləra na təla ama gərmi, təstəs nan kəta na, wanəsaw də məlĩ kawzəma. Vasna apəl su tive, nəmbatgən əɗam awra təl mahokon gap moskoyo.