Amos 7:10 - Bible en Guidar

¹⁰ Amatsiya, məsdələv na Betel agapgənək alabaraŋ sən Yerobo'am məlĩ na Israyel, də wənah na: «Amos tay əŋgla ərɓohok səka məlĩ na Israyel. Dəlvəŋ aɓəs na əpel na man əmpa ɓa.

Amos 7:10 ပူးပေါင်းရင်းမြစ်များ

Va'Atəŋ 37:8

Milmiŋgiɗin azlan sənən na: «Mok aka wəsok məlĩ akam gəm daya akam kan sa?» Azelnənək dayki lahəŋ əmpa, aka wissine nan də metteɓ mani.

1Milyeŋge 13:33

Də as pak, Yerobo'am dəppan tive nan mbəraynəŋ ɓa. Ndən təŋ ənde ɗiy ka məsdəlveŋge net gəleɗe-nettuyeŋge sə weleŋgit ɗiy-ɗarə. Ɗəf an dəŋgəl nawsan məsdələv pak əpsən zəga, asna ndən əɗiyən məsdələv net gəleɗe-nettuyeŋge.

1Milyeŋge 18:17

Adan Akab awla Eliya, aɓsen na: «Is məki wəray aka Israyeləŋ tə sa?»

Yeremiya 18:18

Aɓɗaŋ na: Mide mətuvur səm wən aka Yeremiya, mahenziŋ azəna vi məsdəlveŋge tahəŋ ɓa ɓa, əzga' vi məsmaɗɗula tay ɓa ɓa, əpel na Maŋgəlva vi məskəleŋɗe tahəŋ ɓa ɓa. Məndam sa akani, məraygən səm iya nani, əpel nan tay mədazga sləma akan ɓa.

Yeremiya 36:16

Səza aprəmən əpel nak pakə, ɗiy pak awlaŋgək aza zit də əkkere. Yaŋ aɓsənən Baruk na: Waməboton əpeləŋ pak sən Məlyã.

Yeremiya 38:4

Yas deyeɗe anahaŋ sənən məlĩ na: «Ɗəɗah əbay ɗəfəŋka, tay əddakan mekret ɗiy nalpa məs dəssoŋ a walaŋgəla-metiŋgiŋka gəm ɗiy pak də zev əpeləŋka. Vi ɗəfəŋ əray adawkayan sit ɗiy ɓana zəzayi ɓa.»

Amos 1:1

Əpel na Amos, taka naret məzuteɗeŋɗe na Tekowa. An məs awəl aka wən na Israyel aka pay na Oziyas məlĩ na Yuda gəm aka pay na Yerobo'am wətən Yo'as məlĩ na Israyel əzva sula tak əɓla na dəlva.

Amos 3:14

Vi pay nədawsilyaw ətawwən aka kiɓəɓəl na Israyel, wanətaw aka wən net matuyaɗe na Betel, kaŋzluti mohoŋɗe na matuya vani, wabətaŋ afuŋ.

Amos 5:10

Tahəŋ əzelen məzukiyit aka tive a təki nawtawwən na walaŋgəla-metiŋ gəm əzel ɗəf an məzupel də tiveni.

Amos 5:5

Ya kədawkayawən addəv Gəla na Maŋgəlva na Betel ɓa, may kədaddoŋ addəv Gəla na Maŋgəlva na Gilgal ɓa, kədawtoŋgoŋ a təki salala na Ber-Seba ɓa'e. Vi isim adawsimginin Gilgal: Betel tam ka zəga ɗar adakkpaŋga.

Amos 7:11

An Amos van apel yaŋka: Yerobo'am ama masalam adamta, gəm kawsimgiti ɗiy na Israyel, kawsimgiti səka dələv neti.»

Matiye 21:23

Adan Yesu atoŋ addəv gəla na Maŋgəlva, deyeɗe net məsdəlveŋge dit ɗiy məsɓet azzoŋguk azan aka adawyaget ɗiyi, aɓsənən na: Də gagdak na mi kədaɗɗe zəgeɗiŋ di? Naway dəpsuk gagdak nan di?

Luka 23:2

Atəŋgənək əkiyaŋ dolgoy akan dawnəh na: Mərəhək ɗəfəŋ əsilgit ɗiy naka dələv nam dəɓoŋgoŋgəni, tay ətek ɗiy dawfaɗ nzalaka sən Kaysara, tay ənah na ndən sən kiyən na Kristu yi məlĩ yi.

Wəza net Masləŋɗe 24:5

Mulak na ɗəfəŋ gəbay yi, tay əsilgən wən a walaŋgit mə Yudeɗ nammba dələv pakə. Ndeni daya net ɗiy dəgohoŋ adawyaŋ mə Nazaretɗe.

Wəza net Masləŋɗe 5:28

Aɓsit na: Məɗi sukum wən nan dəɗi na, kədawyegetin ɗiy də iya na ɗəfəŋ ɓa ɓa sa? Yaŋ kəknəhən Yerusalem də iyak nokum, mokum aka əki mbel na ɗəfəŋ akamə!

Wəza net Masləŋɗe 7:54

Adan aprəmən wənəska, gədivit adək diyɗa, apəranənək slayit akani.