Amos 6:10 - Bible en Guidar

¹⁰ Asna mahəlfa na gugo net ɗiy en dəmtaŋ dədawgilgin gəbay net səŋgil kawndikit, wanah sən ɗəf məɗamən naddəv gəla na: «Ɗəf tay azok sa?» Ɗəf van wazlan sən na: «Awwo, ɗəf tay ɓa.» Wamsak ənah səni: «Amsan mok kpuɓu! Ɗəf adawya sləma Yawe ɓa.»

Amos 6:10 ပူးပေါင်းရင်းမြစ်များ

2Milyeŋge 23:16

Yosiyas kpaŋ yaŋ awle magamasɗe aka mossorgo metiŋ adaka; yaŋ aslən wənde sleŋsleŋɗe səddəvit magamasɗe, azle aka matuya: vi karnokon va əpel na Yawe məs ɗəf na Maŋgəlva atəl ma nan lahəŋka.

2Milyeŋge 6:33

Tay əpel dənɗaŋ tagay, maslən nak agap azani, yaŋ amna: «Ya ərayəŋ səza Yawe ade! Miy nədawga səva Yawe əmpa di?»

Yeremiya 16:6

Ɗiy gugriɗ dit memeɗeŋɗe wamtaŋ səka dəlvəŋka kawndikti ɓa, kawhəmi ammbet ɓa, kantarani zə ɗəfa may əɗɗa ɗuŋgul ammbet ɓa.

Yeremiya 44:26

Vini kana, məprəm əpel na Yawe mənokum ɗiy na Yuda naka dələv na Eziptə pakə, in yakəŋkə, nəswayək də iya naw metiŋgini, Yawe anahə: Ɗəf na Yuda tay nawya iya naw aka dələv na Eziptə bayman dawnəh na: Də iya na Daya Yawe madarani ɓa.

Yeremiya 9:21

Apel na! Vaŋki Yawe aɗiymani: Gəbeyit ɗiy wasan sokosloɓ afuŋ va ba'ar a gulyo, va maŋgav məvoŋgən dərɓaga məzubəla, ɗəf tay nakkelet ɓa.

Ezekiyel 20:39

Mənokum ɗiy na Israyel, an Daya Yawe anah yaŋka: Naway pak dəmbat əzaɓ-Maŋgəlva nani; dərɓagan na kawlani an kəprəmnən na maw ɓa. Kəraygənən na iya naw də əvəl nokum gəm dit meŋgilveɗ nokum əmpa ɓa.

Ezekiyel 24:21

Apel sit ɗiy na Israyel na: Vaŋ Daya Yawe anahə: In yakəŋ əraygən gəla nawa, məs dəsan əkaɓ na gbogboŋ nokum, ənnek ama horokum, də əŋgla na gəɓa zukumu. Kirtukum mezeŋgleket dit muguluŋgit kəppaŋ dərɓogokuməŋ ama masalam adamtaŋgə.

Amos 5:13

Vini ɗəf məs maɗula adawsan ɓat pay nani vi pay nan pay na əray yi,

Amos 8:3

Pay dəpas na, gəlyeŋge neŋgil ana məlĩ da wakkpaŋgaŋ wəhəm na gəlabaya, Yawe Maŋgəlva aɗiymani. Kigəbayɗe waŋɗaŋ ɓa, kazgeti a təki pakə. Təki pak wassan sləɓɓəkə!»

Əŋɗa 17:12

Aron agəmək kasli va Moyis anahə, anzan addak vanday, vi gəbay mbərayən atəŋgək a weleŋgit ɗiy səkay. Ndən tursan sek əziyən, aɗɗa mahenziŋ naskoɓ mambray aket ɗiyi.

1Samiyel 31:12

Məs mekret pak asilyoŋko, addoŋ kim aka wədawa; azlərəɓən kigəbay Sawlu də kigəbeyit kirtin səza zlava na Bet-Seyan, sissiŋ amndoŋ a Yabes. Ezlenin adaka.