Amos 6:8 - Bible en Guidar

⁸ Yawe, Maŋgəlva aswayək ndən sən kiyən Yawe Maŋgəlva Məzuɓappak aɗiyman na: «Maw tay aka əkaɓ na Yakob ɓa, nəzelik gəleɗe lelewɗe nani. Wanəppan walaŋgəla-metiŋ van də an naddəvən pak avet məzuzelɗe.»

Amos 6:8 ပူးပေါင်းရင်းမြစ်များ

Va'Atəŋ 22:16

Yawe aɗiman na: «In sən kiyu nəswayka: Adan kəgəɗ vaska, kətak wutuk karmalay dapsu ɓa,

Gəlyaɗe 106:40

Yawe akiyək herɗe aket ɗiy nani, azelik ɗiy nawray nani.

Gəlyaɗe 47:4

Tay əɓegən kiyit ɗiy abamə, gəm əvoŋgit ɗiy-ɗar ammba təlmə.

Gəlyaɗe 50:12

An may aduka, nənah suk na sam ɓa, adan dələv gboŋ pak nawi dit zəgeɗ naddəvni.

Gəlyaɗe 78:59

Maŋgəlva aprəmka, makran assanək diyɗa, azganək Israyel firiki;

Wənməkkpaŋga 8:13

Geslne sən Yawe na, ndəni əzel zəga mbərayən, nəzelik əkaɓa, əɓaygən-kizəɗəfa, tive na mambraya, gəm əpel net tepelkeɗi.

Isaya 28:1

Əraya! Məs mbazla abay na Efrayim tay əkaɓaŋ də walaŋgəla-metiŋ dəsan mətərkiya, dəzlzlet hã aka walaŋ məs ba'ar gagdak nan aɓətək va uffiyo məɓətən aket məs mbazla abayə.

Yeremiya 12:8

Ɗiy zəganawzəmgəla nawa akkpaŋgaŋgək va ɓoolu addivit wəleŋɗe: Abayaŋgək gagay viwa. Vini neŋgliw əmpa ɓa.

Yeremiya 22:14

Məzunah na: Warka gəla vender vender məzarŋgasla, gəleɗe naddəvən sloprok sloproku. Tay əppa təkifoŋgo tay əɗaman zə gəla van diŋgil dit wəleŋɗe moggeti tay əkkəɗ sit sleɗi.

Yeremiya 22:5

Ya an kəprəmən əpeləŋ ɓa, suwayə Yawe aɗiymani, gəla na məlyəŋ wakkpaŋ kiməskiya.

Yeremiya 44:26

Vini kana, məprəm əpel na Yawe mənokum ɗiy na Yuda naka dələv na Eziptə pakə, in yakəŋkə, nəswayək də iya naw metiŋgini, Yawe anahə: Ɗəf na Yuda tay nawya iya naw aka dələv na Eziptə bayman dawnəh na: Də iya na Daya Yawe madarani ɓa.

Yeremiya 49:13

Vi də in sən kiyu nəswayə, Yawe aɗiymani, Bosra wakkpaŋ məraygəni, zəga na əra, kiməskiya, wakkpaŋ zəga na mefɗeke. Walaŋgəleɗe gugriɗ nan pak wakkpaŋgaŋ kiməski hã faɗə.

Yeremiya 51:14

Yawe Məzuɓappak aswayək də ki zək nan na: Ha'aw gesiŋ nəknahkuk dit ɗiy va heyɗeŋɗe; wanzlaŋ vaŋvəl naska wəla akoko.

Əɓuhma 2:5

Daya asanək va məzuzele, asɗəkək Israyel, asɗikik gəleɗe mogget nani, abzliwik walaŋgəleɗe na korgu nani. Əhəm də əray awanək zən a Yuda.

Ezekiyel 24:21

Apel sit ɗiy na Israyel na: Vaŋ Daya Yawe anahə: In yakəŋ əraygən gəla nawa, məs dəsan əkaɓ na gbogboŋ nokum, ənnek ama horokum, də əŋgla na gəɓa zukumu. Kirtukum mezeŋgleket dit muguluŋgit kəppaŋ dərɓogokuməŋ ama masalam adamtaŋgə.

Hose'a 11:6

Masalam wakəlvəɗ a walaŋgəleɗe gugriɗ nani, wazet məzuganəni, wazim aka an armaŋ a mekreti.

Məsdəlveŋge 26:11

wanəɗi təki nassa naw awalaŋkum; nəzelkum na ɓa;

Məsdəlveŋge 26:30

Wanəzet gəleɗe-nettuyeŋge nokum, wanəzet gəla matuyaɗe na tursan nokum; wanəzget gəbayɗe nokum aket matuyaɗe sit tuyeŋge nokum gəm wanəzelkum.

Amos 3:10

Dəsənaŋ əɗɗa moggon ɓa «ndəɗaŋ məkkalanən zəga mərəhən də gagay gəm də popoho addivit gəleɗe net moggetiŋki.» Yawe aɗiymani.

Amos 3:11

Vini yi, an Yawe Maŋgəlva anah yaŋka: «Mossok wasərŋgəsl dəlva, waddakan gbogboŋ noko, wande zəgeɗ naddivit gəleɗe nok moggetiŋki.»

Amos 4:2

Yawe Maŋgəlva aswayək də salala nani: Pay yaŋ əzzan akokum məs meseŋgiɗkum adawgilgukumən dit teklemɗe, en nozzoŋ dərɓogokum tam dit tulhoŋge nampa kilfi.

Amos 5:21

Nəzelke, maw tay aket wəzləreɗ nokum ɓa, miŋginit əkkalɗe nokum tay akaw nek ɓa.

Amos 8:3

Pay dəpas na, gəlyeŋge neŋgil ana məlĩ da wakkpaŋgaŋ wəhəm na gəlabaya, Yawe Maŋgəlva aɗiymani. Kigəbayɗe waŋɗaŋ ɓa, kazgeti a təki pakə. Təki pak wassan sləɓɓəkə!»

Amos 8:7

Yawe aswayka: «Aka əɓaygən kiya na Yakob na, nəzgət na ɗah ki zəga naɗɗa net pakəs ɓa!»

Zakarya 11:8

Yaŋ nəzet məzuteɗəŋge hoku aka təla taka. Maɗɗulaw dəɓəs əsan aket ɓa, net pak mekret tay akaw ɓa.

Əmsak aka Mahenziŋ 32:19

Yawe awlak va kirtin mezeŋgleket dit muguluŋgit amasaŋ akani yas azele.