Amos 5:6 - Bible en Guidar

⁶ Məkayan Yawe asna wakəssoŋ madorokum, vi adazzan va offo aka gəla na Yosef gəm kazəmən ɓa, məza ɗəf tay namtan sə Betel ɓa ɓa.

Amos 5:6 ပူးပေါင်းရင်းမြစ်များ

2Samiyel 19:20

aɓsən məlĩ na: «Kəŋɗan heslepe naw ɓa daya nawa! Kədaɗɗum aka an balam nok araygən suk pay daya naw məlĩ agil sə Yerusalem, hara ka məlĩ dəɗigən a makran ɓa.

1Milyeŋge 11:28

Ɗəf Yerobo'am vani, gambaray yi; Salomoŋ awlak va asan gala adaɗɗa wəza azani; ndəni yi aɗi nawla wəza na vavyak aka gebbet kirtin Yosefi.

2Alabaraɗe Də Mabərkiziti 34:25

Adan azgawənka, azlaŋ tursan sit meŋgilveɗ məɓɓet vi kawdan su gədəvu də zəga naɗɗa netəŋ na, wanəke herɗe naw aka təkiyəŋka, affeteŋ na ɓa.

Gəlyaɗe 27:8

Makraw tay aka an kəpel na: «Məkayawaŋka!» In tat əkkpaŋ aboko Yawe.

Gəlyaɗe 69:33

Məɓegənən ki zit wawlanəni, wannekeŋgi. Məkayanən Maŋgəlva, ənziya nokum dəzzeki!

Əgilye 22:6

An ɗəf apsənək koɓeɗ sən ɗəf əzaɓa awaniɓa zəgeɗ meɓɓeti, yaŋ məhãlit səna ɗəf da vani, an mərəhni məhãla vani, wafaɗ təɓələn sula.

Isaya 1:31

Ɗəf an gbogboŋ wasan va məzləgəlagəla, wəza nan na va offo muhurun, wazlaŋ sulegiti sapə, məza ɗəf namtan ɓa.

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Isaya 55:6

Məkayan Yawe pay nawrahən, mətəl mokum azan aka tay gu'o.

Yeremiya 38:20

Yeremiya amna, appokun na avet ɓa, aprəm əpel na Yawe məs nədawnah suk ɗa. Wasan suk moggoni, wakəsok modoroko.

Yeremiya 4:4

Məssoŋ məskəlkum awra vi Yawe. Məzargən gayã na mokrokum, ɗiy na Yuda dit en na Yerusalem. Vi ədagədəv naw adawgilyen va offo nzilimnzilimi, məza ɗəf namtan tay ɓa, sən zəga naɗɗa nokum na daraw.

Yeremiya 7:20

Vini kana, vaŋ Yawe Maŋgəlva anahə: Ədagədəv naw dit herɗe naw yeŋ əgbo'oŋ aka təkiyəŋka, aket ɗiyi, zəgeɗ memeyẽɗi, wəleŋɗe nawra gəm uwa na zəga na mabardaw. Wazlə, amtə na ɓa.

Ezekiyel 21:3

Kənah səngən wəlaŋga na Negev na: Aprəm əpel na Yawe: An Daya Yawe anah yaŋka: In yakəŋ əsɗa offo addəvko, wazla wəleŋɗe məkdəket naddəvuk pak dit en məkleket pakə; hərzlum offo məŋgiɗŋgiɗ amtə na ɓa, zəgeɗ nadak pak wazlaŋgə, təŋ sə Negev gap kəla disiŋgi.

Ezekiyel 33:11

Anah sit na: Va nəsaw madarawa Daya Yawe aɗiymani, nəŋgəl məsdaraw əmta ɓa, neŋgəl na məsdaraw dəmilgin səka ədaw nani, dəsangən madaran dərəŋgə! Məmili, məmil səket tiveɗ nokum mbəreytiŋki: Viymi kədamtaŋ di mə Israyelɗe?

Ezekiyel 37:19

Anah sit na: An Daya Yawe anah yaŋka: In tat əgəm wəlaŋga sloprokko na Yosef, məs nava Efrayim gəm mahəlfa na Israyel dəsapaŋ sənəni; wanəɗi ka məzuzel nani, va ənah na, məzuzel na wəlaŋga sloprokko na Yuda; wanəsepet ka wəlaŋga sloprokko taka, wassoŋ taka avawa.

Amos 3:14

Vi pay nədawsilyaw ətawwən aka kiɓəɓəl na Israyel, wanətaw aka wən net matuyaɗe na Betel, kaŋzluti mohoŋɗe na matuya vani, wabətaŋ afuŋ.

Amos 5:14

Məkayan zəga an moggoni məza an mbərayən ɓa. Vasna wakəssoŋ madarokum, Yawe, Maŋgəlva Məzuɓappak, wasaŋ də mənokum, va kədawnahaŋgə.

Amos 5:4

Vi van Yawe apel sit mə Israyelɗe: «Məkayawa, asna wakəssoŋ madorokum.»

Amos 6:6

Mənokum məsan zəga dit hiliŋgiɗ nawsa mbazla, mənokum tat əppay mel məzufok nek diyɗa azukum. Ya mokrokum assokum aka wən na əray na Yosef ɓa.

Sefanya 2:3

Məkayan Yawe, mənokum məzurayɗe naka dəlvafuŋ, məzəɗɗaŋ wəza də an agəɗə; məkayan təstəsə, məkayan əɓe'gən kiya, kuzuŋ wakəɗamaŋ aka pay nawda gədəv na Yawe soko.

Zakarya 10:6

Wanəɓɓəlet ɗiy na Yuda, wanəkõhgən gəla na Yosef. Wanəzi də gəla, vi wanula sasẽhti, wassoŋ va nəzget ɗah ɓa, vi Yawe Maŋgəlva net nani, wanəzlan a meti.

Əmsak aka Mahenziŋ 32:22

Gədəvu adək diyɗa: hã gap a təki net ɗiy mimtiti; azlak dəlvafuŋ dit zəgeɗ nakan pakə, azlak suwer mossorgoɗe pakə.

Əmsak aka Mahenziŋ 4:24

Vi Yawe Maŋgəlva nok, offo məzuzlay yi, Maŋgəlva məskotoroki yi.

Yosuwa 18:5

Duɗakanəngən dələv van təɓələn buhul a weleŋti: Yuda dəsangən aka dələv nan kəla dohoŋ, gəla na Yosef tam akan nan də disiŋ.