Amos 8:10 - Bible en Guidar

¹⁰ Wanəkkpeŋget wəzləreɗ nokum ka gəlabayɗe gəlyeŋɗe nokum tam ka wəhəma. Ɗiy pak waynaŋ gomboɗok ama gizeti, kiyit ɗiy baymet wasan məfaɗən, wanəɗi va pay əmta na karmalay. As pak wagrak wəsɓəta mbərayən diyɗa.

Amos 8:10 ပူးပေါင်းရင်းမြစ်များ

Va'Atəŋ 21:16

Təmbat əsat ɓuhu, gap nawhon hara. Vi tat ənəh na: «Nədawla əmta na wiynəŋ ɓa!» Təslan wəlat təhəmə.

Ɗerewel na Yob 20:23

Aka azgətək əknəh gədəvni Maŋgəlva wazgan ədagədəv nan akani. Wazi akan va buna.

Ɗerewel na Yob 3:5

dəsan na guzliyo gəm na zeŋgile əmta, slaybuwən dəsan akani, guzli titir dəzəmgən sahã!

Ɗerewel na Yob 30:31

Gəzləŋtəndəŋ naw aslerik də gəlya na gəlabaya, pozloro naw aslerik də wəlet məzuhəmaŋgə.

Isaya 3:24

A gəla tursan na zəga məŋgənən, a gəla helege nagze helege ɗarə. A gəla ətroɗ kiya təstəs na, kiya məklãhəŋ; a gəla lukut silip na sləma, lukut na gəlabaya. Əzla noffo a gəla gəɓa zə ɗəf lekeɗeklekeɗəki.

Yeremiya 2:19

Mambray nok dəzga suko, kəta əppan Maŋgəlva dəkisuk əzga'a! Vasna asəna kulagən na wəzgan Yawe Maŋgəlva nok gəm wəgeslne sən tay ɓa na, wən nan təraŋhi, mbərayni, Yawe Maŋgəlva Məzuɓappak aɗiymani.

Yeremiya 48:37

Vi naway pak afaɗək kiyən, afiwik eŋgemeni. Antarək van pakgəni, aynaŋgək gabaga na sak a gizeti.

Yeremiya 6:26

Ɗiy nawa, mugul lukut na gəlabay azokum məpətukul aka moŋglo va əska morkoyo ammba wiyin karmalay dəmtə, muɓuh mokum ɓəluwɓəluwə, vi məzuraygən təki wade akam girziki.

Əɓuhma 5:15

Makram appanək ənneke, əskəl sən ənnek nam akkpaŋgək gəlabaya.

Ezekiyel 7:18

Waynaŋ gabaga na sak agzeti, geslne warme. Wil wassoŋ aret pakə, kiyit pak məfaɗən foslfoslə.

Ezekiyel 7:2

«Anoko wətən ɗəfa, vaŋ Daya Yawe anah sən dələv na Israyel: Wəgraki, wəgrak tay əzzan dəka metteɓ dələv poɗo pakə.

Hose'a 2:11

Vini wanəmndaw ənda haykəmari naw də pay nani, mbazla na meketepe naw aka pay nani, wanətor zeŋze də helege na ngərayã naw səzat məs dədawɗaman zət kəta.

Hose'a 2:13

Wanəɓətgən ənnek nat pakə, wəzləra nata, təlaper də pay naffet nata, gəm dit wəkkalɗe na wawya nata.

Yo'el 1:8

Ahəmgən kiyuk va waŋ ŋgbuɓɓo tiynə sakazlaŋ na gəlabaya, tədawhəmgən zələt an na gore nata.

Məsdəlveŋge 13:40

An muhur ki ɗəf appətka, kiyən məklãhni; salala yi.

Amos 5:21

Nəzelke, maw tay aket wəzləreɗ nokum ɓa, miŋginit əkkalɗe nokum tay akaw nek ɓa.

Amos 5:23

Məddergin geŋgere net gəlyeɗe nokum; də ɓaɓəlmet gəzləŋtəndəŋɗe nokum səzawa maw tay aka əprəmən ɓa.

Amos 8:3

Pay dəpas na, gəlyeŋge neŋgil ana məlĩ da wakkpaŋgaŋ wəhəm na gəlabaya, Yawe Maŋgəlva aɗiymani. Kigəbayɗe waŋɗaŋ ɓa, kazgeti a təki pakə. Təki pak wassan sləɓɓəkə!»

Nahum 1:10

Dəssoŋ slakatslakat va gedirgeɗ daydayə gəm addəv əsa neti, kiyit gərəŋgərəŋgə: wazlaŋ dəwənnet va tərɗa məklakani.

Zakarya 12:10

Wanəknəh zev Davit gəm ɗiy na Yerusalem də əmpəs moggon gəm nakkama. Wawlaŋ azawa, in ɗəf məs ambokoŋ naka. Waɓuhnən met ammban va adawɓuhoŋ ma ammba wiyən karmalay. Waskaŋ morkoyo ammban va adaskaŋ morkoyo ammba uwa maddaabəŋ.

Əmsak aka Mahenziŋ 16:14

Kənnekgən addəv wəzləra nok is də wutuko, dət wutuko, də balam noko, dət balamək noko, də mə levi na walaŋgəleɗe gugriɗ noko, də molhõyõ, də mitiwe dət gagəbay məs dəssoŋ awalaŋkum.